بداية غربتي

من البحر لين البحر
منهو تحدانا انتحر
اقرب له الموت الحمر
والنار من يقوا لها

اقرب لهم منا القبر
ماهو غرور ولاكبر
بامر العزيز المقتدر
نطغى على عيالها

جمرة عرب ماهي غضى
ارقابهم فوق الفضى
ولا تدور لرضى
بقفايها واقبالها

ويامرحبا بالي وصل
واللي من البعد اتصل
في حفل وافين الخصل
اللي تسوق دلالها

والعود في المجلس يفوح
يبري عليلين الجروح
وحد يجي واحد يروح
ينساق لستقبالها

في حفل وافين الخصال
الي عليه الاتكال
نسوق لك روس الجمال
سوق العرب لدلالها

في حفلة اليث العرين
حر على العليا يبين
يبشر بنا في كل حين
في قصارها واطولها


شيخ قبل عهد الملوك
ومن قبل لاتعطى الصكوك
معروف من جدك وابوك
مسيرته واهوالها

جينا ملبين المقام
اللي عليه الازدحام
الاد شداد الكرام
بفعالها واقوالها

جينا وحن متحزمين
محزم يبن مهرس متين
اضربنا القاسي يلين
والخيل من خيالها

حناهل الفعل الجزيل
مانذبح الا كل حيل
اللي كما سيل يسيل
من جالها لاجالها

مانرحم ولا نعتبر
وعظامنا مماتنكسر
والله مانزحف شبر
في ارض نبي منزالها

وفزعة بني الحارث تهول
وتطير من طنختها العقول
يمشون في عرض وطول
في سهولها وجبالها

ماهيب يومين وتزول
يويل من فوقه تجول
روس الرجال اللي تطول
كل الذي يطرالها

وقفاتهم مثل الاسود
دايم على العالم تزود
مثل الكتايب على الحدود
بطباعها واشكالها

من لابة مثل السدود
عن المواقف ماتلود
واسرع من سباع الفهود
ياويل من يبرا لها

واختامها واهو الاساس
لاجيت انا مابين ناس
في كل ماقف به نقاس
مقسومنا بجزالها

ارحب ويا هلا بك يا شاعرنا العزيز
أبو نايش
من طوّل الغيبات جاء بالغنائم
وأنت راعي الطيب والعلوم الغانمة

‫انا هنا موجود وين انت عنا‬
اسال وتلقا العلم ياصاح مردود



حنا ترى شبه الجزيره وطنا
وتفكيرنا ماله على العالم احدود


ودوله مصر ماهيب لي يامهنا
منشان عنها اعطيك ميثاق وعهود

ان جيتني مابين ساق وعنا
تلقى بييوت العز والطيب والجود

وجهي طليق وعند الاجواد له شان
لو كان ماني قدمهم امتزين

يالي بياضك باهق بين الالوان
ابيض وجه والعضم راهي ولين

مالك مع اهل الطيب ايات عنوان
وفي الماقف الغصاب منته ببين

تعال خل اسمائنا المستعاره
عطني عهد واعطيك حب حقيقي

مملكة شعرية روعة
أعجبتني بالحيل أخوي النايش
تسلم تسلم

هلابك اخت فهيده واسعدني مرورك الكريم

طول ليلي انتظر حتى النهار
وانتظاري راح ماله فايده

تسهر العين الشقيه بالجوار
وعينكم عنا بدت محايده

مايليق بمثل شرواي انتظار
ومثل شورواك القاء عوايده

غربة وطن و جزالة رجل ، سلم لسانك شاعرنا و دمت مبدع و صاحب قلم لأهنت و متابع لك بشّغف ،،

هلابك اخوي عبد العزيز واسعدني مرورك