آخر 10 مشاركات |
مختارات | قال تعالى: إنَّ اللهَ لا يُغَيِّرُ مَا بِقَومٍ حتَّى يُغَيِّرُوا مَا بِأنفُسِهِم |
مواضيع ننصح بقراءتها |
|
||||||||||||||||||
يابوي فقدك ما يعوّض بالأثمان
بسم الله الرحمن الرحيم الحمد لله والصلاة والسلام على رسول الله ... قصيدة رثاء في والدي الشيخ / زايد بن نايف بن شرار بن مهرس رحمه الله وأسكنه فسيح جناته ..،
يابوي فقدك ما يعوّض بالأثمان = وأنا أشهد إنه من كبار الخساير يابوي من عقبك تولتني الآحزان = والكبد يصلاها لهيب السعاير وعليك دمعي مثل همّال الأمزان = والخاطر المكسور ماله جباير الله يبيحك يا ذرى كل مشتان = يا سعد ربعك في السنين العساير أبكي ويبكونك شباب ٍ وشيبان = وقيا على فقدك تهل العباير والمرجلة تبكيك يا طير حوران = ياللي لها عديّت روس الزباير ويبكي على فقدك طراقي وضيفان = يلقون عندك دلتين ٍ نحاير والعود والمجمر وكبش ٍ من الضان = وسوالف ٍ تبري الكبود الضراير بعيد شوح ومنزلك راس ما بان = ما انته برعديد ٍ جداه المذاير وفعلك ليا ثار البلاء دايم إيبان = إليا نكس جابان لأم العطاير سيف ٍ تروّع سلته كل شيطان = وذخيرة اللي ما لقاله ذخاير منجبن من روس شيخان الأظعان = روس الشيوخ متيهين العشاير اللي لهم في مرقب الطيب عنوان = سوّاقة البيرق نهار الحشاير هل البويضا لا غشاء الجو دخان = يفرح بهم من شاف ضيم وعزاير عسى السحاب اللي من الخير مليان = اللي سناء برقه يسوق البشاير يمطر على قبره ويرجع بالأوطان = وينبت على قبره زهور ونواير يا موت ياليتك مشاور بما كان = ونعطيك غيره من خباث الضماير أهل الردى شذّابة فلان وفلان = اللي سعوا بالكذب بين العشاير وألا نسوق المال دونه والأثمان = ويرجع لنا سقم الخصوم البواير لاشك ما للعبد لا جاء القضاء شان = والموت لابده على الحي داير يالله ياللي بالمخاليق رحمان = يا غافر الزلات لو هي كباير يالله تكتب له من الذنب غفران = برحمتك يا منشي المزون الغزاير وعساه في الجنة نزيل ٍ وسكّان = في جنة الفردوس ظل وبراير وإنك تصبّر خاطري طول الأزمان = أنت الملاذ من الهموم الجواير وصلاة ربي عد ما هل ودّان = على النبي وعداد ما زار زاير فيصل بن زايد بن مهرس
|
28 May 2013, 02:02 AM | [ 2 ] | ||||||||
|
رد: يابوي فقدك ما يعوّض بالأثمان
الله يرحمه ويغفر له
ويسكنه فسيح جناته صح لسانك وعلا شانك ولاهنت شاعرنا على القصيدة الجزلة |
||||||||
|
|||||||||
28 May 2013, 02:15 AM | [ 3 ] | |||||||
عضوة متميزة
|
رد: يابوي فقدك ما يعوّض بالأثمان
الله يغفرله ويسكنة فسيح جناتة صح لسانك ولاهنت |
|||||||
|
||||||||
28 May 2013, 12:09 PM | [ 4 ] | ||||||||
مؤسس شبكة الشدادين
|
رد: يابوي فقدك ما يعوّض بالأثمان
رحمه الله رحمة واسعة وغفر له والله إن أبو بدر فقيدة الله يرحمه ويسكنه فسيح جناته وما لكم يا عيال العم إلا الصبر والدعاء سائلاً الله أن يحفكم بعظيم الأجر وجزيل الصبر والله يحييك في منتداك من جديد |
||||||||
|
|||||||||
28 May 2013, 12:30 PM | [ 5 ] | ||||||||
شاعر
|
رد: يابوي فقدك ما يعوّض بالأثمان
تغشاه الرحام في كنف رب حنان منان فقدهم مايتعوض لكن عزانا فيهم انهم من المؤمنين الموحدين وان نكثر لهم من الاستغفار والاعمال الصالحه بارك الله فيك ياشاعرنا البطل فيصل بن مهرس ذكرك ماشاء الله في كل مكان والكل يثني عليك بما انت اهله عظم الله اجرنا واجركم تحياتي |
||||||||
28 May 2013, 05:19 PM | [ 6 ] | ||||||||
عضوة متميزة
|
رد: يابوي فقدك ما يعوّض بالأثمان
رحمه الله وَ أسكنه فسيح جناته صح لسانك وَ لاهنت .. |
||||||||
|
|||||||||
28 May 2013, 06:26 PM | [ 7 ] | ||||||||
مراقب عام
|
رد: يابوي فقدك ما يعوّض بالأثمان
اﻷخ فيصل ابن مهرس صح لسانك ويستاهل والدك ان يقال فيه من الرثاء مايستحقه ﻷنه من الرجال الذين أمتازو بالدين واﻷخﻻق والشجاعة والكرم. وﻻيطيب الرجل غير من طيب والده الذي علمه العلوم الغانمة من الصغر حتى الكبر فاانتم يشهد الله شهادتي فيكم مجروحه مهما تكلمت أنتم للطيب عنوان الله يرحم شايبا عقبكم. ويرحم والدكم ويجعل مقره جنات النعيم. |
||||||||
|
|||||||||
29 May 2013, 12:35 AM | [ 8 ] | ||||||||
عضو متميز
|
رد: يابوي فقدك ما يعوّض بالأثمان
,’ الله يرحمه و يجعله في روض من رياض الجنّه هذهِ سنّة الحياة , الموت لابد منه في كل الأحوال سنموت جميعاً جعلها الله آخر الأحزان و الله يعوضكم و يعوضنا خير , الفقيده علينا أجمعين رجل دين و خُلقٌ حسن ولانزكيه على الله عليكم بِـ الصبر ثم الصبر ثم الصبر الله يسكنه فسيح جناته , ,’ |
||||||||
29 May 2013, 02:13 PM | [ 9 ] | ||||||||
عضو متألق
|
رد: يابوي فقدك ما يعوّض بالأثمان
الله يرحمـــــــهـ
،' صح لســـــانك يا أبو زايـد ويستاهـل الوالد _ رحمه الله _ فهو كـان ممن عرفوا بالصلاح والتقوى والكرم والشجاعة تقبـل مروري |
||||||||
|
|||||||||
29 May 2013, 05:52 PM | [ 10 ] | ||||||||
|
رد: يابوي فقدك ما يعوّض بالأثمان
فيصل صح لسانك ورحم الله والدك رحمة واسعه وادخله فسيح جناته وغفر له عظم الله اجركم وجبر كسركم والهمكم الصبر والسلوان واحسن الله عزاكم من شاع ذكره ومن خلف لم يمت دمت بخير |
||||||||
|
|||||||||