محاورة مع الرحال خارج المنتدى

يقول الرحال٠

يا ابو غائب بعد رد السلام وكيف حالك فوع=ترى الصقار. لاصاد إله حرن وثق اسبوقه
يأكثر اللي يعدون الثواني عد فالأسبوع =وأعرف الفرصة آليا روحت ماهيب ملحوقه

.
هذا ردي

هلا يامرحبا ترحيب وافي وازهل الموضوع=عسى ربي لقناص الصقور يزين وفوقه
يخيل مزون نوء ٍ لايزال إبها الرجا مقطوع=ولا ينلام في رجوى مخيل ٍ لاحة بروقه

قال الرحال

يدوم الك البقاء ياللي ترحب والليال أتروع=وأنا للحين ماجاني علؤمن منك ماثوقه
بكلمه تفرح الك أجموع وبكلمه تضر أجموع=ومن لا يحسب حساب الخلايق خالقه فوقه

قلت

اخذني درع جنب وسيف لاجا لازمي مااتوع=وعد لا . . لا . . عهد والعهد مهما صار ماابوقه
عهدك لشايبك راع الذلول وورعه المسبوع=في نيل اذواق باقي خلق ربي مالنا طوقه

قال ابو ضاوي

أعرفك سيف صارم بس هرجك ماهو أبمسموع=لفاك ادخيلك ابخير ورجع جبهته مفلوقه
دخيلك لا تحد اللي يحبونك على الممنوع=لجل من له عليك أحقوق لا أخطاء تسقط أحقوقه

قلت

يديني دون حلقي مالحد في حقي المشروع=وكل ٍ ياعميلي حيلته لحنه وطاروقه
دخيلي مافلقه الا يديه وحظه المقطوع=له مدات كفي بالعطا ماهي بمسبوقه

حياك الله يا أبو عبدالله
ولا هنت ولا هان أبو ضاوي
وصحت ألسنتكم
والله يردكم لنا بالسلامة

صحت ألسنتكم
ولاهنتوا ع المحاورة الرائعة