آخر 10 مشاركات |
مختارات | قال تعالى: وقَضَى رَبُّكَ أَلا تَعْبُدوا إِلا إيَّاه، وبِالوَالِدَين إحْسَاناً |
مواضيع ننصح بقراءتها |
|
||||||||||||||||||
لا تجرحين العود بعيونك السود
بداية القصة عن شايب هواوي ( قلبه خضر ) ما يشوف بنت الا ينفتن ومشهور بانه حبيب وفيه بنت ملكعه وصاحبة مقالب قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون راحت له وردت عليه السلام كيف حالك يا شايب رد السلام والله بخير وفجأه عطته ظهرها ومشت ولا استإذان ولا شي ولع الشايب من حركتها قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت باخوي الي في قبره ويذكر التاريخ واليوم اللي قابلها فيه يقول الشايب : يا بنت خوذي خاطري وارحميني لا تجرحين العود بعيونـك السـود غضي نظرك وغطـي الوجنتينـي لعـل يـومٍ جـدد الجـرح مـا يـعـود يوم انتهى مع مرمسـات السنينـي جتني صواديفه على غير مقصود باول شهـر عشـره نهـار الثنينـي حمدان مروا به على جنازة حمود البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ راحته في التغزل ردت عليه وهزأته تقول : يـا شايـب الرحمـن وينـك وويـنـي عزي لحالك قدمـك البـاب مسـدود قلبـك عطـوف وجـاه قلـبٍ متيـنـي والبنت ما تشفق على مغازل العود حبـل الرجـا مقطـوع بينـك وبينـي مثل الغليث اللـي رعـا قلبـه الـدود اقـفـى شبـابـك والـعـرب مقبليـنـي يا عود ما يرجع من العمـر مفقـود حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه يقول حمدان : يـا بنـت صـدي بالعيـون الظليـلـه لا صـد عـنـك الله نـهـار القيـامـه مالـي ومـالـك يالـفـروع الطويـلـه لو فيـك مـن رسـم البـداوه علامـه يابـنـت مــا لــي بالثمانـيـن حيـلـه اهدف كما تهدف على البيـر قامـه اقفـى شبابـي والدهـر شفـت ميلـه يالله حـسـن الخاتـمـه والـسـلامـه اعطيـك موجـز والبضاعـه قليـلـه واخذت لك من صافي الماء سنامه راحت الايام والشايب مسكين سنه خذله معها شايب وهي بنت وتقول له كيف اعطي شايب وجه بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب يقول حمدان : يـا بنـت مـا جـاك الكبـر والخشـونه هوعادت شباب اليوم يجفل من الشيب ياسرع ما وبلك تمزع مزونه يالفاتنه يا ام الثمـان الرعابيـب يا بنت ما بيني وبينك مهونه كلمة شرف نبي تحيـه وترحيـب الله من عودٍ ثقيله طنونـه ينصـاه راع المشكلـه والمواجيـب على الكرم والدين نفسه حنونه تلقاه بالاجواد شرق وتغاريب جهز الابيات وارسلها مع عجوز ووعد العجوز بهديه اذا وصلت الرساله لها راحت العجوز وعطت البنت الابيات شافتها البنت وقفلت على العجوز في غرفه وقالت مثل ما جيتي بابياته ترجعني بابياتي العجوز مسكينه قالت طلعيني ولا ابي منكم شي الله لا يعودكم انتم واوراقكم ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف تقول البنت : العـود عـود وطايـحـاتٍ سنـونـه من كثر ما يرقد على جرة الذيب عودٍ مهرقـل والعـرب مـا يبونـه ياعود ما لك في طويل المراقيب اقفى شباب العود راحت حتونـه مثل اليتيم اللي بكا ما لـه مجيـب جـداه ينثـر دمعـة ٍ مــن عيـونـه غريق موجٍ ما لقـا لـه مقاضيـب
|
13 Sep 2013, 03:40 PM | [ 2 ] | ||||||||
|
رد: لا تجرحين العود بعيونك السود
من جد هالبنت مافيها حيلة
مشكور طال عمرك على الإيراد ولاهنت |
||||||||
|
|||||||||
14 Sep 2013, 06:31 AM | [ 3 ] | ||||||||
مراقب عام
|
رد: لا تجرحين العود بعيونك السود
ههههههههههههههههههههه وربي الدعوه تحدي انااشهد ان الاموربينهم مالها مصلوح تسلم على الطرح السلطان لاخلينامنك يارب |
||||||||
|
|||||||||
17 Sep 2013, 07:53 PM | [ 4 ] | ||||||||
مؤسس شبكة الشدادين
|
رد: لا تجرحين العود بعيونك السود
الله يعافيكم ويبارك فيكم حضوركم هو المميز وتفاعلكم هو الرائع ألف شكر لكم |
||||||||
18 Sep 2013, 03:23 AM | [ 5 ] | ||||||||
عضو متميز
|
رد: لا تجرحين العود بعيونك السود
لاهنت يالسلطان دائم مبدع وتسلم على الطرح المميز |
||||||||
29 Sep 2013, 09:38 AM | [ 6 ] | |||||||
|
ـ
.
الله الله يَ السُلطانْ عِشتْ وَ لا هنتْ رائِعّة وَ زاخِرَّة بِكُلْ جميِلْ فَ الشايبْ ماقصّر وَ البنتْ أيضاً ذاتْ ردوُد ذكيّة |
|||||||
29 Sep 2013, 01:03 PM | [ 7 ] | ||||||||
مؤسس شبكة الشدادين
|
رد: لا تجرحين العود بعيونك السود
أهلاً بكم هنا وأسعدنا كثيراً تواصلكم الرائع معي وألف شكر لكم |
||||||||
03 Oct 2013, 11:38 AM | [ 8 ] | ||||||||
|
رد: لا تجرحين العود بعيونك السود
جزالة الشعر والطرافه وروح الدعابه اختيار الجزل دائماً ذويق رائع يعجبني ذوقك دائماً |
||||||||
|
|||||||||
09 Oct 2013, 08:46 PM | [ 9 ] | |||||||
عضوة متميزة
|
رد: لا تجرحين العود بعيونك السود
الله يعطيك العافية ، ماقصرت ع الايراد الاكثر من رائع ...... |
|||||||
|
||||||||
09 Dec 2013, 12:15 PM | [ 10 ] | ||||||||
مؤسس شبكة الشدادين
|
رد: لا تجرحين العود بعيونك السود
أهلاً بجميع من حضر وشارك معنا هنا وبمن شرفنا بالتواصل والتواجد فله منا كل شكر وتقدير |
||||||||