من القائل

يالله تعدلها عن العسر والميل=والاتميلها على الناس مرة
وأحديجاضع لابسات الخلاخيل=وأحدعجوزاتقلع الكبدمرة

ما اعرفووووووووووووووووووووش

والله

حياك الله يابن مروان،،
والبيوت المحرفه اعلاة للشاعر // خضير الصعيليك الاسلمي الشمري
ويقول فيها

البارحه ياشعيل ياحيل ابا الحيل = والعين عن نوم المخاليق فره
لا غملجة لاكن فيها سماليل = واللا النويفج لايعه عقب ذره
من الهجس والهاجوس والعدل والميل =تقول ماليبه بلتني بشره
لاجن نجوم الليل مثل القناديل = واكهف على الميزان نجم المجره
غديت مثل مدوه الرجم بالليل = دليل قوم ضيعته المغره
ولاضاق صدري قمت احوف المعاميل = وكيس الشقيري فاتحين مصره
ودنيت محماس وكفي خذا ميل = برية من سوق صنعاء مقره
ياماحلا صبه بربط الفناجيل = دولابةٍ كنك بسلك تجره
وشربت من بكره ثلاثة فناجيل = وخذيت من زين الغلاوين جره
مزيت مايكوي قلوب المغاليل = لو ان شربه ماذكر به مسره
احد عشاه البر ومفطح الحيل = واحد عصيدٍ يلعط الكبد حره
واحد يلاعب لابسات الخلاخيل = واحدٍ عجوز ذاق منها المضره
يالله تعدلها عن الضلع والميل = ولا تميلها على الناس مره

وسلامتك

كنت أعرفه بس قلت ما اعلمه هههههههههه

يعطيك العافيه ياأبو سليمان

بيض الله وجهك يابو عبدالعزيز
على ذكر الشاعر واكمال لقصيدة وفعلا انت مشرف متميز
الرجل المناسب في المكان المناسب لاعدمناك ايها المبدع
وتقبل تحياتي

الف الف شكر اخي ابو عبدالعزيز وبيض الله وجهك ولك فائق الاحترام

مشكور اخوي

واتمنى لو كان الموضوع في القصائد المختاره

كل الود