هم عزوتي لاقلت يا لاد شداد

قامت تصافق باالغصون الهبايب=وتمحي ذعاذيع الهوا كل الانكاد
وهل المطر من مدلهم السحايب=صدوق الحيا ماهو بنشرات الارصاد
نو تحدر من مزونه سكايب=يسقي ديار وجدها للحيا زاد
اخذت لها عامين والسيل غايب=عساسها لوراح باالبشر ماعاد
يجيك بعلوم الحيا اهل الركايب=وتلقى علومه مع صدير ووراد
بشر بمنبوته شباب وشايب=وبشر بغدران المطر كل نشاد
لابد ترجع عقب كانت جدايب=باذن الولي تفرش من العشب سجاد
تمشي به الذيدان مثل الذهايب=تسرح وتضوي مالها شبك وقياد
تدوج في عشب الفياض النجايب=ويرتاح راعيها عقب كان كداد
لي ديرة تسوا الديار الرحايب=دار الكرم والعز من عهد الاجداد
منوة هل البل فاالسنين العشايب=لاناشها الوسمي ببرق ورعاد
ربعي هل البل محتمين السلايب=هم عزوتي لاقلت ياالاد شداد
لطامة العدوان يوم الحرايب=جموع العدا من فعلهم راحت ابداد
من يعترضنا بشره باالغلايب=نشرب فناجيل الشيوخ اهل الامجاد
كم راس شيخ صار حدر النصايب=عزي لعين ترتجي له بمعواد
عقب الفرح لجوا عليه الحبايب=وشقن عليه الثوب غضات الانهاد
حنا بني الحارث رجال النوايب=وافعالنا تشهد قديمات وجداد
فوق المهار ملافخات السبايب=عن دارنا نذود بارواح واجساد
ستر البني منقضات الذوايب=لاجاء نهار فيه قايد ومنقاد
فينا الكرم والطيب ماله حسايب=ذباحة للكوم فايام شداد
بيباننا شراع والبال طايب=للجار والضيفان ومدور الزاد
جف القلم والحبر يااهل الطلايب=كل سبق للفعل بذراع وزناد
الطيب ماينباع مثل الجلايب=سوق المراجل بارز يوم الاضداد
مايشتريها الا عطيب الضرايب=ماينجحد فعله على روس الاشهاد
وقول بليا فعل ماهو بصايب= ولاني بقايل شي ياكود باسناد

وانت سالم وغانم

وبيض الله وجهك ياذيب

على القصيده اللي تنومس

كل شدادي وصح لسانك لاهنت

يالنشمي مشكور

صح لسانك ياشاعر الحمادين

قصيدة جزلة ومن شاعر جزل

وبيض الله وجهك

جزله من راس ٍ جزل

شاعر الحمادين

حضورك مختلف

ومشرف


صح لسانك

بيض الله جعلك سالم وغانم
قصيده جزله وتشكر عليها جزيل الشكر

صح لسانك ومشكور يالغالي على القصيده

لاتحرمنا جديدك والى الامام ...

صــ لسانك ــح قصيده جزله
ورائعه بيض الله وجهك
ولا تحرمنا من قصايدك

بيض الله وجهك يا شاعر الحمادين

وصح لسانك على قولك ونظمك وحسن لفظك

ربعك ويستاهلون كل خير وكل مدح وكل فخر

وأنت ما قصرت قلت وأجزلت ومدحت وفاخرت وربعك يشكرونك على قصيدتك

تنقل لقسم ما قيل في الشدادين مع التحية

سالم وغانم وصح لسانك
قصيدة رائعه الله يعطيك العافيه
اخوي شاعر الحمادين أتحفنا باالمزيد