آخر 10 مشاركات |
مختارات | قَالَ النبيُّ صلى الله عليه وآله وسلم: لا يَزالُ الرَجُلُ عالِماً ما طَلَبَ العِلمَ، فإذا ظَنَّ أَنَهُ قَدْ عَلِمَ فقَدْ جَهِلَ |
مواضيع ننصح بقراءتها |
|
||||||||||||||||||
نصح و ارشاد ,, قصيده للشاعر حمد بن هادي
نصح و ارشاد ,, قصيده للشاعر حمد بن هادي المسردي اخواني و اخواتي حقيقةً قرأت هذه القصيده في احد مواقع الشعر و ليست منتديات الشعر و التي تحمل من الحكم و النصائح الشئ الكثير و هي للشاعر حمد بن هادي المسردي القحطاني و هو شاعر معروف و من الشعراء الكبار الذين خلد تاريخ الادب الشعبي قصائدهم و قصصهم اليكم القصيد
يقـول اللـي برسـم القافيـات =يصوغ القاف صوغ مجوهـرات إلى منـه بغـا نظـم القصيـد = فـلا يختـار غيـر الطيبـات تنقـا مـن نظيفـات اللحـون =على كيفه مـن القـاف كلمـات محاريف القوافي لـو تعصـت= أصخرها ولو هـي عاصيـات تخيـرت الكـلام اللـي يفـيـد= وجنبـت العـلـوم التافـهـات وأنا قاسيـت شـدات الزمـان= وذقـت أمرارهـا والحاليـات ومن قاسى على الدنيـا شدايـد= يفيـد ويستفيـد مـن الحيـات وأنا ماني بقـول انـي خبيـر=ولانـي بـا أدعـي بمقـولات درست من المعرفه مـا تيسـر = وصرت أعرف علوم ٍ موجزات وعشت من الحيـاة الله واعلـم = عن اللي من سنين العمر فـات عرفت أطوار نيـات الرجـال = وشفـت أسرارهـا المتخالفـات وميزت الرفيـع مـن الوضيـع = وقلـت الحـق والعلـم الثبـات ترى في الناس من يجلى الهموم = عن المضيـوم عنـد النايبـات يسد النوب مـن كـل النواحـي =ويركـي للحمـول الكـايـدات عزيز النفس لـو مالـه قليـل= ايدينـه بالوفـا مستـاصـلات عزيز النفس لـو مالـه قليـل = احبـالـه للـمـكـارم واردات عزيز النفس لـو مالـه قليـل= اشبـوره للمراجـل طـايـلات ولا ظنيت بـه ظـن ٍ بطيـب = تشوف رسوم ظنـك راسيـات وليمنـك نخيتـه فـي لــزوم = بذل لك في قضـاه المعجـزات وليمنك نصيتـه وأنـت ضيـف = يقـوم لـك بجميـع الواجبـات وفيهـم مـن يزيـد الهـم غـم= ولا ينطـح وجيـه المكرمـات واضعيف النفس لو ماله كثيـر = سواً به فـي حياتـه والممـات واضعيف النفس لو ماله كثيـر= عن الطوله شبـوره قاصـرات واضعيف النفس نذل ٍ مـا يفيـد = وجـوده والعـدم متسـاويـات بخيـل ٍ فـوق دنيـاه وذلـيـل = وعن الامجاد طبوعـه شـاذات يقوله واحـد ٍ جـرب وشـاف= وصار يقول عقـب التجربـات على قول الـذي بالقـول فـاز= سبقني في العصور الماضيـات جـزا الله الشدايـد كـل خيـر= عرفت بها القـدا والمخطيـات وعرفت بها العدو من الصديـق = جزاهـا الله عنـي بحسـنـات فيا سامـع كلامـي لـك علـي= نصايـح كالجواهـر غاليـات ولا أريد الجزا إلا مـن إلهـي= ثـواب الله خيـر الجـايـزات عليك بطاعـة الله ذو الجـلال = إلـه الـكـون رب الكايـنـات جليل الملك ذو العرش العظيـم = ومن الأفـلاك بأمـره دايـرات مغيث المستغيث إليـا أستغـاث = وقهـار الجبابـرة الطـغـات ولي الأمـر عالـم كـل شـي= ولا تخفـى عليـه الخافـيـات محـب العفـو غفـار الذنـوب= وله حسنات الأسمـا والصفـات وسيع الحلـم رحمـن رحيـم= وعفـوه واسـع ٍ للمغـفـرات وهو معبودنا المحيـي المميـت= وعلـم الفقـر بيـده والغنـات عليك بطاعته فـي كـل حيـن= وقم لـه بالفـروض اللازمـات شهادتـك وصلاتـك والصيـام = وحـج البيـت واداي الزكـات وبر الوالديـن احـرص عليـه = وفعـل الباقيـات الصالـحـات وقل معروف وأنه عن المناكـر = وأتق ذنـب رجـم المحصنـات ولا تنقـل كــلام ٍ بالنميـمـه = وتظلم لـك نفـوس ٍ غافـلات ترى المولى عن العالـم غنـي=ومن طاعـه ينـال الأمنيـات كريم ٍ لا عطـا ماهـو بخيـل = ومداتـه جــزال ٍ وافـيـات ليا منه عطـى جـزل العطايـا = وهو حلال صعـب المشكـلات تراه اللي ليـا ضاقـت عليـك= يفرجهـا مجيـب الـدعـوات مزيـل الهـم رزاق ٍ معـيـن = علـى خلقـه عيونـه مرقبـات عظيم الشان حـي ٍ لا يمـوت = مديـم ٍ والخـلايـق فانـيـات وكن مستامن ٍ به وأمش وامـن= والأقـدار بفلكـهـا ماشـيـات ولا تحـزن وعانـد كـل هـم= ولا بـد الشـدايـد زايــلات ولا شفـت المحقريـه بـديـره= فلـرض الله فجـوج ٍ واسعـات بدل دار ٍ جفـاك اللـي سكنهـا = اتحصـل لـك ديـار ٍ ثانيـات فحث الرجل وأرحـل لا تبالـي = ولا تبقـى عزومـك فـاتـرات ودس بالرجل غبات المخاطـر= ولا تحسب احساب مخاطـرات فلا يجري لك الا ما كتـب لـك= ولا ياقـاك عنـه مـحـاذرات وهاجر عن ديار الـذل تربـح= وسافـر للديـار النـازحـات ترى الأسفار سجـات وغنايـم= وكـم للبـال فيهـا تسلـيـات ترى الأسفـار للعاقـل مفيـده= تفيـدك مـن جميـع الناحيـات تعرفـك الـرجـال الطيبـيـن = ذوي سـاس العلـوم الغانمـات وتجعل همـة اعزومـك قويـه= وتعطيـك الـدروس الكافيـات وفيها للمعـاش أحسـن وسيلـه= وفيهـا للنصيـب مصـادفـات وسجـات النفَـس فيهـا وفيهـا= لعمر المرء في الدنيـا طـرات تحرك في فجـوج الله الوسيعـه= يجيك الرزق من كـل الجهـات ولا ترضى الكسافـه والمهونـه= تشوف من المعاديـن الشمـات وترى عمر الفتى ماهـو بدايـم = وترى آجال النفـوس محـددات ونيل المجـد فـي قـوة الإراده = وطـلاب المعالـي مـا يبـات يدور للعـلا لـو كـان يتعـب = وعيونه فـي طلبهـا ساهـرات فـلا تغتـر بالنـوم العمـيـق = تراه يضيعـك عمـق السبـات تغانم دام لـك قـدر إستطاعـه = وما دام الفرص لـك سانحـات وليمنـك بذلـت الجهـد فأعلـم = ترى أرزاق العبـاد امقـدرات فكـن صابـر وأقنـع بالمقـدَرْ = ولا تندم على مـا كـان فـات ترى الأرزاق مـا تاتـي بقـوه = ودنيانـا تراهـا خـذ وهـات ورزق الحي مضمون ٍ وجـاري= إليـا حتـى تلاقيـه الـوفـات ولكـن التسبـب شـي واجـب= ومن يزرع سيجنـي الثمـرات وترى من جد لابد انـه ياجـد = كلام أهـل العقـول الزاكيـات وليمنه بذل جهـده ولا أحـرز= مرامـه مـا عليـه معاتبـات ونفسـه مـا يلحقهـا حسوفـه = بقولـه مـا عملـت محـاولات اليـا مـن الليالـي عاكسـنّـه= وحظه مـا سعـى بمساعـدات فيدري بـان هـذي دبـرة الله = ويبقـى قانـع ٍ بالحـاصـلات وخير الناس من يعطى القناعـه = ولا أشقى من نفوس ٍ طامعـات وعندي غير مـا قلتـه وصايـا = على المعنى الصحيح امسيسات اليا منك بغيت تصون عرضـك = وتحضـى بالمزايـا ظ الكامـلات فلا تمشي معـا الأنـذال دايـم = وساير لـك رجاجيـل ٍ ثقـات ومن لا شـاورك لا تستشيـره = ولو عند الظـروف القاسيـات وكُن صامت فإن الصمت حكمه = وهيبـه داخـل المجتمـعـات وكُـب الثرثـره بالـك تلجلـج = فلا يبقى على هرجـك شفـات وكثر الضحك نقص ٍ بالمهابـه = فلا تضحـك بـدون مناسبـات ولا تنطق بغير الصـدق دايـم = ولا تبـدي اهـروج ٍ كاذبـات وكُـن متواضـع ٍ بالـك تكبَـر = وخل أخلاقـك دايـم عاليـات ولا تشكي على حي ٍ سـوى الله = اليا شفت الظـروف معاكسـات ولا تبدي على الأنـذال سـدك= ولا بـد الشـدايـد زايــلات ولا تنسى عليـك بحفـظ حقـك= ترى ليس الكـرم بمناضحـات وعن التبذير صُن مالك يصونك = اليا جات الظـروف القاسيـات ترى ماكل من يضحـك يفيـدك= اليا صـارت يدينـك خاليـات وعز الجار فان الجـار قـدره= على المسلم مـن المستلزمـات وظيفك بش فـي وجهـه وقـدم = له الماجـود حسـب المقـدرات وحذراك الخيانـه فـي خويـك = ولا ترضـى عليـه محايفـات وحذراك الغـرور أول شبابـك = ترى طرق الغـرور مضيعـات وليا ثار النشـب بيـن المقـرد= فجنـب والعواقـب مرضيـات ولا تخطي ولا يخطـى عليـك = وبالـك تعتـرض لمعرضـات وليا جاك الخطا من يم جاهـل =* فـداره بالهـروج المقنـعـات لعلـك تقنعـه بأحسـن وسيلـه = وبيبـان الحمـاقـه مقـفـلات وان لم يقنـع الجاهـل بعـذرك = وأمـوره شفتـهـا متـوتـرات فكن عاقـل وحـذراك الجهالـه =وحسّـب للقـوافـي قافـيـات ليا جهل الجهول العقـل ضـده= فلا تحسـب لأمـور ٍ مهمـلات مضى وقت الجهل وأقفى وولـى= معا غبـر السنيـن المدبـرات وليا مد الجهـول ايديـه عامـد = وصارت مـا تفيـد مفاهمـات فحاول تقنعه فـان كـان عانـد= فـلا للنكـر غيـر المنكـرات وردع الجهل ما يحسب خطيـه = ويحسب من الأمـور المقديـات خصوصاً لأنتهى مقدار صبـرك= وشفت من الخصيـم معانـدات فلا يرضى علـى نفسـه مذلـه = يكون اللي عزومـه ناقصـات ردي الخال نذل ٍ وابـن هامـه = ولاش ٍ والـروابـع خــاذلات وليا منه قضى صبـرك وغلـق= وشفت ان مالحلـول بمجديـات فدافع دون عرضـك والكرامـه= وخاتمتك ليا مـا جـات جـات والأجل مقدر ٍ والمـوت واحـد = والأنفـس كلهـا لـه ذايقـات ولا ياقـى الحـذر ممـا يقـدر = لا بـد أحكـام ربـك نافـذات وهذا ما أستطعت من النصايـح = نصايـح ثابـتـه ومـوكـدات يقولـه واحـد ٍ والكـامـل الله = يوصي وما عمـل بالتوصيـات أوصيكـم وأنـا والله مقـصـر = قصور ٍ مـا تغطـه لأورقـات خصوصاً من جهة ما يرضي الله = وهذا اللي بـه أكبـر فايـدات عسى ربي يسامحنـي ويغفـر = ذنوبـي الآتـيـه والسالـفـات ولكن ياهل العـرف أعذرونـي = اليا قصرت فأبغـى المعـذرات وصلى الله على المختـار طـه = عـدد مانسنسـن الـذاريـات شفيع الخلق فـي يـوم الملاقـا = وكل الخلـق حافيـن ٍ عـرات رسـول الحـق سيدنـا محمـد = عليه من الإله أزكـى صـلات مما راق لي
التعديل الأخير تم بواسطة خيال الشدادين ; 26 Apr 2010 الساعة 09:36 PM
سبب آخر: التنسيق
|
26 Apr 2010, 09:18 PM | [ 2 ] | ||||||||
مراقب عام
|
عبد الإله تشكر على النقل المتميز وصح لسان الشاعر والناقل |
||||||||
|
|||||||||
26 Apr 2010, 09:52 PM | [ 3 ] | ||||||||
مؤسس شبكة الشدادين
|
حياك الله أخي أبو عبدالاله وألف شكر لك على هذه القصيدة الطيبة بكل ما احتوته من نصائح وتوجيهات وتجارب وصح لسان الشاعر |
||||||||
|
|||||||||
07 May 2010, 05:00 PM | [ 4 ] | ||||||||
عضو نشيط
|
خيال الشدادين .. اسعدني تواجدك ومروك يالقرم واشكرك على التنسيق لاهنت |
||||||||
07 May 2010, 05:01 PM | [ 5 ] | ||||||||
عضو نشيط
|
هلا والله اخوي السلطان .. سعدت بتواجدك الطيب شكري وتقديري .. |
||||||||
08 May 2010, 03:57 PM | [ 6 ] | ||||||||
شاعر
|
صح لسان الشاعر ومنور المنتدى يابوعبدالإله |
||||||||
|
|||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قصيده للشاعر بسيس موجهها للشاعر عبيد | فواز بسيس | بحور القوافي | 10 | 03 Mar 2011 06:27 AM |
قصيده للشاعر عيد الشدّادي | نواف الشدّادي | بحور القوافي | 13 | 05 Feb 2011 09:00 PM |
قصيده للشاعر بسيس رحمه الله موجهه للشاعر عايض ابن عيد الحارثي | فواز بسيس | بحور القوافي | 3 | 01 Dec 2009 04:26 PM |
قصيده للشاعر فيصل الرياحي | الرهاوي | قصائد مختارة | 9 | 24 Aug 2006 07:52 PM |
قصيده في الفكسار للشاعر عيد الشدّادي | نواف الشدّادي | بحور القوافي | 13 | 28 Jul 2006 04:00 PM |
|