انقــــلاب الوقــت

اشـوف هـذا الوقـت فــــــــــي تاليـه ينـذر بانقـلاب
في الدين .. والعادات .. واخلاق البشر .. وآدابهـا


اشوف شـيْ يشبـع شرايينـي شكوكـاً وارتيـاب
الفتنـهْ اللـي ضاربـهْ بيـن البـشـر باطنابـهـا


اليوم مفهـوم الخطـا .. يشبـه لمفهـوم الصـواب
والنفس صعب تميّزْ اعداها .. عن اوفـى اصحابهـا


صرنا بوقتاً يحكمه قوهْ ..وبطشْ .. وشـرعْ غـاب
والغابـه تْخوفـك ظلمتـهـا .. وكـثـر ذيابـهـا


نظما .. ولا نتعب لطرد الما .. ولـو يطلـع سـراب
والشخص لو حاول ورا اهدافه .. وصمـم ..جابهـا


نقدر نحصل ما نبيـه .. بشـرط نقـدم مـا نهـاب
واللي يروم اعلى الرتـب . . لا بـد يطـرق بابهـا


لازم تكون من الذياب .. ان عشت ما بيـن الذيـاب
اللـي ليـا شافـت فريستهـا .. يسـيـل لْعابـهـا


والجادل اللي كان في الماضـي لهـا جانـب مهـاب
الله يرجعـهـا لاهلْـهـا لا يـطــول غيـابـهـا


اللي مـن اول دونهـا حـد الخناجـر .. والحـراب
ثيابهـا العـفـه .. وعــزة نفسـهـا بثيابـهـا


الله واكبـر طاحـت .. ولا طاحـت الا فـي شبـاب
مـا يعرفـون مـن الشريعـه غيـر شكـل كتابهـا


اوحوا لها بالحب .. وان القلـب فيهـا شـوق ذاب
والصدق تصرعـك بحلاوتهـا .. وسـود اهدابهـا


من زينها .. لو تشرب الما .. من هنا شفت الشراب
من شافها .. مـا تنفتـح نفسـه للاكـل ..الا بهـا


قامت تبختر بالكحل .. واللبس .. وانواع الخضـاب
تحسـب شرفهـا فـي غـلا ملبوسهـا وخضابهـا


عاتبتهـا ترجـع لحشمتهـا .. ولا فـاد العـتـاب
واشوفهـا تزعـل .. وكنـي مستثيـر اعصابـهـا


واشرح لها بان الهوى والحب .. له عشريـن بـاب
والنفـس قبـل الاخـرة .. لازم تحَسْـب حْسابهـا


الحب حب الوالديـن .. وحـب ربـك .. والحجـاب
والحب حب الديـن .. وارض المملكـة .. وترابهـا


طاحت .. ويا ما اكبر مصيبتها . . ويا هول المصاب
طاحت مع اعدا . . يلبسـون لْهـا ثيـاب احبابهـا


كلا على دينـه .. يـروح يسومهـا سـو العـذاب
والمشكله هي قانعه . . مـدري وش اللـي صابهـا


سوو بها كل السوايـا . . وآخـر الامـر اغتصـاب
اكبر مصيبـه . . والمصيبـه كانـت مْـن اسبابهـا


واليوم حالتها بحـور اهمـوم . . وانهـار اكتـآب
جروحهـا ترقـد بهـا . . وهمومهـا تصحـا بهـا


لو صانت ايام العفاف .. وراسهـا فـوق السحـاب
مـا كـان هـذي منزلتهـا اليـوم بيـن اترابـهـا


يمكـن اذا عـادت الـى سنـة محمـد .. والكتـاب
تـرد كيـد الخايـن . . ولا تطمـع الاعـدا بـهـا


وارجع واقول . . الوقت بالتاكيد صار بْـه انقـلاب
في الدين . . والعادات . . واخلاق العرب . وادابها

ابن الخبر
سلمت اناااملك
على النقل المميز
ربي يسعدك
...................

العربيه للعود
لقد حضيت هذه الصفحه المتواضعه بوسام الشرف
من حضوركِ السامي
دمتِ ولاهنتِ
وكم أنتِ كريمه بتواصلكِ واطرائكِ العذب
تقبلي فائق الود و عاطر الورد
ولكِ خالص احترامي وتقديري

تسلم يديك
والله يعافيك يا ابن الخبر
على هذا الاختيار الرائع

صح لسآآن قايلها
ولاهنت ياابن الخبر
يعطيك العافيه

يعطيك الف عااافية
والف شكر لك ع‘نقلك الرووعة
ودي

اشكر لكم تنوير عتمة متصفحي


وأشكر لكم اطرائكم الذي اعتز به
يكفيني وصول معاني كلماتي لقلوبكم.....
ومهما عبرت عن حضوركم المحفز لقلمي ..
تبقى شهادتي لشخصكم ولقلمكم البارع مجروحه !!
>> أشكر لكم معانقة حروفكم لحروفي .. <<
أبلغوها لا تبتعد عني كثيراً..


دمتم بكل الود لمن احببتو ،،


ولكم مني خالص الاحترام والتقدير

ابن الخبر شكرا وبيض الله وجهك لنقل القصيدة

معاند الجرح
كم أستعذب حضورك أيها الرائع !!
يروق لي أن أراك بين حروفي بهالة من نور..
مساحة خاصة لنبضك يتركها حرفك
و عبورك من هنا
سعيد بهذا الحضور
دام عذب قلمك..!!
وألف شكر لقلبك ولروحك
متمني ان تتقبل خالص احترامي وتقديري

لاهنت يابن الخبر وربي يعطيك الف عافيه

..............................................