الأزمة الاقتصادية العالمية ...؟؟!!

20 دوله عظمى
واجتماعات دورية لتباحث الازمة الإقتصاديه ؟؟!!
ولا زالت الدول قويه وتأثير الأزمه في بدايته ؟؟!!
الإعلام والرؤساء وأهتمام عالمي كبير؟؟!!
وطلب دعم صندوق النقد الدولي !!؟؟
وباقي دول العالم في أزمه إقتصادية ماليه بيئيه ....الخ
من عشرات السنين لم يسلط عليها الإعلام مثل الان؟؟!!
وينطبق عليها قول المثل
(محد درى عنك ياللي في الغدرى تومي):050103sho
من هواجيس الرهاوي
إسمحوا لي
.

عشرين دوله تو ما حسّها الضيق= والاّ من اول في نعيم وسلامه
كانوا يبنّون المبان الشواهيق =وفالبحر أساطيل القوى الزعامه
ومن كبر بطرت ناقضين المواثيق =الأرض ما صارت مقر الإقامه
مرباعهم سطح القمر.. والمزاريق = في. يمّة المريخ شرقه وشامه
واستنسخوا عرق البشر والمخاليق = وجابوا (روبرتات) تكلم كلامه
اللى يخاويهم خوي المطاليق = واللى يعاندهم يعلّق خطامه
بنصّ عين.. تناظر الخلق وتويق =للي عليهم وقّف الفقر زامه
وتلفّق لدعم الفقراء تلفيق = وأبو دلامه درّب أبنه دلامه!!!
ترسل دشير ولاعبين وغرانيق= تاخذ صور لأطفالهم بإبتسامه
ماسدّه الجايع ولا بلت الريق = وفيها أنتهاك للبشر وأحترامه
الناس للدعم المكفّي مشافيق = وذولا مقاصدهم عليها علامه
واليوم نسمع من جهتهم نواهيق = وأصواتها من قبل يحكم أوبامه
ماعاد باقي فالمصارف تفاريق = وبيّن حلال الأنظمه من حرامه
وفي كل يوم أخبارهم والتعاليق =وأعلامهم زاد الضلامه ضلامه
هذا وتوّ الناس.. باقي تواهيق= وباقي على موج البحر والتطامه
ياحيف تطلب دعم.. كل الصناديق؟؟!! =هذا بلا..من ربنا وإنتقامه
وباق الدول ترقد على الفقر وتفيق = من قبل عام الفين يا أهل الكرامه!!
اصبح مواطنها حياته معاويق= ويادوب يلقى ما يقوم عظامه
.=.
.=.
لا حسّوا العشرين بالعسر والظيق = باق البشر .. كيف ايتوفر طعامه؟؟!!

.
.
.
الرهاوي
.
.

.

صح لسانك يالرهاوي الأزمه الأقتصاديه صابت حتى الدول العظمى

وعقبال ماتصير إمريكيا مثلها مثل الصومال وأخس نتصدق عليهم ويترفدون منا

8
8 مجرد حلم لن يتحقق لكن بيض الله وجهك يالرهاوي

وعساك قوي على كتابة الجزل من القصيده لأنك شاعر جزل

صــح لسانك يالرهاوي


و الازمه صابت اغلب الدول الا بعض الدول

ومنها السعوديه

الرهاوي شاعر مميز تعزف على جميع الاوتار
لا استطيع ان اصف اعجابي بما تكتب
ولكن صح لسانك وكفى

صح السانك وبيض الله وجهك

يـ .. الرهاوي قصيدة جزلة من واحد

كل قصايدة جزله

دمت بخير شاعرنا المميز

الله الله الله
هذي ماهي قصيده وبس
هذي في الصمييييييييييييم

تكلّمت بلسان الامه أجمع
ماتكلمت عن شخصك فقط

شاعريّتك متفرده
وتفرز عضلاتك بشكل ملحوظ
بعيد عنك الملامه مادام عظام جسمك جزاله
ماشاء الله تبارك الله

		المشاركة الأصلية بواسطة : اقتباس
	اصبح مواطنها حياته معاويق .. ويادوب يلقى مايقوّم عظامه

والله على الجررررررررح

تعيش .. ياشاعر السبع

		المشاركة الأصلية بواسطة : الغريق اقتباس
	صح لسانك يالرهاوي الأزمه الأقتصاديه صابت حتى الدول العظمى وعقبال ماتصير إمريكيا مثلها مثل الصومال وأخس نتصدق عليهم ويترفدون منا 8 8 مجرد حلم لن يتحقق لكن بيض الله وجهك يالرهاوي وعساك قوي على كتابة الجزل من القصيده لأنك شاعر جزل

الغريق

صح بدنك يالغالي والله يسمع منك

بلانا والله من امريكا ونظامها الراسمالي

ولايمكن ننسى مقولة الطاغية الامريكي بوش

"ان لم تكن معنا فانت ضدنا"

وهذه قاعده النظام السياسي الامريكي

وهم المتسببين في المشكله والان يطلبون المساعده من الجميع بطلب الزامي

الان اجتماعاتهم في كوريا والاجتماعات مستمره والهدف اعاده انعاش الاقتصاد الامريكا فقط

مره اخرى صح بدنك وشكرا على تواجدك يالغالي

الله الله
يا الرهاوي
شاعر كبير وراعي جزلات وعلومٍ غانمة
وصدقت فيما ذكرت
وصدقني الأمر عندنا سرقات أكثر مما هي أزمات ...!!
عاد رحنا فيها

لا هنت ولا هان غاليك
وصح لسانك ملايين يا المبدع

ارررررررحب يالرهاوي

شاعر جزل وعلومك غانمة طال عمرك

وأنا ما يبسطني ألا ليا شفت لك قصيدة في منتديات الشدادين

صح لسانك ولاهان راسك يا شاعرنا

صح لسانك ملايين

وعلا شانك

ولاهنت