امجاد ربعي

سلام عليكم
اخواني الاعزاء اسعد الله اوقاتكم بكل خير ..اما بعد
قصيده متواضعه جداً اتمنى ان تنال اعجابكم وهي قديمه بعض الشي

سر ياقلم واكتب ترى منت معذور=اكتب بيوتٍ كل ابوها جزيله
اكتب بيوتك ثم رتب لها الدور=من شاعرٍ ماهوب راعي هزيله
شاعر ليا هرج سكت كل مطيور=يسبح بغبات البحور المهيله
يقلط على الجزلات مايقرب السور=واليا مشى في الدرب يعرف دليله
واليوم ياحبر القلم منت مشكور=ان ماكتبت امجاد كل القبيله
ربعي بني شداد والفعل مخبور=اللي رقوا بالمجد راس الطويله
كسابت القاله حموا كل مظهور= اهل السيوف الساطيات الصقيله
افعالهم تشرق كما يشرق النور=وامجادهم في كل يومٍ وليله
في وقتنا الحالي وفي ماضي عصور=كم شيخ قوم راح عينه ذليله
وعدونا لو هو ورى سبعه بحور=من ذكرنا راحت عظامه نحيله
عدونا قلبه من الهم مشقور=عايش مع الايام ويزيد ويله
ودخيلنا لا جالنا صار منصور=يكرم عن الرديان واهل الرذيله
واميرنا بيته على العز معمور=ابو حسين اللي ينجي دخيله
صقرٍ تلعى في الطويله مع صقور=والصقر دايم منزله في الطويله
شيخٍ وفي بالطيب ماهوب مغرور=تاج المراجل فوق راسه يشيله
واليا نطق بالشور يامطيب الشور=شوره يغيض اهل الكبود العليله
شيخٍ يحب العدل ويحارب الزور=ايحايل اخصامه ولاحدٍ يحيله
الله يطول عمره سنين ودهور=ويعيش ذخرٍ للوفاء والقبيله
ربعي رجالٍ جالهم في الزمن دور=وعلومهم في كل مجلس جليله
ربعي لهم في المجد تاريخ وحضور=ربعي رجال تصنع المستحيله
ماقلتها والله لتصفيق جمهور=ولاقلت شيٍ لجل ادور بديله
هذا فعل ربعي مع الناس مذكور= ومن لا يسوي مثلهم عزتي له
وصلاة ربي عد ماتنبت زهور=على النبي عد المزون المخيله

وسلامتك
تحياتي الغربي

الصحيح ما ادري وش اخذ من هالابيات ويش ابقي كلها جزله وقمة في الجمال والمعنى
والذائقة والترابط والدقة والكمال !!!

لله درك لله درك يالغربي

بيض الله وجهك بياض الشاش
وونعم في ربعك بني شداد قول وفعل ومن حقك ان تتمجد في قبيلتك العريقة
ادام الله وجودكم جميعاً وقواك الله

البواردي

صح لسانك يالغربي على هالرااائعه

انت شاعر جزل وربعك تستاهل المدح من شاعر كبير مثلك

مودتي

الغربي
أنت مبدع في جميع أغراض الشعر
لافض فوك.

بيض الله وجهك وصح السانك
مليااااار يا بعدي
ولا هنت ونعم في ربعنا بني شداد

بيض الله وجهك يالغربي

على القصيده الجزله

وربعك يستاهلون المدح

تحياتي

أبو عزة الشدادي

الله يطول عمـره سنيـن ودهـور
ويعيـش ذخـرٍ للوفـاء والقبيلـه


آمين يا عيد


والله يطول عمرك

وكفو يا الغربي وصح لسانك وابو حسين على العين والراس و يستاهل المدح


صح لسانك وبارك الله فيك يا شاعرنا وربعك يستاهلون


موفق خير يا بوعبيد

صح لسانك ولاهنت يالغربي

مبدع كعادتك

أخوي الغربي صح لسانك

وأمجاد ربعك من مجدك وعساك على القوة

ودائماً قصائدك لها رونق خاص وشكل مختلف

بيض الله وجهك
على هالقصيده الجزله
ومهما قالوا في الشدادين
ماتوفيهم القصايد

اشكرك ولاهنت يالسنافي