قصيدة روعة للشاعر بسيس الله يرحمه

السلام عليكم ورحمة الله وبركاته

ذه القصيدة قالها الشاعر بسبس بن حديد الشدادي الحارثي رحمه الله عندما وصله خبر وفاة والدته وأخيه وثلاثة من
أولاد اخيه ووالدتهم في حادث مروري مؤلم
وقع لهم بديراب يوم السبت 1/3/1413هـ

يا الله يا رب الخلق موته وحيـه =يامنجيٍ موسى ومنجي هل الغـار
نايف يـا ميـر وزارة الداخليـه =لاوا هنيّك يوم ما جتـك الأخبـار
صدمة قويـه والعلـوم اوفقيـه =حتى هل الحادث مطفين الأنـوار
مافيه دوريـه وراحـوا ضحيـه =كلن رقد وآقولها سـر وإجهـار
ما احدِ حضرهم يوم فيهم نسيـه =وإتأخر الإسعاف وأكلتهـم النـار
والراعي اللي ما يحفـظ الرعيـه =لـو يتعـذر مايفيـدن الأعــذار
يا اخوي اللـي صادفتـه المنيـه =فعلى جبال طويق من عند الأقمار
جته المنيه ما كتب لـه وصيـه =قضـا وقـدر ولايـردن الأقـدار
راحـوا بناخية والأم الرضية =واخوي اللي ما يغثي على الجـار
ماقـال هـذا لـك وهـذا ليـه =دايم يراعيني كمـا الوالـد البـار
يا الله عساهم للجنـان الفضية =طالبك يا منجي محمد من النـار
أخبارهم عنـدي وتطـري عليـه =اليا ذكرت اوجيهم مثـل الأنـوار
اتلى خبرهم قيّلـو فـي الحويـه =راحوا وتالي ليلهم صار ماصـار
دنيا سوات اللي ركب لـه مطيـه =يقول اباخذ مع هل الهجن مشوار
والموت للمخلوق مسـرع مجيـه =لو حط له حارس وكرسـيّ دوار
قلته وأنا مالي على احـدٍ دعيـه =وأنا على ما دبـر الـرب صبـار
وسيعه الدنيـا وضاقـت عليـه =مافي يدي حيله وضاعن الأبصار
ومن اعترف بالله وسنـة نبيـه =جعله رفيقٍ للصحابة والأخيـار
طير الهوى ظلت عزومـه قويـه ="وليا انكسر حدى الجناحين ماطار"
ساعة سمعنا بالخبـر والقضية =صابر وكن يقطع الكبـد منشـار
هلي دموعك يا العيـون الشقية =من يوم ما شفتي مكفّـن وقبـار
وصلو على صفوت عبـاده نبيـه =عداد ما هلت على الأرض الأمطار

لا هنت على النقل الرااائع

صح لساان الشااعر

وياليت اخوي محمد تنزل موضوع واحد في اليوم لاانه غير مسموح تزل اكثر من موضوع في اليوم

وياليت بعد تنسق القصيده

تقبل مروري

ويغلق الموضوع