|
||||||||||||||||||
فـ هالزمن كل شي جايز
كل شي فـ هالزمن جايز النذل يصبح أمير الصغير هو الكبير والقوي يصبح كسير واللي على النيه ضرير / \ كل شي يمشي بـ إنعكاس عادي كذا نعيش بليا قياس ونموت أيضا بلا قياس!!! كل شي فـ هالزمن جايز دام تحمل شي كبير وان كنت حتى فقير لاشهاده\لاعماره\لامال وفير مادام معك الواسطه ابشر بعزك يـ الفقير في دقيقه والورق ياخذ طريقه تصبح مدير كل شي فـ هالزمن جايز واللي متمسك.... بدينه معتصم بحبل الله... بيدينه طايع لله ودموع ....عينه تحكي خشوعه مع ...جبينه يسمونه (((متخلف))) او ضايع وسط... دينه هذا حرام وهذا يصيب الاحتدام عايش بـ أوهام فـ أوهام متخلف أو معقد أقرا أوصافه وعدد متخلف\معقد أو غبي من دون حد لانه متمسك بدينه لانه آخذها بيدينه حطها وسط قلبه وبين عبينه كل شي فـ هالزمن جايز الصدق قل وندر والكذب مثل العطر بثياب البشر مثل السحاب بلحظه سراب تتبع طريقه من بعيد وماتلاقي أي جديد غير السراب غير الخديعه والعذاب كل شي فـ هالزمن جايز الأخوه ...منفعه الصداقه ...مصلحه الناس لـ الناس كلمه مو مقنعه الصديق اللي ينفعك ....لاتبرحه احذر تجرحه كل شي فـ هالزمن جايز الحب ماله مكان فـ هالزمن ماله امان اللي يحب اخوه_ امه أو ابوه جايز يكون بليا حنان يعني كذا لعب صبيان لا انتهى منه رماااااااااه لا ابعد مكان الحب مجرد فوضويه في قلب الانسان مجرد عنجهيه الحب أكبر أكبر من كذا الحب ورد وريحان وشذا الحب كلمه ابجديه الحب كلمه نديه طاهره عذبه نقيه مو لامن قال شخصا أحب يعني حقيقي يحب جايز يكون في لعب أو وقاحه أو نصب أو يغازل بالكذب الحب احساس وشعور كلمه جميله اتلوثت يـ للاسف من حفنه أمور من الصايع من الضايع من المبتور من كل المشاعر والشعور الحب أصبح مجرد أقنعه تخفي وجوه مُصْرِعه كل شي فـ هالزمن جايز في ذا الزمن كل شي له ثمن هذي الحياة كـ العاصفه يوم تقذف للمدى كانت قبلها... ساكنه والسكون يعم... الامكنه كانت ليله ....داكنه كان الهدوء... يمكنه بـ الارتخاء بس انتهى كل شي للسدى حين وقع العاصفه صار أماسي تالفه كل شي له ثمن حتى الحياة بـ الذات بذا الزمن كل شي فـ هالزمن جايز المسالم في حياته كاملاً كله بصفاته (والكامل الله) يجرحون\يمزقونه حتى رفاته ثم يقذفونه خلف الظهر يجردونه من الطهر غارق بنزف الشماته آآآآآآه من الشخص المسالم ذابت بوجهه ذي المعالم حين يشكي للمظالم مايلاقي أي احد كلن بوجهه يصد ولا في نظره يحد ترسل عبارات ترد أنك ضعيف انك جبان انك سخيف انك جبان انك كسيف ونفس الجبان لانك مسالم احترق وحدك في عالم مالنا دخل في ظالم كل شي فـ هالزمن جايز أقسى الحكي ياتي من احبابك من اخوك من صديقك من اقاربك وين ماتمضي عنّهم تشكي الذي صابك منّهم تلقى الامر جابك ولاّ تمضي تمضي\تمضي لين يتعبك الطريق وتجف منّه بله الريق ثم توقف خطوتك على شي مثل الرحيق أزكى وارقى من الرفيق لكنه يهوي لـ السحيق اشباه الاوادم او وحوش لالمحوا طيحتك ولا سمعو صيحتك من الضما وطول الطريق جوك اسرع من ومض البريق يزيلون عنك جرح عميق يوم أصبحت امتعافي بان فيهم كل خافي يطلبونك المقابل وانت تنظر من تقابل وفي عينك خمسة اسئله تبي اجابه مفصله لكنّ ظلت مهمله لانك فهمته بالوجوه يوم صاحوا بك خذوه للردى واتعس مكان له فدى كل شي فـ هالزمن جايز الذنوب صارت ...شي عادي في الحياة الكل فيها ....امتمادي الا التقاة الا القليل اللي ...يعادي هذي الافات ماكل من يآمل على شي... يحصْلَه ابليس دايم يجهده ثم ...يخذله يسرف عليه الاماني يرسم الدرب بثواني زاهي تملاه التهاني مايهم انه صحيح الـ أهم مايبقى طريح او جريح شوفه غامر بالشرف لجل عيون الترف شوفه ضيع العرف شوفه شوفه اذنب اذنب ثم ذرف يذرف دموع الندم ويدوس ذنبه بالقدم والعهد له مايعود والوعد انه يجود يحلف انه مايعود ثم ليله تتلاها ليله ياتي الذنب وجليله كان صادق يوم تغشاه الفضيله يوم يندم كان حارق كان غارق وسط دمعه بس ابليسه عيشه وسط طمعه ثم اذنب حتى انا دايم اذنب ثم تغشاني الفضيله ثم اذنب الى متى هو بعقلونا يلعب؟ كل شي فـ هالزمن جايز مؤلمه ذيك الدقايق يوم تطعن بالظهر موجعه كل الحقايق لاعرفت ان القهر ان الصديق اللي حشمته صار من زمرة بوايق كل شي فـ هالزمن جايز الكبير منهم ذو المقام البعض منهم مو تمام يبطش ويرمي بالسهام ويدّعي انه تمام انه يحرص وماينام شايل هموم عظام يضحك بوجه الصحافه وقوله كله سخافه حتى يتباهى بالحرام ويظل يحكي للانام انجازه واحترازه بس يمنع ابتزازه هو كلام بعد نشر الصحافه يصبح قمام كل شي فـ هالزمن جايز نهرب لحضن الهروب لابتدا سير الدروب لابتدينا نردم الفوهه ونخفي أكبر العيوب لابتدينا بالوصل ونبدي... شوق وامل وانتلاقى في عناق وانتصافى في وفاق لحظة وصل القرايب نبتهج...نشعل طرايب هذي الحقيقه في مــــــــامضى كان يمشي في طريقه ويشعل الدرب ببريقه في مامضـــــــــى كان الشعور اصدق بالتلاحم بالموده حيل اصدق في الملامح الحب واضح في مامضـــــــــــى ولى وقضى فهالزمن مات الوصل حتى الولد مايحتمل شوفه ابوه ولاّ امه ياقلب الأم يختنق من الظلم ينكسر من الالم لاتردد في مسامعها اووووووووووووووووف وبكل بساطه ذا الكلم وبإمتعاض واعتراض من الظروف يتعذر ...اعذرا واهيه ان شغله...داهيه وان وقته مايسعفه يشوف أمه وامه تبغى تضمه في حشاها وتزيح همه من دفاها وياقلب الام يوم ادمته السقم يوم اضحت في علم يوم شافت ان ضناها يتعذر اعذار واهيه لجل الهرووووب واذا رجع يتردد في مسامعها اوووووووف يارجل روح مامنك حسوووووووووف باكر بولدك تشووووووووف كل شي فـ هالزمن جايز تضحك وفـ داخلك روح الفواجع تحكي التفاؤل للاخرين وانت تبكي في المضاجع تبغى لغيرك ....الهنا وانت تذبحك المواجع واليا سأل لك عن طبيب تصرخ بصوتك مايهم ....أنا الاهم أنت طيب كل شي فـ هالزمن جايز مادمت عايش انبذ الماضي الاليم تفائل ، ربك كريم مادمت عايش ابتسم مادمت عايش تهنّا واضحك بوجه المعنّا قولّه بصوت الحنان بعيون يكسيها الامان ألَمْكْ ...هو ألمْنا مادمت عايش لاتجاهر بالذنوب لاتكابر ولاتغامر بالدروب شوف الحق...حق واترك الباطل واحذر تجادل لان فوقك علاّم الغيوب مادمت عايش ابذل مابوسعك لبسمة طفل ابذل مابوسعك لاحياء الامل في مكروب ولاتخاوي اللعوب لانه يريد الخير فـ يدينك...يقل ولاّ يسلبه حتى ...يضمحل مادمت عايش لاتبتأس لايصيب الروح إحباط\يأس لاعرفت ان الزمن هذا غريب وان يومك اصبح عطيب لاتبتأس ولايصيب الروح احباط\يأس لاعرفت ان فـ هالزمن كل شي جايز مادمت عايش عش بها صاحي الضمير ولاتبتأس مازالت الدنيا بخير[/ تحيـــاتـــي ملك الليل
التعديل الأخير تم بواسطة مجدي الشدادي ; 05 Oct 2007 الساعة 06:29 AM
|
05 Oct 2007, 10:57 AM | [ 2 ] | |||||||
أميرة القصر
|
مادمت عايش لاتبتأس لايصيب الروح إحباط\يأس لاعرفت ان الزمن هذا غريب وان يومك اصبح عطيب لاتبتأس ولايصيب الروح احباط\يأس كل شي جايز بهالزمن.. الف شكر لطرح الأروع |
|||||||
|
||||||||
05 Oct 2007, 11:29 AM | [ 3 ] | |||||||
نائب المشرف العام
|
فعلآ في هالزمن كل شي جايز شكراً اخي ملك الليل كل الود |
|||||||
|
||||||||
05 Oct 2007, 01:28 PM | [ 4 ] | |||||||
|
مشكورين على مروركم وتصفحكم |
|||||||
05 Oct 2007, 05:41 PM | [ 5 ] | ||||||||
مؤسس شبكة الشدادين
|
كل شيء جائز ولكن تبقى المثل وتبقى الفضائل هي ما يؤمن بها القلب وتحبذها النفوس وكل غريب وإن حدث فيبقى منبوذاً مستبعداً |
||||||||
|
|||||||||
05 Oct 2007, 08:04 PM | [ 6 ] | |||||||
عضو مرشح للإشراف
|
انشهدددددددددددددددددددددددددددددددددددددد انه كل شي جايز يعطيك العااااااافيه استااااذ ملك الليل فاصله بيضاء,,, اخر جروحه بقلبي زاويه منفرجه |
|||||||
05 Oct 2007, 08:50 PM | [ 7 ] | |||||||
|
لسلطان قرقوش مشكورين على مروركم |
|||||||
08 Oct 2007, 06:23 AM | [ 8 ] | ||||||||
عضو متميز
|
صح لسانك ملك الليل إستمتعت بالتجول على ميناء حرفك ..! |
||||||||
|
|||||||||
17 Oct 2007, 10:42 PM | [ 9 ] | ||||||
|
عفوا حبذا اخي الفاضل ملك الليل لو قلت منقول لان الكاتبه الاصليه لـ هذه الخاطره هناhttp://summur.jeeran.com/ حفاظا للحقوق الادبيه ... شكرا |
||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
في هالزمن يا صآحبي عيش دنياك | السفير | قصائد مختارة | 6 | 20 May 2010 08:42 PM |
في هالزمن ياصاحبي ... | متلثمة بشماغ أخوها | قصائد مختارة | 12 | 04 May 2010 11:14 PM |
داحس والغبراء | البواردي | بحور القوافي | 12 | 27 Sep 2009 08:10 AM |
ابيك اقوى من جروحك تحدى هالزمن وارتاح | نور الهدى | قصائد مختارة | 17 | 11 Feb 2008 07:05 PM |
حاجز الطرف الخجول | جزاء دهيس | بحور القوافي | 11 | 12 Aug 2006 11:01 AM |
|