التوبة

السلام عليكم ورحمه الله وبركاته

اطرح بين ايدكم هذه القصيده

ودمتم بخير

مشيت في دنياي جاهل ومعذور=ولاكنت افكر في الصديق وكلامه
امشي على كيفي ولا ني بمجبور=واقول هذا الوقت كله سلامه
عرفت في دنياي صاحي ومغرور=ودخلت مع بعض العرب ببتسامه
دخلت لي في ديار وبيوت وقصور=اضحك وصدري زايدن في هيامه
مشيت في الطوشه وفي درب محضور=وانا احسبني مرتفع في العدامه
وصاحبت ناس وناس هادين وشرور=ولا حسبت اني من اهل الملامه
اضحك على اللي في الزمن صابه الجور=واقول قدم الناس هذا هلامه
واليا نصحني شخص قلت له مشكور=وفر كلامك لاتجيك الندامه
ماكنت احسب ان فيه تعذيب وقبور=ولا كنت احسب احدٍ يسجل علامه
وكنت احسبن موتي يابى يسمع الشور=ويقفي بعد ماكنت واقف امامه
وعرفت بن الموت لو راح بيدور=لابد في يومٍ يوجه سهامه
واني بكون بداخل القبر محشور=قبرنٍ يوحش صاحبه من ظلامه
قبرن يحشر صدور ويوسع صدور=والواحد اليا مات تفنى عظامه
يارب خدي من عنا الدمع محفور=الطف على عبدك وزود مقامه
دمعي من عيوني على الخد منثور=دمعٍ خنق راعيه بثناء قيامه
عبدك بعد طاعتك يارب مسرور=اقبل صلاته يالولي وصيامه
واجزاه خير ان كان في عمره شهور=وان مات جازه يالولي بكرامه
وانبت على قبري بساتين وزهور=واسقه من امزان السحاب وغمامه
يارب في جنتك يارب في الحور=جنب الرسول اللي رفيع مقامه
انا تحت رحمتك منهي ومامور= واطلبك في يومه وشهره وعامه
يالله ياللي خالقٍ كون وبحور=تغفر ذنوبي قبل يوم القيامه

الغربي

صح لسانك وبيض الله وجهك

قصيدة رائعة كعادتك

يعطيك العافية

أخوي الغربي أشــكرك وزود مشــكور على الأبيات الموزونه
ولك منـي جمــيل الود والإحــترام

الغربي
صح لسانك
وبيض الله وجهك

الغربي
الله يقبل منا ومنك ومن جميع المسلمين
ويثبتك على قول الحق
هذا هوالقصيد اللي فعلاً يشادله وهذا هو القيد اللي ينفعنا
ولا اللي غيره لهو حديث والله يكفينا شره
صح لسانك وتقبل اعجابي

		المشاركة الأصلية بواسطة : غريب بدياره اقتباس
	الغربي صح لسانك وبيض الله وجهك قصيدة رائعة كعادتك يعطيك العافية

صح بدنك ياغريب

ووجهك ابيض

مشكور على مرورك

تحياتي لك الغربي

صح لسانك يالغربي

وبيض الله وجهك على هالقصيده الراااائعة

تقبل تحياتي

ماكنت احسب ان فيه تعذيـب وقبـور
ولا كنت احسب احـدٍ يسجـل علامـه

جميل ان يعرف الانسان

حقيقة الحياة وهو في بداية حياته

والا جمل أن يعمل بمقتضى هذه الحقيقة

صح لسانك

الغربي
الله يقبل توبتك ويغفر لنا ولك ولجميع المسلمين
صح لسانك يابوعبيد على هذه القصيدة الرائعة
بروعة حضورك الدائم وشعرك الجزل بيض الله وجهك يالنشمي
وتقبل تحياتي

صح إلسانك وبيض الله وجهك

والله يتوب علينا كلنا آمين