قصيدة بمناسبة شفاء محمد بن نافل

هذه القصيدة للشاعر زايد عيد الشدادي الحارثي
بمناسبة شفاء محمد بن نافل بن سعد الشدادي الحارثي

مرحبا في حفل ربعي هل ّالباع الطويـــل=ابـتي تجزم على الموت تجري له جري
يامحمد يوم ثارت مـــقابـــيس الــفتــيـل=في جبل دخان تمشي على الدرب الجري
والاصابه ماتردك عن الفعـــل الجــزيــل=مــــع قــــوافل جيشنا ضربكم يفري فري
ياحماة بلادنا يا مـــزبـــنـت الــدخـــيـــل=الـــعــدو تــــسقونه الســم والعـلقم طري
بالسلاح اللي اليا ثار بركــانـه يـــهــيــل=القذائف تهـــلك الخصم والفعل جــــهري
تقنصون الحوثي اللي على بلاده عميــل=دون شُـــليا يا ابــن نافل بنهريهم هــري
القنابل فوقهم مثل هــمـــال الــمــخـــيـل=مـــع صــــواريـــخ تـوجه وتبراهم بـري
في ذرا سلطان بعد الله نسوي المستحيل=جــــيشنا جـاهـز ويــدري عنه من لادري
الشهادة مطلب ما نبي عنها بديــــــل=من صحيح القول ما زايد بحظه بــري
خصمنا يخسر ويرجع على دربه ذلــيل=يعلم الله ليبلــع المــوت مـع مجرى الــمري
وكان جانا يطلب الموت يلقى من يــــزيــل=قطع راسه مايــعــذر عـــلــيـــه مــعـــذري
معكم اشارك وذا موقفي ماهوب قيل=لابتي في كل الاوقات وحــزام ظــهــري

صح لسانك عدد بلا مدد


و عساك عالقوة و على كلّ علمٍ طيب

و يحقّ لنا أن نتفاخر بإبن العم محمد بن نافل الشدادي


و الحمد لله على شفائه و أيّد الله المسلمين على عدوانهم


شاعر و اجزلت شهادتي فيك مجروحه و ينزف دمها



بإنتظار إبداعاتك بكلّ شغف




ابيض و أسود

قصيده رائعه اخوي .. والحمدالله على سلامة محمد .. يعطيك العافيه ..

صح لسان أبو سعد
قصيدة جزلة
والله يعطيه العافية
ويستاهل محمد بن نافل فـخر وطنه وقبيلته .

صح لسانك يا ابو شموخ صراحة قصيدة لا يعالى عليها

محمد

بطل شجاع حارب دون وطنه ومقدساته والرجال بالمعارك ياذابح يا مذبوح
والموت أكيد نلقاه على الفراش أو مع العدو والجنة هي دار الشهيد
والقبيله قبل الوطن تفخر بمثل تلك الفعول والله يوفقه ويحفظه ويدوم اسمه مسطراً في لوحات الشرف
عند قومه وعند دولته بارك الله فيك يالجارف قصيدة يستحقها محمد

يا هلا والله بشاعرنا أبو سعد
ونعم المادح والممدوح
ويستاهلون رربعك منك كل مدح وثناء
والله يحييك يا ولد خالي بعد طول الغياب