ان تبعناها مع الشارع فشيله

بسم الله الرحمن الرحيم
قصيده لشاعر فلاح العراك قالها عندما شاف له بنتٍ مزيونه عند البقاله
ووجه القصيده لشاعر صحن بن قويعان يشكي علاه
يقول فلاح

راكب اللي زاهيٍ لونه مديله= واردٍ بأسم الوكيل من الوكاله
جمس يقطع مجرهد القاع ويله=مشترينه نقد ماهو بالكفاله
سايقه لو يسري بظلمه دليله=عارفٍ يمة جنوبه من شماله
نصه اللي عملته تبغي عميله=في جميع المملكه ماشٍ رياله
ياصحن من له رفيقٍ يشتكي له=والخبر واصلك في بطن الرساله
مل قلبٍ فيه دقاتٍ تشيله =مثل دقت عود عبد الله فضاله
من سبايب ورعةٍ جتني طويله=ياصحن وافقتها عند البقاله
صوبت قلبي ولافي اليد حيله=والخطيه عندها مثل الجماله
ان تبعناها مع الشارع فشيله = وان فعلنا فوقنا حكم العداله

ورد الشاعر صحن بن قويعان

مرحبا وعداد ماتنشي المخيله=وعد همالٍ تنثر من خياله
يوم جاني خط كساب النفيله=كني اللي شايفٍ غالي اعياله
حاضرٍلرسالته لو هي ثقيله= مير صارت من فضل ربي سهاله
ابو راجح عاشقٍ من غير جيله=جاه من رده على سن الجهاله
يافلاح العشق مايرحم قتيله=واجد اللي منه يشكي ماجراله
انشد اللي شايفٍ عدله وميله=قد عرف عدل الصحيح من العداله
وش تبي بالسوق يومنك تجيله=من طمع بالبوق لايامن نكاله
ولاتفيدك فزعتي باية وسيله=دام راعي المال ما ارخص حر ماله
لاتكاثر من خطاء شقراء جديله=قبلك الهزان وقته ماصفاله
حولنه بالركيه طول ليله=وكل فرضٍ قام يطلع من حباله
والهواء بلشاته اكثرمن قبيله=من ضرب سوق الهواء يبلش بحاله
والهواء لي وقت انا داعي سبيله=معطي المطنوخ مني له حواله
واحمد الله يوم جاء الهاتف حصيله=قد طويت ارشاي وادرجت المحاله

حمد اشوف قصائدك الغزليه كاثره

شكل قلبك خضر هههههههههههههههه

يعطيك العافيه اخوي حمد وبيض الله وجهك

على القصائد الرائعه

وصح لسان الشاعرين / فلاح العراك و صحن بن قويعان

اختيار جميل ياشاعرنا المتميز

في قصائده واختياره

لاهنت

وش تبي بالسوق يومنـك تجيلـه=من طمع بالبـوق لايامـن نكالـه
ولاتفيـدك فزعتـي بايـة وسيلـه=دام راعي المال ما ارخص حر ماله

الله يعين أهل القلوب الخضر والسوق بصراحة هذه الأيام صار مرض

يعني الهني اللي مايروحله 0

أبو علي سلمت يمينك على هذه القصائد الرائعه والجميلة

وصح الله ألسنت الشعراء عليها

اي والله ياغريب قلبي خضر

(((واي شي يابس يموت)))

والزين يعجب من قصيد وغيره



اخوي غريب وجهك ابيض و الله يطول اسنينك

المتميز والله انت ياعبدالله

ودايم تنور مااكتبه بحضورك

الله يسلمك

:؛:



ذائـــقة مترفة بالجمــال ..

صحت السنتهم ..

وتسلم يمناك ..



:؛:

نجود

شكراً على مرورك العطر

صحت يمناك يا أبو زياد ويعطيك العافيه

أحياناً تتأخر المراهقة ولا تأت إلا بعد عمر طويل

وشاعرنا الله يكون في عونه قلبه خضر ولا زال الهوى يجري في دمه

ما قصرت يا أبو زياد على هذه المشاركة الطيبة

الله يطيب فالك ويزين حالك