تلين قلب قبلان الشراري

السلام عليكم ورحمه الله وبركاته
هذه القصيده للشاعر الكبير حبيب العازمي
موجهه إلى قبلان الشراري


إليك الملتجى يـاذو الجلالـي
إليك المشتكى في كـل حالـي
فمنك الامر والـك الامـر كلـه
وتحديد المصيـر اول وتالـي
بيدك الملك والنـاس اجمعينـا
وتفعل ما تشاء يا ذو الجلالـي
إلهـي يـا الهـي يـا الهـي
عليك انت اعتمـادي واتكالـي
اسالك يا مجيب اللـي يسالـك
تحقق لي مرادي مـن سوالـي
جوابه مـا يكيـدك يـا الهـي
ولا يخفى عليك اللـي طرالـي
الا يالله يـا مجـري الـذواري
ومسق الارض من وبل الخيالي
تلين قلـب قبـلان الشـراري
وتعتق نفس بدهـان الرمالـي
سجين من وراء الابواب ينخى
رماه ابليس في درب الضلالـي
ندم كـل النـدم بعـد اقترافـه
لذنب ترتجـف منـه الجبالـي
ولكن رحمتـك علـى عبـادك
تكف الشمس و تمـد الظلالـي
واملنا فيك ثم فاللـي جعلتـه
يصير الحـق لـه ولا يبالـي
وابا اناشـدك بالله يالشـراري
تسامح والتسامح رأس مالـي
ترى الرحمه من الله وانته إِرحم
برحمة من جعلك تصير والـي
بجـاه الله ثـم جـاه مـبـدأ
على كل العرب عالي وغالـي
بجاه اللي أمر بالصلح واصلـح
وسمح عن من نوى بالاغتيالي
ملكنا اللـي يشرفنـا مجالـه
ليا جاء للدول فخـر ومجالـي
نختك المملكه بإسمـه واهلهـا
عبر شتى السبـل والاتصالـي
ونخاك العلم واصحاب الفضيله
وجولك من جنوب ومن شمالي
ونخوك الابريا والشايب اللـي
على المعكاز مافيـه احتمالـي
ولو ان ابنـك المقتـول قاتـل
تخيل حاجتـك عنـد الرجالـي
ولاتعلم لـو انـك مـت قبلـه
او تبقى بعد موته كـم ليالـي
قبلـك الله يـا قبـلان تقـبـل
ثواب الاخـره يابـن الحلالـي
ترى الدنيا تـزول وماعليهـا
وكل الخلـق قافيهـا الزوالـي
ولازال الامــل بالله بـاقـي
وبعـده فيـك املنـا لايزالـي
وفي وقفتك يا حسين اللحـاوي
وفي ربعك كريميـن السبالـي
هذي نخوه بعثها لك العتيبـي
وبعث معها العمامه والعقالـي
واخذ مني سويـه يالشـراري
ولو مطلبك واحد مـن عيالـي
لاتمم لك طلبـك اللـي طلبتـه
بعد ما اوحيت مافيهـا جدالـي
وصلى الله على محمد رسولـه
ولله البقـى ولـه الكمـالـي




وتـقـبـلـو خالـص تحـيـاتي..

القصيدة طيبة وبادرة حسنة من الشاعر الكبير حبيب العازمي

وتمنيت يالغربي إنك تنسق القصائد قبل وضعها ولك جزيل الشكر

السلطان مشكور على المرور
ولاهنت

صح لسان الشاعر

وسلمت يديك على هذا النقل الرائع

وندعوا الله بأن يفك أسر كل مأسور

الغربي لاهنت على هالنقل الرائع

يعطيك العافية

البرنس
عريب الجد
مشكورين على المرور الرائع
ولاهنتو

مشكور اخوي لكن

غريبه منك اخي الغربي لم تنسق القصيدة؟؟