(طرطوس) إهداء الى سوريا الحبيبة

مـجـمـوع الأوسـمـة · توقيع : حطاب ليل

اخواني واخواتي الكرام في منتديات الشدادين

والقائمين عليها
السلام عليكم ورحمة الله وبركاته
اطرح امام انظاركم طرطوس رساله الى سوريا الحبيبه
راجيا ان تحوز على رضاكم

يادير الزور يااقرب ملامحنا الى طرطوس=على شط البحر متمركزه بخطوط بحريه
تحوطك الفتن من كل ناح وناح والمدسوس=يغنيلك على ليلاه والاحلام ورديه
جرح صمت السكوت وبهر الدله من المحموس=وشرب فنجالها والعين تتسبره ضحويه
ترك فيكم مساحه للوفاق ودربها معكوس=وفتح بابه بمصراعيه باايعازات شيعيه
وبكت لجلك حماه وصاح تدمر سنك المضروس=وتفجر في حلب صرخة ولد مجروح وبنيه
تعثر تحت ضرس العقل ضرس تنخرته السوس=وقلعه صار من ضمن الدوا بااوصاف شعبيه
وبشار الاسد اسف نسيت ان اسمه الطاووس=وعذرا للاسد لان الاسد رمز الشقرديه
بريشه واحده حلق بفكره واشعل الفانوس=واخذ يعطي لنفسه حق فردي دون احقيه
تخيل نفسه الملهم وراس يموت لجله روس=ونسي طب النضر وعيونه الثنتين معميه
اخذ من فلسفة هتلر شنبه وحلقه باالموس=ونسي ياخذ من النازي اصول الحكم عاريه
يحسب ان السياسه فت عيش وحاس ابوها حوس=مثل حمال الاسفار ان شبع نهق يبي فيه
يقول النبل في قوسي ولا ياشين ذاك القوس=عساهاللكسر يمنى مهي باالطيب محنيه
امرت المدفعيه تقصف اصوات البشر وتدوس=على دم الشرف وتعيق خفقة حب قلبيه
وغص بقصة الجولان جرح قلوبنا المنحوس=وحزب الله يغطرفله على نغمات بعثيه
ابت هالسارحه تضوي حسب مفهومنا المغروس=بعقلانية الحاكم وثورة عز قوميه
تخللها مجاور خلفت حزن والم ملموس=تورده الخواطر عن حواجزها الترابيه
وابت ياحمص نخوة سيدي تاقف بليا روس=جرى دم العروبه وارتفع ضغطه بحنيه
نهض ستر العرب واضفى على جنبه ردا والبوس=يبي يستربه المخطي وعلمه ابمساويه
نهض صقر العروبه ياعرب لاتقعدون اجلوس=يبي وقفه تدسم شاربه مليون باالميه
نهض قبل الاوان يفوت قبل الحوس قبل الدوس= قبل عضات الابهام وجميع الروس معنيه
قبل تصبح كراعين المجوس ابمستوا المريوس=وترون الاوله ماتنلحق بشويه اشويه
ابونا لازهمنا نرتكي مثل النبل في القوس=نوقف كلنا في صفنا الواحد سواسيه
ابونا لاتعذرنا الرخا في شدته قاموس=جمع كل الحلول وصارت الاحلام ورديه
ابونا فكرته فكره وحله حلحل الهاجوس=وقلبه حي قلبه ممتلي طيبه وحنيه
ياليتي ملتقيبه ثم ابوسه فوق راسه بوس=تلحفنا بمعروفه وفعله مثر فيه
وها الموضوع بين ايديه ماله غير راسه روس=واذا ماجابها صقر العرب ضاعت نواحيه
زهم بشار كف عن الخطا باالطيب والناموس=لعلك تصلح الاحوال بااصلاحات جذريه
طلبه يحطله معدال باروده وسته روس=مثقل والمنقل بيد لزامه وحاميه
بعد خيره في دربين واحد منها محسوس=والاخر ماوراه الا القبل وقصور رديه
وحطه سد لحيه يحتميها شاربه بنفوس=تصدر كل وارد لابداله لازم وهيه
يقولون الدوا فاارض الكنانه عالج الفيروس=واخذ منه المناعه واعتمد وصفات طبيه
عسى الله يصلح الاحوال قبل يداس بطنك دوس=ويعود الوقت نابلسي بليلته الدمشقيه
وتنعم يابلاد الشام باالكبه وباالمكدوس=بعد تنزاح بعثات الاسد وتصير سنيه
يبي الله ينصر المضلوم وبنصره يبين دروس=ويبان اهل الوفا واهل الشرف ويبين العيه