تخيل معي

مـجـمـوع الأوسـمـة · توقيع : أميرة أبوها

تخيل معي

تخيل معي ........
تخيل انك يوم كنت نايم وفجأه سمعت صرخه قويه من بيت الجيران صحتك من عز نومك فتحت عيونك الدنيا حولك ظلاااااام وحر قلت شكلها قطعت الكهرباء جيت تبغى تقوم تولع شمعه ماقدرت تتحرك كأنه شي مثبتك على السرير تحاول مره واثنين لكن مافي فايده خفت وصرت تصرخ وتنادي بأعلى صوت أمي أبوي الحقوني ما اقدر اتحرك محد رد عليك سكت بخيبة أمل فجأه تسمع أخوك يقول بسرعه اطلعوا من البيت صارت حريقه في العماره خرجوا بسرعه وانت تقول لاتنسوني هنا لوحدي ساعدوني الله يخليكم لكن لاحياة لمن تنادي مر شريط حياتك قدام عيونك مره تسمع الاغاني وترقص ومره تشوف افلام اباحيه وصور خليعه ومره تصرخ على أمك كأنها الخدامه وتقول لأبوك رايح المسجد وتطلع تكلم خويتك في السياره دمعت عيونك جلست تدور معقوله ما عندي شي اقابل فيه ربي يعني حيكون مصيري نار في الدنيا ونار في الاخره بدأت النار تقرب والدخان صار يزيد حسيت انك اتخنقت وماعاد تقدر تتنفس جلست تتمتم بكلمات بسيطه يارب ساعدني بعدها اغمى عليك صحيت لقيت نفسك في المستشفى انقذوك في أخر لحظه وربي أعطاك فرصة تانيه تصلح فيها أخطاءك بعدها اتعلمت الدرس وصرت تعرف انه حيجيك يوم كل الناس حتتخلى عنك ومارح ينفعك الا عملك الصالح

ليش كلنا ننتظر تصير المصيبه عشان نتوب لازم نعرف انه كل يوم من حياتنا هو فرصه ثانيه من الله عشان نبدأ من جديد ونصلح أخطاءنا وماتدري متى ياتي الموت ممكن اللحين وانت تقرأ هذه الكلمات ممكن بكره وممكن بعد سنه بس أهم شي انت مستعد انك تموت ؟ في النهايه القرار راجع لك صدقني ربنا مانقص من ملكه شي لو انك ماتبت بس انت اللي الخسران ويوم القيامه لما تلوم ابليس وتقول يارب هو اللي غواني بيقول ابليس انه ما أجبرتك على شي هو دعاك وانت اللي اطعته واستجبت بكامل ارادتك

قال تعالى: (وقال الشيطان لما قضي الأمر إن الله وعدكم وعد الحق ووعدتكم فأخلفتكم وما كان لي عليكم من سلطان إلا أن دعوتكم فاستجبتم لي فلا تلوموني ولوموا أنفسكم ما أنا بمصرخكم وما أنتم بمصرخي إني كفرت بما أشركتمون من قبل إن الظالمين لهم عذاب أليم )

أسأل الله أن يهدي بهذه الكلمات قلوبكم ويجيرنا وإياكم من النار

منقول