|
|||||||||||||||||
أيامنا والليالي كم نعاتبها
قصيدة للشاعر الكبير والرائع بديوي الوقداني احد افضل شعراء الجزيرة العربية قصيدة ايامنا والليالي أيامنـا والليالـي كــم نعاتبـهـا=شبنا وشابت وعفنا بعض الأحوالـي
تاعـد مواعيـد والجاهـل مكذبهـا=واللي عرف حدها من همهـا سالـي إن أقبلت يوم مـا تصفـى مشاربهـا=تقفي وتقبل وما دامت علـى حالـي فـي كـل يـوم تورينـا عجايبهـا=واليوم الأول تراه احسن مـن التالـي أيـام فـي غلبهـا وايـام نغلبـهـا=وايـام فيهـا سـوا والدهـر ميالـي جربت الأيـام مثلـي مـن يجربهـا=تجريب عاقل وذاق المـر والحالـي نضحك مع الناس والدنيـا نلاعبهـا=نمشي مع الفي طوع حيث ما مالـى كم مـن علـومٍ وكـم آداب نكسبهـا=والشعـر مـازون مثقـالٍ بمثقالـى اعرف حروف الهجاء بالرمز واكتبها=عاقل ومجنون حاوى كل الاشكالـى لكن حظـي ردي والـروح متعبهـا=ما فادني حسن تاديبـي مـع أمثالـي إن جيت ابي حاجةٍ عـزت مطالبهـا=لعفو ما واحدٍ في النـاس يـا والـى قومٍ الـى جيتهـم رفـت شواربهـا=بالضحك واقلوبها فيها الـردا كالـى وقومٍ الى جيتهـا صكـت حواجبهـا=وابد ت لي البغض في مقفاي واقبالي ما كني إلا بحال و حـال مغضبهـا=والكل في عشرتـه ماكـر ودجالـي يا حيف تخفي أموراً كنـت حاسبهـا=واللي على بالهـم كلـه علـى بالـي الجار جافـي وكـم قـومٍ محاربهـا=والأهل وأصحابنا والـدون والعالـي والروح ويش عذرها في ترك واجبها=راح الحسب والنسب في جمع الأموالي نفسي تبى العز والحاجـات تغصبهـا=ترمي بهـا بيـن أجاويـد وانذالـي المال يحـي رجـالاً لا حيـاة ابهـا=كالسيل يحي الهشيـم الدمـدم البالـي عفت المنازل وروحي يـوم اجنبهـا=منها غنيمه وعنهـا البعـد أولا لـي لا خير في ديرةٍ يشقى العزيـز ابهـا=يمشي مع الناس فـي هـمٍ وإذلالـي دارٍ بهـا الخـوف دومٍ مـا يغايبهـا=والجوع فيها ومعها بعض الاحوالـي جوعى سراحينهـا شبعـى ثعالبهـا=الكلـب والهـر يقـدم كـل ريبالـي عز الفتى راس ماله مـن مكاسبهـا=يا مرتضي الهون لا عزٍّ ولا مالـي دللت بالروح لين ارخصـت جانبهـا=وانا عتيبي عريـب الجـد والخالـي قومٍ تدوس الافاعـي مـع عقاربهـا=ولها عزايـم تهـد الشامـخ العالـي خل المنـازل وقـل للبيـن يندبهـا=يبكي عليهـا بدمـع العيـن هطالـي لا تعمر الـدار والقـالات تخربهـا=بيع الردي بالخساره واشتـر الغالـي ما ضاقت الأرض وانسدت مذاهبهـا=فيهـا السعـه والمراجـل والتفتالـي دارٍ بــدار وجـيـرانٍ نقاربـهـا=وارضٍ بأرض وأطـلالٍ بأطلالـي والناس اجانيب لين إنـك تصاحبهـا=تكون منهـم كمـا قالـوا بالأمثالـي الارض لله نمشـي فـي مناكبـهـا=والله قـدر لـنـا أرزاق وآجـالـي حـث المطايـا وشرِّقهـا وغرِّبهـا=واقطع بهـا كـل فـجٍّ دارسٍ خالـي واطعن انحور الفيافي فـي ترايبهـا=وابعد عن الهم تمسي خالـي البالـي مـن كـل عمليـةٍ تقطـع براكبهـا=فدافـد البيـد درهــامٍ وزرفـالـي تبعدك عـن دار قـومٍ ودار تقربهـا=واختـر لنفسـك للمنـزال منزالـي لو متّ فـي ديـرةٍ قفـراً جوانبهـا=فيها لوطى السباع الغبـس مدهالـي اخير من ديـرةٍ يجفـاك صاحبهـا=كـم ذا الجفـا والتجافـي والتعلالـي دوس المخاطر ولا تخشـى عواقبهـا=الموت واحد وبعـد العـز يجلالـي ان المنـايـا إذا مــدت مخالبـهـا=تدركك لو كنت في جو السما العالـي ما قرت الاسد فـي عالـي مراقبهـا=تسعى على الرزق ما حنت للاشبالـي والشمس في برجها والغيـم يحجبهـا=تقفي وتقبل لها في العـرش مجدالـى رب السماوات يا محصـي كواكبهـا=يا مجري السفن في لجات الأهوالـي ضاقت بنا الأرض واشتبت شبايبهـا=والغيث محبوس يا معبود يـا والـي يا الله مـن مزنـةٍ هبـت هبايبهـا=رعادها بات له في البحـر زلزالـي ريح العوالي مـن المنشـا تجاذبهـا=جذب الدلى من جباء مطوية الجالـي ديمومـةٍ سبلـت وأرخـت ذوايبهـا=وانهل منها غزيـر الوبـل همالـي تسقي دياراً شديـد الوقـت حاربهـا=ما عاد فيها لبعض النـاس منزالـي يا جاهـل اسمـع تماثيـلاً مرتبهـا=فيها معانـي جميـع القيـل والقالـي مثل المحابيـب زادت فـي قوالبهـا=في صرفها زايده عن قرش واريالـي يا ربي توبـه وروحـي لا تعذبهـا=يوم القيامه إذا مـا ضاقـت اعمالـي وازكى صلاةٍ على المختار نوهبهـا=شفيعنا يـوم حشـرٍ فيـه الأهوالـي
التعديل الأخير تم بواسطة فيصل ; 20 Dec 2007 الساعة 03:14 AM
|
20 Dec 2007, 04:30 AM | [ 2 ] | ||||||||
|
صح إلسان شاعرها وليتك والله نسقتها زين ومكانها القصائد المختاره وصحت أوصيبعاتك لى النقل |
||||||||
|
|||||||||
20 Dec 2007, 01:31 PM | [ 3 ] | ||||||||
زهرة المنتدى
|
صح لسان شاعرها وسلمت يمينك على نقلها يعطيك العافيه اخوي |
||||||||
|
|||||||||
20 Dec 2007, 03:32 PM | [ 4 ] | ||||||||
شاعر
|
صح لسان الشاعر بديوي الوقداني ولاهنت يافيصل على النقل بس حاول تنسق مره ثانيه تحياتي لك الغربي |
||||||||
20 Dec 2007, 11:34 PM | [ 5 ] | |||||||
نائب المشرف العام
|
مشكور اخوي فيصل لاهنت على هالقصيدة المختاره كل الود |
|||||||
|
||||||||
21 Dec 2007, 12:16 AM | [ 6 ] | |||||||
|
لاهنت يافيصل الله يعطيك العافيه تحياتي |
|||||||
22 Dec 2007, 01:38 AM | [ 7 ] | ||||||
|
شاكرين ومقدرين للمرور والملاحظة |
||||||
26 Dec 2007, 11:57 PM | [ 8 ] | |||||||
عضو متميز
|
لاهنت يا فيصل وبيض الله وجهك وصح لسان الشاعر بديوي 0 تحياتي |
|||||||
27 Dec 2007, 01:04 AM | [ 9 ] | |||||||
|
صح إلسان شاعرها |
|||||||
|
||||||||
28 Dec 2007, 08:05 PM | [ 10 ] | ||||||||
مؤسس شبكة الشدادين
|
بديوي الوقداني من كبار شعراء الجزيرة العربية ومن حكمائها القلائل امتاز شعره بالجزالة والحكمة والنصح والارشاد أشكرك يا أبو سعود على هذا الاختيار الطيب |
||||||||
|
|||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
أيامنا والليالي | فهد الضبيعي | قصائد مختارة | 9 | 08 May 2007 01:41 AM |
الإصـــلاح والليالي المـِــلاح .. !! | مطارد سراب | النقاشات والمواضيع الهادفة | 7 | 24 Nov 2006 08:50 AM |
أدوات الموضوع | |
|