قصيده للشاعر بسيس موجها للشيخ عيضه غزال الحارثي

عساك بالسيل ياشفيان ميسان=يالديره اللي مناظرها جميله
مصايف المملكه لوكان ضلعان=انسامها تبري الكبد العليله
سلام مثل العسل من قلب والسان=تضفي على الشيخ وافراد القبيله
الله يجازي هل الحسنه بالاحسان=واخص عيضه عسى ايامه طويله
البيض تنشر لكم ياضلع بيضان=امن المدينه الى فرعة بجيله
ياابن غزال الجمايل شانها شان=دخلت في البيت يامنجي دخيله
حنا ترانا جماعه ربع واخوان=واليا استهل المطر قمنا نخيله
بغيت لي عندكم فله وبستان=برتاح مابين الاغصان الضليله
راعي فلاحه مبا معزا ولا ضان=والبل لقلب العنا ماتستوي له
ليت العواني تسوي مثل سلطان=عسل مصفا وتمر في نخيله
اللي عطانا عطى مافيه نقصان=ماهي بشروه ولا جتنا بديله
محماد اخذها على مذهب وصفطان=ومحماد مثل الجمل حمله يشيله

سلمت يمناك على هذا النقل
وغفر الله للميتين وأعطال عمر
الحيين على طاعته
دمت بخير ,,,

يستاهل والله ابن غزال المدح والثناء
رجل إذا عدوا الرجل عد من خيرتهم
ورحم الله شاعرنا أبو فواز
ولا هنت يا شاعرنا المبدع
انحش جيتك