رد ابن مهمل علي قصيدة البروق السارية

وقت الزوال وبعد ماميل الظل=وأنا أنتظر مرسولكم في حراويه
جاني سلام وسط زرف مقفل=مكتوب عنوانه ونعرف معانيه
وصلني المرسول وأنا أتملل=كني صويب مالقا من يداويه
محتار فالمطلوب وقول لاعلّ=أني أحقق غايته مع مناويه
شكييتلي من جور الإيام والخل=ولامست جرح طول الإيام مخفيه
ثواب أنا من عادتي ماتساهل=خذني على يمناك والقرم أخاويه
ناصل دياراً طلعها الورد والفل=داراًعسا الوالي من الوسم يسقيه
الي سكنها كامل الوصف ودل=غرواً يفز القلب لاحل طاريه
أبو خديداً كنه البدر لطل=وبوجديل فوق الإمتان ثاعيه
وعليه عينن ناعسه رمشها ظل=وأنا أشهد أن الله من الحسن معطيه
يابو سعد مندوبكم ماتمهّل=بعطيه رايي والشرح الوضع ووصيه
أنا معك لودونها السيف منسل=وأنا خويك لوتطول دعاويه
وأنا شويرك عندي العرف مجهل=أن كان يبغا المال والله لشريه
وأن كان عانيكم كريم ومدل=مطلوبنا بالقرم لازم يلبيه

صح لسانك مليون

وعساك سالم دايم الدوم

ياأبو عادل

صح لسان ابن مهمل وبيض الله وجهه وما تهون يابن جازع

ومساجلتكم من أروع المساجلات وأجزلها ونفتخر بأن في القبيلة شعراء مثلكم

لا هنتوا يالربع وعساكم على القوة

لاهنتوا جميعآ

لله دركم وعلى القوة دوم وكل يوم

صحيتوا الى الابد

تقبلوا ردي وتقديري

ابو عبدالمجيد

صح إلسان بن مهمل

وسلمت على نقلها يا أبو عادل

وبيض الله وجيهكم ...

بيض الله وجيهكم يا شعرائنا أبو عادل وابن مهمل
عز الله إنكم أبدعتوا
وكفيتوا ووفيتوا وما قصرتوا
لكن الله الله في الجديد
والله الله في التواصل مع جمهوركم هنا بكل ما لديكم
حفظكم الله ورعاكم

الله يعطيكم العافية وفعلا ابن مهمل شاعر ونعم فية والقصائد والاشعار منزلها لكم ياربعي وترا مافيه شئ يجئ جميل الا بمروركم علية وتعطيركم له بكلماتكم التي أعجز أشكركم عليها