تفضل يا واعي

سلام الله عليكم من هجوس ٍ توفي المده= سلام ٍ يسمعه واعي وابي واعي يجاريني
جملنا يا طويل العمر وش به مايل ٍ شده = ترى وضع الجمل مهوب يرضيكم ويرضيني

هلا يامرحبا ترحيبةٍ تبقى لها مدة=حزامك ياخوي الجنب يومنك مبديني
جمال الربع واجد ياعريب الخال والجدة=ولا ترضي فعول مخالفين العرف والديني

جملنا يا جملنا يوم لاح الوسم في خده = وألا واعزتي لك يا جملنا يالمسيكيني
أنا ما همني (صالح) وأنا ما همني (رده) = لكن المشكلة الأخبار وصلت دولة الصيني

حياك الله يا وسّام المشعاب
شاعر كبير وما أنت سهل أبداً
لا هنت ولا هان غاليك
وألف شكر أيضاً لشاعرنا المبدع والمتميز واعي
وأتمنى إنكم تكملون المحاورة ولا تقفون عند هذا الحد
وفقكم الله

اررررررررررررررررررررحب يالسلطان وماتهون

وواعي شاعر جزل وحريف

المعذرة على التأخير.... مسافة الطريق من العمل للبيت وزادها إنقطاع الاتصال
السلطان مرحبا بك ملاييين
استلم ياوسَام المشعاب

ليا من الجمل زانت طبوعه للجمل وده=ولا منه خرب طبعه عليه الحبل ملويني
ندور عن جهاهيل العرب ياصاحبي صدة=وإلا عالوا نعول ولا وطينا العار والشيني

صح لسانكم
وما قصرتوا

محاورة ممتعة
متابعين لكم

ارررررررررررررررررررررررررحب يا حاتم

لك الله يا رفيقي ما رضينا للجمل ضده = ولكن الجمل مجنون وعارض له مجانيني
وأنا ما ابغا الجريدة تنشر الأخبار في جده = وألا يا شينها شيناه بين الربع الأدنيني

هات ردك الأخير يا واعي

والجايات أكثر بإذن الله وأستمتعت بهذه المحاورة معك يا شاعرنا