مجاراه لقصيدة بدوي فاهم وزعيم الحب

اسعد الله مساااااااكم

اسمحوا لي يا بدوي فاهم وزعيم الحب
تراي امون عليكم وابي امزح معكم شوي
لاني اشوف جوّكم مغيّم قلت مالها الا نطلعهم من هذا الجو
ونمزح معهم وعساهم يتحملونا
وهذي حبة خشم مقدما اممممممممممممم

.
.
.
.



قصيدة الشاعر :زعيم الحب الموجهه لبدوي فاهم
.
.
.

يابدوي يمناي ماتلطم رخوم=فعلها عند الرجال اللي تهوش
عندي العزه وميراث وسلوم=ماتهيضني سواليف الجحوش
انتخي من راس وجنوني تقوم=لين السوق الصابيه سوق الطروش
كم تحت رجلي تكسر من زقوم=يا ولدعمي وانا افكاري تطوش
دونك المرسال ياشهم اللطوم=علم حمار العرب ينقل عفوش
لاتضيعه الهقاوي مع قروم=والله ليبطي لذكري ماينوش
فرق مابين الثرا واعلا النجوم=خضبوا يمناه وحطوله نقوش
ليس كفواً بالمراجل لايروم=يده وماتقدرعليه و ماتحوش
واشهد انه لو تعزوا فرخ بوم=يعني انه فالنهايه فوش فوش
يابدوي عن فعلنا عطهم علوم=لحتزمنا ماخلت بيض النعوش
من ذوي عواض والعليا تدوم=مجدنا يرقى على كل العروش
في يميني رمح والاخرى صروم =ارد الهيجاء ولي وجهٍ بشوش

.
.
.
رد الشاعر:بدوي فاهم .
.
.
.

مرحبا وانته مقدّر ومحشوم=والوفا والطيب يشرى بالقروش
من رياجيلٍ يسدون اللزوم=والقدور بكل ما فيها تغوش
يا نفل يا نسل جالين الهموم=الرجال اللي على الفزعه تشوش
يا عصابة راس ساطين العزوم=لا توانا عزم ابوقلبٍ خروش
من ذوي عواض والنعم العموم=جعل تفداهم إمحدّرت الفروش
قسمهم في الطيب من جزل القسوم=والصمايل عند صملتهم تكوش
عد يا ذيبان في راس الرجوم=والله ان ماني بذا الدعوى بلوش
مار مثلك عن سفاسفها يشوم=وكان تبغى العلم ماهوب إمخشوش
مانبا من بيننا زرق السهوم=ولانبا نقل الخطا عبر الدشوش
يفرح المقرود نقّال العلوم=ويضحك القلب المعادي والحروش
إندوش راسي بتفسير الحلوم=ما جناه إبلير دبرة جورج بوش

.
.
.
.
[blink]مجاراة الرهاوي [/blink].
.
.

يازعيم الحب حطّيت اللغوم = وبدوي يجتاز والثوب محفوش
كنّه اللي قايدا خط الهجوم = وخايف يروّح قدم رجله طشوش
صورته فالمنتدى مثل الرسوم = السنون اطوال والراس مخفوش
كان تشبه له على الواقع يا..قوم؟؟!! = لايجي مشرف بعيدين الطروش
ما انت بسياسي ولا قلبك رحوم = فيك طبع اهل الجلافه والدفوش
لوحكمت المملكه في ضرف يوم =كان دمّرت المباني والجيوش
وبدوي طيره على راسك يحوم = فاقدن حلو المشاعر والعشوش
ديك روم مقابلن له ديك روم = شكّلوا بالناس واعطوهم طنوش
ما عرفنا ويش تفسير الرقوم؟؟!! = السؤال اصعيب ؟؟!!والحل مغشوش؟؟!!
يا الرفاقه صومكم ماهوب صوم؟؟= كيف يتساوى الحرار مع الحبوش؟؟!!
نعم فيكم عد همّال الغيوم = يالشدادين الشجيعين الوحوش
تكرمون من المهابيل الهروم= وصفحة التاريخ مافيها خدوش
مانبي من بينكم هوش وخصوم = ومن وراكم ياخذ التافه معوش !!
عوّدوا للحب والرفقه تدوم= وأقصدوا فاللي يرفنّ الرموش
المحبه من عرفها ماينوم !!= ولايفكّر في دغيش ولا دغوش!!
يالرفاقه لا حدا فيّه يلوم = ضربة الغالي مثل ضرب الشا كوش
صاحبي في خده الايمن وشوم = فيه حبة خال ...والخصر معروش
ماعرف مين الشلاوى والبقوم = ولافرق بين القبايل والطروش
مايعرف ..أبغاك!!..وشهو!!..و..محموم!!= ولاتطّيب بالمبخّر والرشوش
صاحبي دايم تضيق ابه الهدوم!!! = كل ما اكتب له على كيفه رتوش!!

ههههههههههههههههههههههه

منت بصاحي يا لرهاوي ..... وترى البيت اللي انت حذفته تقدير لزعلنا ( ديك روم ) انا قمت بإضافته والدعوى مزوح يا الغالي .

اخذ راحتك يا الرهاوي عني وعن زعيم الحب بالنيابه .

هذا للتوضيح فقط والرد اصبر شوي جايك يا وجه النكبه

هههههههههههههههههههههههههههه

ياهلا لالالاوغلالالالالا بمشرفنا وعمنا وش فيك اضفت

البيت؟؟؟ كنت ابيه بينا على الخاص ما ابي ازودها عليكم

ههههههههههههههههه

بس هذا يدل على طيبة قلبك ووسع صدرك

ويدل انك فالواقع ماتشبه لصورتك في المنتدى ههههههه

اما بالنسبه للرد تراني طالبك لا تعرضني انت ولا زعيم الحب

انتم شعار وانا توي فلا تستلمووووني

واعذروني ترى الدعوى مزووووح

تحياتي يااغلا مشرف فالدنيا

هلا والله

ههههههههههههههههههههه

الرهاوي ذاه رجالٍ ظلوم=حتى لو انه على الفزعه يطوش
يعتبر نفسه من إكبار النجوم=وهوَ في الواقع من إكبار الكروش
إن سكت قلنا هداه الله لزوم=وإن تكلم قلت هاذاه مغشوش
مار احبه حب ( صبحا ) للقروم=في نهارٍ فيه ضدّاتٍ وهوش

( صبحا) : دقة محيسن قديمه مازالت على قيد الحياه .

اسمع يا الرهاوي تعوذ من ابليس وخل العالم تصوم ههههههههههه

وإن كان همك شكلي ترى اللي في الصوره ارحم من الواقع

الرهاوي .... اعذرني على القصور

		المشاركة الأصلية بواسطة : الرهاوي اقتباس
	هههههههههههههههههههههههههههه ياهلا لالالاوغلالالالالا بمشرفنا وعمنا وش فيك اضفت البيت؟؟؟ كنت ابيه بينا على الخاص ما ابي ازودها عليكم ههههههههههههههههه بس هذا يدل على طيبة قلبك ووسع صدرك ويدل انك فالواقع ماتشبه لصورتك في المنتدى ههههههه اما بالنسبه للرد تراني طالبك لا تعرضني انت ولا زعيم الحب انتم شعار وانا توي فلا تستلمووووني واعذروني ترى الدعوى مزووووح تحياتي يااغلا مشرف فالدنيا

ههههههههههههههههههههه

عندنا وعندك خير يالرهاوي .... وتواضع شاعر مثلك يفرض علينا احترامه وتقديره .

سلمت يا الغالي وعسانا ما ننحرم من وجودك معنا .

يعطيكم العافيه وتشكرات لكم

ارحب ارحب

هههههههههههههههههههههههههههههههه

حلوه صبحا ههههههههههه

يا بدوي خفّت معالمك السموم = وانت تطرد في غنمكم والدبوش
ماتعرف المدرسه والباثروم = وماتروّش تحت تصريف الدشوش
ثوبك مقرفط وتفرح بالحجوم = وما تكدّ الشعر وقرونك نفوش
ياوسيع البال ندفع لك رسوم = بس معنا لاتشّوش شوش شوش

.
ههههههههههههههههه والله اذا شكلك فالمنتدى ارحم من الواقع

الله يرحمنا برحمته ههههههههههههه

تراني خويك وابد الي تبيه يصير بس لا تزعل علي هههههههه(واحد خايف)

السلطان ياليت تغيره اخاف يعصب ثم يعدمنا هههههههه

تحياتي وانت اخو مانزعل منك يالغالي

		المشاركة الأصلية بواسطة : الرهاوي اقتباس
	ارحب ارحب هههههههههههههههههههههههههههههههه حلوه صبحا ههههههههههه يا بدوي خفّت معالمك السموم = وانت تطرد في غنمكم والدبوش ماتعرف المدرسه والباثروم = وماتروّش تحت تصريف الدشوش ثوبك مقرفط وتفرح بالحجوم = وما تكدّ الشعر وقرونك نفوش ياوسيع البال ندفع لك رسوم = بس معنا لاتشّوش شوش شوش . ههههههههههههههههه والله اذا شكلك فالمنتدى ارحم من الواقع الله يرحمنا برحمته ههههههههههههه تراني خويك وابد الي تبيه يصير بس لا تزعل علي هههههههه(واحد خايف) السلطان ياليت تغيره اخاف يعصب ثم يعدمنا هههههههه تحياتي وانت اخو مانزعل منك يالغالي

ههههههههههههههههههههههههههه

صح لسانك يا الرهاوي ما شاء الله عليك .

عز الله انك غالي عندي وانا اخوك وتشرفت بمجاراتك .

سلمت ولاهنت

هههههههههههههههه

هلالالالا وغلالالالالالالالالالا يامشرفنا وعمنا وشاعرنا

الشرف لي يالغااالي وانا تلميذك يااستاذي

صح لسانك وصح بدنك والله لا يهينك

هههههه الله الله الله


يرفع مقداركم ويفرح قلوبكم ويسعدكم مثل ما أسعدتونا

جميل أن نرى هذا التواصل الطيب بين شعرائنا الكرام

وهذه الروح الطيبة التي نادراً ما نراها في مكان آخر

صحت ألسنتكم يالرهاوي أن ومشرفنا وزعيم الحب