( يا عيد ) قصيدة في المنتدى وأعضائه

اخواني الافاضل
السلام عليكم ورحمة الله وبركاتة
اطرح بين ايديكم هذه القصيدة المتواضعة وآمل ان تنال على إعجابكم
وهي موجهه للشاعر عيد بن عبيد الشدادي ولا هانوا الشعار الباقين

يا عيد يا عيد الضعوف المعاسير = يا عيد بلغ للجماعة سلامي
وخص السلام لناطحين المخاسير = في المنتدى ربع ٍ كرام ٍ حشامي
سلطان وربعه محتمين المظاهير = ومن يزبن السلطان لا ما يضامي
وعبد الله اللي ما حصل منه تقصير = دايم يلف المنتدى ما ينامي
وابن زبن راع الدلال المباهير = يستاهل التقدير والاحترامي
والراوي ابن مهرس عسى حاله بخير= اميرنا شيخ السلف والجهامي
وراس العرب وسعود راس الشواعير = وسيف الشدادين المحنك قطامي
وسلم على الولهان نسل المناعير = وايضا البرنس اللي جميل الكلامي
كل الجماعة خصهم بالتباشير = وسلم عليهم يا رفيع المقامي
وانا حصل لي في زماني تفاكير = والعين عيت تستلذ المنامي
دنيا ٍ عليّه ما تمل المغايير = دايم تفاجيني صباح وظلامي
مر ٍ نكسّرها ومر ٍ مكاسير = ولا احد ٍ على الدنيا مقيم ٍ دوامي
اخذت في الدنيا دروس وتفاسير = وترى الحظيظ اللي يصلى وصامي
وختامها مني ورود ونواوير= وعجل بردك يا سليل الكرامي

صح لسانك ياعقاب وبيض الله وجهك

وسلامك واصل والجماعه يستاهلون

وانت فاجاتني بالقصيده لكن ابشر بالرد

صح لسانك مليون مره اخرى

والله يعطيك العافيه تقبل تحياتي الغربي

يا هلا والله وألف مرحبا بأخوي عقاب

سلطان وربعـه محتميـن المظاهيـر=ومن يزبن السلطان لا مـا يضامـي

ما عليك زود يا ابن الكريمين وأبشر بعزك وسعدك

حنا حزامك ودرعك وحنا عيال عمك وربعك

بيض الله وجهك وصح لسانك

وإن ما خاب ظني إن الغربي ما يتركها الليلة لين يرد عليها

هذا ولد عمي قرم المشاكيل من غير قصور في أحد بالمرة

هلا وغلا يا عقاب منور طال عمرك

وما عليكــ زود يا الغالي وصح لسانكــ مبدع أينما كنت

وسلمت يمناك ع هالقصيده الجزله وافي وأصيل الله يحفظك

ما قصرت والله يا القرم

كل الأحترام والتقدير لك

		المشاركة الأصلية بواسطة : عقاب الشدادي اقتباس
	اخواني الافاضل السلام عليكم ورحمة الله وبركاتة اطرح بين ايديكم هذه القصيدة المتواضعة وآمل ان تنال على إعجابكم وهي موجهه للشاعر عيد بن عبيد الشدادي ولا هانوا الشعار الباقين يا عيد يا عيد الضعوف المعاسير = يا عيد بلغ للجماعة سلامي وخص السلام لناطحين المخاسير = في المنتدى ربع ٍ كرام ٍ حشامي سلطان وربعه محتمين المظاهير = ومن يزبن السلطان لا ما يضامي وعبد الله اللي ما حصل منه تقصير = دايم يلف المنتدى ما ينامي وابن زبن راع الدلال المباهير = يستاهل التقدير والاحترامي والراوي ابن مهرس عسى حاله بخير= اميرنا شيخ السلف والجهامي وراس العرب وسعود راس الشواعير = وسيف الشدادين المحنك قطامي وسلم على الولهان نسل المناعير = وايضا البرنس اللي جميل الكلامي كل الجماعة خصهم بالتباشير = وسلم عليهم يا رفيع المقامي وانا حصل لي في زماني تفاكير = والعين عيت تستلذ المنامي دنيا ٍ عليّه ما تمل المغايير = دايم تفاجيني صباح وظلامي مر ٍ نكسّرها ومر ٍ مكاسير = ولا احد ٍ على الدنيا مقيم ٍ دوامي اخذت في الدنيا دروس وتفاسير = وترى الحظيظ اللي يصلى وصامي وختامها مني ورود ونواوير= وعجل بردك يا سليل الكرامي

عقاب..بيض الله وجهك

على القصيدة الجزله

ابدعت ياعقاب ومدحت

اللي يستاهلون المدح

بيض الله وجهك .....


كل الود والاحترام

عقاب الشدادي

صح لسانك والربع كلهم يستاهلووون

وافي ياعقاااااب تحيااااااااااااااااااتي برق الوسم

عقاب

لاهنت يالذيب على هالقصيدة الجزلة وربعنا وعيال عمنا

يستاهلون المدح وعلوم الرجال ولا مهونه للجميع والغربي

الله الله بالرد الزين اللي يبيض الوجة يالقرم.

صح لسانك يا عقاب

والجماعة كلهم يستاهلووون المدح وبيض الله وجهك على القصيدة الجزله

وننتظر رد الغربي ..

بسم الله الرحمن الرحيم
اخواني هذا ردي على الشاعر عقاب الشدادي
والرد متواضع وانا كتبته في عجل
وانشالله يعجبكم

يامرحبا عداد ما غرد الطير=وعداد ماهلت مزون الغمامي
ياشاعرٍ جتني بيوته طوابير= ثم انشرح صدري وزاد اهتمامي
يامرحبا عد المزون المزابير=يامرحباياعقاب واسمع كلامي
ابشرك كل الجماعه على خير=في المنتدى اللي فوقه الطيب حامي
نمشي على وضحى النقاء صبح وعصير=وافعالنا تعرف نهار الزحامي
ياما مشينا في طوال المشاوير=وياما سهرنا والخلايق نيامي
بافعالنا تشهد حشود وجماهير=وميقافنا معروف وقت الخصامي
ياعقاب الك في القلب حشمه وتقدير=والطيب فيكم ماتعده اقلامي
ياللي مدحت الربع باحلى تعابير=عقاب واسمك من خيار الاسامي
ياعقاب انا بوصيك يابن المشاهير=ياعقاب خلك فالشدايد حزامي
عيال عم مطولين الاشابير=ويشهد لنا التاريخ شرق وشامي
ياعقاب قلبي فيه مثل المسامير=والعين عيت تهتني بالمنامي
ياعقاب حالي كل يومٍ بتغيير=ومن الشقاء ياعقاب يبست عظامي
دنياي صكتني وانا توي صغير=ومن الزمن ياعقاب مدري علامي
الله يصبرني على الارض لاطير=بيت سمعته من رشيد الزلامي
والعذر كان ردودنا فيه تقصير=العذر ثم العذر يابن الحشامي

وسلامتك وسامحونا على القصور
لكن والله اني استعجلت فيها

تقبلوا تحياتي اخوكم الغربي

الله الله الله

ماشاء الله عليك يالنشمي عز الله كفيت ووفيت يالغربي

ورد جميل وقصيدة جزله من شاعر عظيم وأبيات منسقة

ومعانيها قوية لا هنت لا هنت لاهنت وصح لسانك وبيض

الله وجهك على هالرد يالذيب بصراحه أنت

رائع رائع رائع.