القثامي..

السلام عليكم ورحمة الله وبركاته

مخلد القثامي من قبيلة عتيبه فارس مشهور وقصة زواجه بها
من الغرابه والطرافه وقد قال قصيده مادحا ابن رشيد
ليساعده وبالفعل تدخل ابن رشيد ليخلص تلك البنت التي
كان اخوها قد عقد عليها لاحد الاشراف ولم يدخل بها
والتحجير عاده في الزواج الاول اما الثاني فلا حكم لهم عليها.
وقد علم الخطاب بذلك فكثروا الا ان البنت ترفض من يتقدم

لها بانتظار مخلد...واخيرا حضر مخلد وصادف وجوده اثنين من كبار قومه وربما اكثر قيمه منه وغاية الثلاثه هي خطبة البنت وهي لا تريد سوى مخلد

وبعد تقديم العشاء وكثرة الترحيب نادى اخوها:

يا جزعا فيه فلان وفلان ومخلد والكل منهم جاء يخطبك وانتي

لو تنقسمين قسمتك بينهم فاختاري واحد منهم وهم يسمعون

حتى يعذروني و كان الاثنان على العشاء في جهه ومخلد يقابلهما وهو قريب من الذرى والبيت يقابلهم*

وكانت البنت ترى موقف مخلد فقالت من وراء الذرى:

يا سالم(ابناء عمي كلهم غالين وطيبين) وليس لي الا واحد

وهم ليسوا(جلب) اختار منهم واضافت(الادنى بالادنى والتعدي زريه) فذهبت كلاما بين الناس واختارت مخلد بهذه الكلمه...

اما قصيدة مخلد فيقول:

يقول مخلد بـاد الحيـد الاسمـر=في مرقب قدم الظعايـن منيفـي
يا الله واني في رجـاك اتصبـر=رجوى الديار المسنيه للخريفـي
تفرج لعين دمعها حـار وامطـر=لينه تهشـم حجرهـا بالذريفـي
والله لـولا العظـم يـوم اتعمـر=اليا كويت العظم عيـدي وريفـي
ابرد بها عبراتـي اللـي تكسـر=لا شب في قلبي سوات الصريفي
ولولاك يا طحم الـدلال المسطـر=لاجاوب السرحان واهرف هريفي
اهراف سرحان عوى ليل اقشـر=جايع ومطـرود وعـود معيفـي
عليك باللي هرجتـه كنهـا الـدردر= الصعود ان سجمت بالعطيفـي
لا روحت من وادي نبته اخضـر=بين الحرابه غادي لـه حفيفـي
وعز الله انه بالهوى جرني جـرجر =الرشا فوق المقام المهيفـي
وعز الله انه كرني بالهـوى كـركر= الظوامـي للقليـب العزيفـي
من لامني جعله تنبا بـك الشـر=تطيح في دقلة خيـول الشريفـي
يا لايمي حاديـه خفـان وعشـر=ياخذ سنه غمق صوابه مصيفـي
ويا لايمي طاولك في عمرك الشر=تاخذ سنه بين القرايـا يضيفـي
يا لايمي طاحـوا عيالـك مجـدر=من بعدهم تقعد ضعيـف كفيفـي
ويا لايمي صادوك صبيان شمـر=وجونا بعلمـك سابقيـن النكيفـي
يا زين خلي وان مشى بالمشجـر=بثويب سبهـان خياطـه نظيفـي
يا مل قلب يجذبه كـل مـا مـر=الدلـه بالعيـن وازنـف زنيفـي
زريف دراج السوانـي اذا صـر=علـى ثـلاث يجذبنـه صفيفـي
كنه هديب الشـام يـوم يتدنجـر=مدافـع تبـراه تـرزف رزيفـي
يبراله عيال على اكـوار ضمـر=ومطرفيـن ايمانهـم بالرهيفـي
واذا مشى له ساعه ثم هـو كـر=يسعون خدامه لحكـم الشريفـي
يا ليت خلـي يـوم قفـى تعـذر=ما قفى على السفهان كنه معيفي
من يمكـم يـا الطيبيـن اتعـذر=تدرون راعي الولف قلبه صخيفي
دلا يزايـدنـي بشـقـر تنـثـر=ومحاجر للمـوت فيهـا رفيفـي
في عينه اليمنى سيـوف تسطـر=وفي عينه اليسرى عساكر شريفي
اشكي على حماسة البن الاشقـر=اهل النجور اللي ترازف رزيفـي
اشكي على لباسة الجوخ الاحمر=من فوق قـب ينقلـن الرديفـي
واشكي على اللي يم حايل تومـر=تكفى يا اخو نوره زبون المخيفي
ان كان اخو نوره لشكواي ما سر=ولا انقطع حبل الرجا من وليفـي
اللي حمى في نجد بالسيف الابتر=وما طرت البصره لحد القطيفـي

قصه رائعه يلتمس فيها الانسان الوفاء لمن يحب
على بساطة عيشهم وتعليمهم إلا إنهم يشاورون البنت
أما الان في أغلب الاحيان لاتستشار البنت عند الخطبه
مشكوره المسحيلة على القصه الرائعه

مشكوره اختي المستحيله
قصه رائعه

تحياتي لك

		المشاركة الأصلية بواسطة : اقتباس
	مشكوره المسحيلة على القصه الرائعه

الشكر لمرورك الاكثر من رائع ..يالبرنس

الله يسلمك يالشدادي... ياهلا والله

مشكوره المستحيله على القصه والابيات الجميله

الله الله عليك يالمستحيلة
أمتعتينا بهذه القصة
جزعا ومخلد ثنائي ولا أروع
هذا هو القلب لا يريد الا واحد
شكراً يارعاكِ الله

عبدالله الله يسلمك يالطيب

اخيرا لقيت صويب الوله في صفحاتي ... هذا النور كله ياهلا والله

يا ليت خلـي يـوم قفـى تعـذر=ما قفى على السفهان كنه معيفـي
من يمكـم يـا الطيبيـن اتعـذر=تدرون راعي الولف قلبه صخيفي
دلال يزايدنـي بشـقـر تنـثـر=ومحاجر للمـوت فيهـا رفيفـي
في عينه اليمنى سيـوف تسطـر=وفي عينه اليسرى عساكر شريفي

المستحيله

تسلم الانامل ويعطيك العافيه على هذه القصه الممتعه والقصيده الجميله لمخلد القثامي شاعر عتيبه الاول في ذلك الوقت.


تحيااااااااااااااتي