بين قلبي وسمعي

وينها اللي الى من بس كذا سولفت=ينتعش شـي فيني من حلات الكلام
بيــن قلبي وسمعي ونظرتي حالفت=كيف تجـرح حــلال وماتعالج حرام
سجلت فــي هواي علومها وخالفت=من جمال النواعس قلت انا ياسلام
العيون وهدبهــــا بداخلي غـــــافلت=كــــل لحظة تأمل تـــايهه في ظلام
جـيـت لك فــي قــصيدة توك تعادلت=المعــــــاني رقيقه والسوالف تـــمام
لــــــيتها يــــوم جتني وقت ما قابلت=سلمت بالشفايف اوعـطتنا اهتــــمام
وصف ريم البراري بحسنها قاتــــلت=كل غيـــدا وصـيفه بحسنها والــقوام
ومــابلت غير قلبي بخــدهــا ونــابلت=بالسهوم الكواسر ست سمر الأنام

مـن قــصايد موسى أبو مشهور الصايغ

.




حُييت شاعرنا أبو مشهور و صح الله منطوقك وَ سَلِم بيانك و تبيانك
حضور سخيّ وَ عطاء لا محدود ممُتنين لك و أكثر .

الاخت الاستاذة ساارة الغيد شكرا جزيلا على متصفحك الشامخ لاخلا ولاعدم
على تنسيقك للمشاركات التي اقوم بكتابتها تقديري وصادق احترامي
اخوك موسى ابومشهورالصايع

صح لسانك ملايين ابومشهور وياهلابك

صح لسانك ابو مشهور
على قصايدك وحضورك المشرف

كفو والله يا أبو مشهور
والله يحييك ويبيض وجهك
وصح لسانك ملايين يا بعدي

ياعيون الشقاوي كانها صالفت ..المحبه غدت في قيس جنح الظلام ..لاتنادى على ليلي بعد جافلت ..ياكثر غيرها ليلى وريم وهيام ..امس مريت بيبان الهوى قافلت ..وفي العنايه لقيت الحب من عام نام ..العرب في زمانك لو معك جاملت ..تكتشف باخر ايامك هواها كلام ..خذ عن الحب فرصه خلها فاصلت ..لين يبدى لك الميسم وفرخ الحمام ..يمكنك تجوز وتلحق القافلت ..وتعرف ان المحبه مثل ريش النعام ..كل ذعذاع طيرها ولوحاولت ..يكسر الشوق قلب وشوق بعضه لحام ....تحياتي للشاعر الغرام اتمنا تقبل هذه الابيات واتمنا ان اكون وفقت فيها تحياتي لك ..الشاعر /ابوفوزي

الاخت الاستاذة نورة تشرفت بشوامخ احرفك النيرة
في متصفحناالمتواضع اخوك ابومشهور

الاستاذالقديرخيال الشدادين مرور بمثابة الورود
الطائفيه ونسيمها العليل لاعدمتك

الاستاذ السلطان ارررحب عدد ذغاذيع النسيم
برقي كلماتك المشرقه في متصفحنا المتواضع