درس الزمن

مـجـمـوع الأوسـمـة · توقيع : عيد الشدادي

.
.
قصيده على السريع

اتمنى ان ترتقي لذائقتكم وان تنال اعجابكم
.
.

.
.

ابدى بذكر الله وبعده ماش شيٍ مستحيل=واليا بديت بذكر ربي كل شيٍ يستوي..
سبحانه اللي عزنا بالدين والعرف المهيل=نطلب رضاه ونلتجي له دامه الفرد..القوي..
يارب جنبنا جميع الموبقات اللي تحيل=مع دورة الايام والحظ التعيس الملتوي..
البارحه صدري يغيض امن الهواجيس ويشيل=والذيب في روس الجبال النايفه صار ايعوي..
مدري صدق ولا تهيالي من الفكر العليل=واصبحت اهذري بالحروف ام الكتاب المحتوي..
على قواميس الحياه ونص قطر المستطيل=امشي بخطوه واثقه يوم ان غيري قد غوي ..
ماني وانا نسل الرجال اللي ينجون الدخيل=ان مابطشت بكفي الساطي على شان ارتوي ..
دام الليالي كايده والزند في خشم الفتيل=رح بلغ الطمعان لايرثع بدربه ويهوي..
انا عشقت الطايله بالجود والصبر الجميل=وفي كل دارٍ لي صديق ولي رفيق ولي خوي..
من فضل ربي واشكره في كل صبح وكل ليل=واللي ينوش النار وجه ينشوي منها شوي..
ماكتب على صدر الزمن غير الشرايد والجزيل=مادامني هاوي وقلبي من هوايه مهتوي..
مرات اغني فالهنوف اللي لها رمشِ ظليل=ومرات اجيب القاف غامض والخلايق تنثوي..
اخذت من جور الزمن درسٍ هلك مليون حيل=لكن هذا زادني فالوقت دافع معنوي..
زرت البنوك الغاليه حتى غديت اكبر عميل=واقسد قروض التجارب للزبون المنطوي..
حتى يفيق ويصلح احواله ولا يرضى بديل=لاصار وده يحترف ويصير هامور وقوي..
واللي يمثل مسرحيه لجل يقنع له بخيل=اصبح مزاجه ياهل الطاله مزاجٍ فوضوي..
دام الجمال محمله والحمل مشدود وثقيل=الله يعين اظهورها ويجيرها لاتستوي..
من جور حملٍ تحمله وتسير فالدرب الطويل=وتمر دارٍ قومها حنشل يجيدون الكوي..
ماعندهم غير التفاهم بالبنادق والصقيل=واللي يحل بدارهم بيروح غلطه ياخوي..

.
.
تحياتي لكم

اخوكم الغربي.. عيد الشدادي