نصيحة للبنت الى تبي تعرس ع طريقة أبيات شعريه

لاتحسبين العرس توفي وكتكات = ولا تحسبينه يابنت تويكس ولا باونتي
ولاتحسبين العرس كيكه وطرطات = وصله قطعتيها ووصله أكلتي
ولاتحسبين العرس تصفيق وأصوات = وأنتي على صوت الغطاريف همتي
ولاتحسبين العرس كوشه ولمبات =وأنتي كما الطاوووس فيها جلستي
ولاتحسبين العرس روحه وجيات =يالله اقضبي بيتك عسى ماتهبلتى
ليلة سعيده وانتى احلى الجميلات = تشخص عيون الناس اذا حضرتي
واللاينر حطيه نصيحه بلاا زيادات = لايخرب المكياج ويسيح اذا دمعتي
والمسكره تحتاج لطف ومدارات = حتى يبان فيك الزين اذا رمشتي
والاسبريه رشيه حتى البصيلات= يمسك شعرك زين لو كان زدتي
وترى المحدد بالحيل يحتاج لمسات = يبان رسمه زين اذا ابتسمتي
العرس يابنيه ماهو شعارات = تفنى مراسميه وتبقين كما انتي
ويبقي شريك العمر راعي طويلات= هذا هو العرس حقيقه عرفتي
اول نصيحه لك حافظي ع الصلوات = صلى العشاء والفجر وكل وقتي
وفي ليلة العرس الموفق بالذات = أدعي الكريم يابنت اذا سجدتي
والتعرى لاترضين عند الكوفيرات = لبسك محلى العين اذا لبستي
واللى على زوجك تحضرك مرات = أرجوك شوتيها شوتت بلنتي
والصبر في العشره على فتات = يامحلا فعلتك يومك صبرتي
واذا حفظتي السر مع المدارات =زوجك ترى في عينه كبرتي
والسوق يعني هاه وقت الضرورات = والا ترى زوجك يدور لمفتي
زيدي الغطايه وكثري في العبايات = والله يرضى عليك اذا سترتي
اوصيك بالكبسه وكثري ايدامات = حتى لو انك من سببها متنتني
وخلى الرجيم اللى فشلتى فيه مرات =سويه مرة واحدة اذا ولدتي

أكيـــــــــــــــد اخوي العرس اكبر من كذا ان شاء الله نقدر على خدمتكم واسعااااادكم..

تسلم اخوي على النقل..

لا عدمــــــــــــــتك

يسلمك ربي ويسعدك دنيا واخره والله مالنا غنى عنكم والعذر والسموحه ع هالابيات بس مجرد نصيحه ولا عدمتك

الابيات من صاحبها ياحمد؟؟

ههههههههههههههههههههههههههههه

فيها حوسه وحوسات

بس حلو البيت هذا

اوصيك بالكبسه وكثري ايدامات .. حتى لو انك من سببها متنتني

اخوى حمد


تشكر على النقل




دمت بخير وعافية

السلام عليكم هلا اخوي عبدالله مجرد قصيده ونقلتها لوووول وادري انها حوووسه وحوسات ولاهنت طال عمرك وترانى غشيم يالاجودي بالمنتديات ودخلاتى لمهم قليله لكن ابشر منب مهون منكم لو تسيح دم اصابيعي وانا اكتب لكم فديتك ولاهنت والعفو الحر الابي

ههههههههه عز الله إنها حوسة وحوسات

لكن الله يعيننا عليك يا حمد

الظاهر إنك مقبلٍ على زواج

لا هنت على الاختيار وتسلم يديك

يسلمك ربي اخوي السلطان وشكرا ع مرورك ودنا بالعرس بس مهوب وقته

مشكور ياحمد على النقل الرائع

الغربي لاهنت ع مرورك طال عمرك الظاهر انا وياك بيغدي صبحنا مطارد ورا بعض بالمواضيع لبى قلبك يالاجودي