سدرة الوادي

وجودي وجود اللي : من الفقد قام ينوح
يـنــادي عـلـى الـحـيـيــن ما كـنـه ينادي
على الرجم لا شرف وشاف البروق تلوح ؟
بكى من بكاه الرجم ! واشفق على البادي
مـن المنظر اللي مرني ما قـدرت ابـوح
اجل كيف حال الميس العاشق الغادي ؟
على ســدرة الوآآدي يغني حمام الدوح
ولو انـي ابـطـي كـان سيلت هـ الوادي !
عيوني بـدال الدمع قامت تصب جروح
وقـلـبي مـن الضيقات مـا عـــآده الهادي
زمـآن مـضـى لا زال مـع بـابـه المفتوح
تـهـب اللـيــال اللي مثل : ريـحـة الكادي
ابي رجعة الـمـاضــي ولكنّ ويـن اروح ؟
من الموت : يوم انه خذى قبلي اجدادي
ابي شوفة اللي من غلاها بنيت صـروح
صـروحٍ عـلـيـهـا دايـم يـغـرد الـشـادي
عشان استرد بشوفها الخاطر المشروح
واهـيـم بـجـمـالٍ خـابـــره مـاهـو بعادي
يقولون ما تصبر على اللي كتب فـ اللوح
واقول احمد الله يـوم ما حـدكـم حادي
معاليق قلبي لا انـفـرت مـن يــرد الـروح ؟
وروحـي خـذاهـا صـوت قمرية الوادي

يا هلا والله وألف مرحبا بشاعرنا العزيز
أبو سلطان
والله يحييك في منتداك بعد كل هذا الغياب
وعتبنا عليك عتب ابن عم محب لشخصك الكريم
في بعدك عنا وانقطاعك...!!


حياك الله والمنتدى منتداك
وصح لسانك يا بعدي

شاعر كبير ومبدع يا أحمد
عساك على القوة ولا هنت

يا مرحبا بالشاعر الجزل الهمام
والله يحييك تحية الاسلام
ما قصرت وصح لسانك وسلم بنانك

صح لسانك وعاش بنانك
ولا هنت على ابداعك ونظمك وقافك

صح لسانك أخوي الشاعر أحمد
وتعيش على امتاعنا بهذه القصيدة
والله يحفظك

		المشاركة الأصلية بواسطة : السلطان اقتباس
	يا هلا والله وألف مرحبا بشاعرنا العزيز أبو سلطان والله يحييك في منتداك بعد كل هذا الغياب وعتبنا عليك عتب ابن عم محب لشخصك الكريم في بعدك عنا وانقطاعك...!! حياك الله والمنتدى منتداك وصح لسانك يا بعدي

البقاء يابو عبد الله والعزيز والله انت اما من ناحية الانقطاع ان شاء الله ماهو انقطاع لكن برامج التواصل سحبت البساط من المنتديات من فتره طويله وانت تعرف الشي هذا لكن على شان خاطرك من فتره لا فتره احضر عشانك وعشان المطاليق اللي شرواك والله يجملنا فيما نقدم .

		المشاركة الأصلية بواسطة : خلف المسيلي اقتباس
	شاعر كبير ومبدع يا أحمد عساك على القوة ولا هنت

الله يسعدك يا خلف شهادة اعتز فيها لا عدمت حضورك

الله الله صح لسانك مليووون يبو سلطان ابدااااع

يا مرحبا والله با الجميع والله يصح ابدانكم واشكركم على طيب تواجدكم ومروركم 🌹