تكفون يالشدادين تكفون تكفون

السلام عليكم ورحمة الله وبركاته اما بعد
اولا احب اعرفكم بنفسي ولاتحرجوني انا شدادي وتوي شاعر مبتدي او ودي اقابل شاعر من شعار المحاوره في النتدى ولكم مني وعد مااسب ولااشتم ولااتعرض لاي قبيله لذا ارجو من الاخ عبدالله والاخ السلطان التنسيق مع الشباب واعطائي خبر بذلك عن طريق النتدى وتحديد الوقت المناسب ولاتواخذوني ترى معرفتي بالانترنت بسيطه
الدليل اني شدادي اليكم اخماس الشدادين عددها عشرة اخماس

ياولد لاتقول تكفى

عليّ الحرام اني جايكـ وفي يدي عجراء <<< مهايطي ههههااي

هلا بكـ ياولد العم

والمنتدى يزخر بكثير من الشعار وان شاء الله تستفيد معنا

والاخوان في الاداره ماراح يقصرون معكـ

تحيتي لكـ ^_^

هلا أخوي منور يا الغالي

وأن شاء الله السلطان وعبدالله راح يفيدونك أكثر

وينسقون معكـ !!

فيه موضوع في قسم المحاورهـ والألغاز لطلبات المحاورهـ !!

فأطلب ما شئت !

وما راح يقصرون معكــــ في انتظار ابو عبدالله والا ابو عابد

تحياتي لكـــ

نورت يالغالي أبو الفـهد


واللي تبيـه أبـشر به ابو عبدالله


وابو عابد ما راح يقصرون معاكـ


راح يفيدونكـ وابشرك بعزكـ يالغالي

بدون ما تقول تكفون

أبشر بعزك وسوف نقوم بالتنسيق مع أحد الشعراء عن طريق

المراقب عبدالله وتحديد موعد للمحاورة يناسبكم كلكم

لكن ياليت تكون متواجد على طول عشان نقدر ننسق معك .

ابشر بسعدك ياابن العم راح انسق لك مع الشاعر

جزاء بناء على طلبك في شروط المحاوره وان شاء الله يوافق

والا لعبة معك انا او بادي المرقاب الشدادي

اخوي ابو فهد ابشرك كلمت جزاء وقال

ماعنده مانع راح يقبل التحدى ويلعب

معك بس يوم الخميس الساعه العاشره مساء

والاربعاء مايقدر الرجال بسبب ارتباطه في عمله

نتمنى انك تكون جاهز ومستعد للمحاوره وتسجل

حضورك ومشاركتك هنا في الموضوع وعلمك بالاتفاق

وراح يكون البدع عندك تحيتي لك

ونحن متشوقين كثيراً لهذهـ المحاورهـ

واعتقد الخميس يوماً مناسب للجميع !!

ابو عابد مشكور لجهودكـ التي تبذلها في المنتدى

أحترامي للجميع

كلنا شووق ولهفه للمحاورهـ

نتمنى أن تحوز على رضى الجميع

ويوم الخميس يوم مناسب جداَ


تشكر يا ابو عابد على مجهودكـ الله يطول بعمركـ

اولا احب اشكر جميع الاخوان الذين قرأو الموضوع وبالذات ابو عابد والسلطان واثني التحيه للشاعر جزا وانامازلت عند كلامي مالنا الاالله ثم انتم يااعيال العم اذا وقفتوا معنا في بداياتنا من يوقف معنا
اما بالنسبه للبدع فوالله مااتقدم على ابوسفر او اي شاعريقابلني

يوم اعتزيت بربعي جتني بشاير =قالوا لاتطلب لكن هات الاوامر
فنجال دله لابوعابد والعود داير =للربع والمنتدى دوم عامر
بوجودكم والحظ تالله طاير=فوق النجوم اللي عيوني تسامر