آخر 10 مشاركات |
مختارات | المُتكبِرُ كالواقفِ على الجَبَلِ يرَى الناسَ صِغاراً ويَرونه صغيراً |
مواضيع ننصح بقراءتها |
06 Aug 2009, 06:04 PM | [ 71 ] | ||||||||
عضوة متميزة
|
الله يكثر من أمثالك أخوي إحساس واثق عين العقل والله يعني الحرمه تضيّع حياتها بالغسل والتنظيف والكوي ماصارت حياة كذا إذا من أصبح إلين أمسي وأنا أكرف خلاص بيكون مالي خلق شيء وكأني في عمل شاق أنا أحس الشغل مثل( العسكرية ودورتها):busted_re بس عسكريتنا عذااااب مدى العمر متى تحسون فينا إلى متى الغفلة << قلبتيها خطبة ياطويلة العمر أقصد يابندر وش فيك إنسان بحجمك ومتعلّم وعارف حريم اليوم وتقول حلاتها بالتعب والشقاء لعنبو حيك الناس يدورون الإرتياح وأنت تبي الشقاء هداك الله :icon_mrgr يعني مثل ماأنتم تتعبون في وظايفكم وتطلبون تقاعد يارجاجيل حتى الحريم يتعبون ومايتحملون مجهود كبير وأنا أطالب وبنات جنسي من إنكم تعطونا تقاعد مبكر لشغل البيت .. يابندر يامعارض جرّب شغل البيت إسبوع وربي إن تعاف حتى نفسك ومايكون عندك وقت تشوف فيها نفسك يعني كيف تبي حرمتك تهتم فيك وبعيالك وببيتك ماتجي ياأنت ياكرف البيت وإلا بتكون مقصره وياك وبتكون آله متحركه بس طبخ ونفخ وازعاج مبزره وأنت بتكون في حالك ياتصايح ياتهاوش وإذا بغيت ثوبك وملابسك بتجلس ساعة عشان تناديها وتكون مشغوله بالتقطيع والغسل وحالتها حاله ومن كثر الشغل تنسى وين حطته ويرتفع ضغطك ويضيع وقتك وتجيك بعد العنا وواصله حدها وماتسلمك الثوب إلا أنت وياها مطنقرين ياسلااااااااام لو عندك شغالة قايمة بالدنيا وحرمتك قايمه على طلباتك لوحدك اللي ماتخلص بتلاقي كل شيء تحت يدك وبنفس زينه ياناس ياعالم لاترهقون الحرمة وتكلفونها فوق طاقتها صحيح ببداية الحياة مالها داعي لكن بعد ثلاث أطفال أربعة خلاص لازم تجي وإذا كانت موظفة هالشيء مفروغ منه لو ماعندها إلا طفل واحد ضروري وجودها بعدين هي شر لابد منه .. ماما دايم تقولي ماشفتي شغل الحريم من أول الحين بس تتدلعين وتعبت وتعبت وأنتي ماعندك شغل صحيح عندنا عاملات قايمات بالبيت بس شغلي أقوم فيه غرفتي ملابسي أغراضي ماأحد يلمسها ولاتنسون الشاي والقهوة تبع جلستنا وأوامر اخواني اللي ماتخلص علي يعني بجد الشباب السعودي مدلّعين حتى كوب الماي أجيه لحد عنده وربي إذا كان أخوي فيه صداع أو تعبان علاجه مايقوم يجيبه أروح أنا وشوفوا المشوار من تحت ليييييييييييين غرفته اللي فوق بأقصى الشمال الغربي:moptop: وأجيب حبوبه مابقى إلا أأكله إياها أفتحها وأحطها بيده وأعطيه الماي وانتظره لحد مايخلص وأرجّع الكوب بجد تعب .. وأزيدكم من الشعر بيت إذا غلطت بشيء عقاب ماما لي أغسل الحوش وحوشنا ديره تتطارد فيه الخيل أصلاً ماأكمله أتشكوى إلييييييييين تخلي الشغاله تساعدني وأمسك الماي وأخليها هي اللي تشطّف وأجلس يوم متكسره من كثر ماوقفت تقريباً ساعتين ومانوصل للحوشه اللي في الجهة الثانية لو إني لوحدي والله ثم والله يوم كرف ويوم بالمستشفى شد عضلي .. هذولا حريم اليوم ياعندهن شغل ماهو موجود من أول أنا مايرفع ضغطي كثر مايمدحن أنفسهن وإحنا وإحنا وبقولكم أنا مسكت ماما وخالتي وعمتي كانوا بمجلس ويسولفون وكنا وكنا ونجيب الماي على ظهورنا والحطب مدري وش نسوي فيه ونطبخ الذبايح وما إلى ذلك كل هالأشياء سهله قربة ماي وكم حطبه نسحبها وبيت شعر مافيه أثاث يتمسّح أو سيراميك يتلمّع أو شبابيك تتغسّل حتى ملابسهم قليلة أنا الحين أجلس يومين أغسل ملابسي من كثرها هذا والغسالة اتوماتيك ملعوزتني وأنا انتظرها تخلص وبعدين ماعندهم مواعين كثرنا أتوقع صحن الرز وقدر الذبيحة وشوية صحون الحين المطبخ دنيا من المواعين يكفي الأشواك والملاعق ترفع الضغط بتنظيفها دارزن وبشر وعالم رايحه جايه وبيوتنا الحين تحتاج كم شغاله مو وحده تخيلوا بيت ثلاث أدوار وعايله كبيرة وبشر داخله طالعه واليوم يروح بسرعة ماتقدر تلحق على شيء عساك بمشاغلك الشخصية وبالعافية تخلصها . خلاص تعبت وأنا أحكي أترك المايك لأحد غيري بروح أشرب ماي عطشت من كثر ماتكلمت :icon_mrgr |
||||||||
|
|||||||||
07 Aug 2009, 01:05 AM | [ 72 ] | ||||||||
عضو متميز
|
خخخخخخخخخخخخخ ترف تصلحين في نقابه الدفاع عن المرة ماشاء الله عليك وش رايكم نغير الموضوع حريم وشغالات والله ماينتهي في مجالسنا وكثيرا مانرى تهرب الشباب المراهقين عن هذه المجالس وش السبب في نظركم وكيف نتلافى هذه الظاهرة |
||||||||
|
|||||||||
07 Aug 2009, 02:47 AM | [ 73 ] | ||||||||
|
يا حليلك يا ترف مرات تلعنين حيي ومرات تقولين الله يهديك ^_^ أقول أنتي أركدي وسفطي على جنب ,, ما شفتي كلامي أقول الزوجه تتعب والزوج يساعد يعني شاركت الزوج مع الزوجه ما قلت خلوها تكرف ما قلت أرموا الشغل عليها ,,, أنت وش فيك حامية مره وناطلة الكلام نطل ,, أربطي فراملك وخلي عندك تركيز ... ^ ^ كلامي هذا لترف ^_^ 7 7 هذا للأخ إحساس أنت ربطت الشغالات بالحضارة يعني علشان أثبت لكم أني هاي كلاس ومتحضر أستقدم شغاله ^_^ وربطتني أنا المعارض أني باقي مخي على الخيام والغنم وأني باقي متحجر .. الدول المتقدمه وهم أسرع منا ركضاً خلف الحضاره وتطوير أنفسهم لا يريدون الشغالات وتجد المرأه تعمل في وظيفتها ولديها عمل إضافي وقائمة بواجبات بيتها من أبناء وزوج .. يا شبابنا الطيب وبناتنا الحلوات أنتم شايفين الحضاره من تحت الركب ^_^ |
||||||||
|
|||||||||
07 Aug 2009, 02:55 AM | [ 74 ] | ||||||||
๑.•[عُذِبُـةے الأطَبُـاعُـ]•.๑
|
عمى بعين آلعدو آلنآس وصلوآ صفحآت في آلديوآنيه ومآلي آي مشآركه فيهآ لي عوده من هنآ لين تغيرون موضوع آلشغآلآت لآني لو آطب في هآلموضوع مآظنتي بخلص .. >> مكروفه جد |
||||||||
|
|||||||||
07 Aug 2009, 03:38 AM | [ 75 ] | ||||||||||||||||||||||||||||||||||||||||||||||||
عضو متميز
|
الله يسلمك ويعافيك من كل شر بس أحيان لازم نحط أنفسنا في الحالتين الي بنحكم عليها بكل واقعيه وبعيد عن التحيز لأي حاله = رأي لا اقول سديد ولكن فيه من الصحه ما يجمل الشخص الحاكم
ما حكيت بالحضاره و ماربط الحضاره بالشغالات و ما ربط التخلف بعدم استقدام الشغالات الله يهديك يابندر انا قلت تسارع إيقاع الحياة فرض على المجتمع شغلات بديله يعني مثل ما ذكرت الاخت ترف شغل البيت الحين مو مثل شغل البيت قبل وضربت مثال للشي الي انا قصده وهو ان الخيمه اول + جلب المويه و الحطب و ملابس العيله كلها ما تتعدى للبسه او لبستين لكل شخص مو مثل الحين البيت ماشاء الله من دورين و دور و ثلاث وكلن على قد فلوسه وانواع الاثاث و السيرامك والخ من زينة البيت و الواحد اللهم لك الحمد عنده دولايب ملابس مو ثوب ثوبين انا هذا قصدي مو قصدي اني تكلمت ان من الحضاره الشغاله انا قلت تسارع إيقاع الحياه و تتوسع منطوقها فرض عوامل دخيله بالمجتمع اختي ترف تكلمت عن الي انا قصده بالتمام لكن انت يا بندر حورت الكلام على كيف كيفك وانا رديت لجل ابين هالاشكال الي صار لك من قرايتك لردي الاول مو معناتها عندي عامله اني من الهاي كلاس على قولتك و مو معناة ان ما عندي عامله اني مو من الهاي كلاس دائما الهاي كلاس تكون بالعقل + الذوق العام و ليس بالمظاهر اخوي بندر |
||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||
07 Aug 2009, 03:55 AM | [ 76 ] | ||||||||
عضو متميز
|
هههههههههههههههههههه موضوع راق لي ولي عودة وتعليق انشالله في القريب العاجل |
||||||||
|
|||||||||
07 Aug 2009, 04:06 AM | [ 77 ] | ||||||||||||||||||||||||||||
عضوة متميزة
|
صباح الورد والكادي .. مريت من هنا قلت أصبّح عليكم وأشوف أخباركم ..
بندر ياطويل العمر كيف حالك ؟ إطلب أي شي إلا إني أركد ..:icon_mrgr وأبشر هذاني ربطت الفرامل وفهمت عليك ** وياهلا بوافي وحياك الله إلا أقول وين العيال مانشوفهم ؟ ليه ماتجيبهم ويّاك للديوانية مالهم شوفه والله إني ماعرف حتى وش اساميهم وكيف اشكالهم وصلوا للثانوي وبيعرسون:icon_mrgr ومايمرون يسلمون ويجلسون ويانا << ياويلي كبّرت الرجال بس لزوم التوضيح المهم لك ولا يهونون الجميع أنا قصدت الرجاجيل بشكل عام وخليت مثالنا الافتراضي أخوي وافي.. تسألون عن سبب تهرب المراهقين من مجالس الرجاجيل وأنتم السبب..!! بتقولون كيف ؟ إي نعم أنت أيها الأب تتحمل السبب الأكبر عن عزوف ابنك عن مجالس الرجاجيل .. كبر ولدك خاوه مو تتركه للسهر ولأصحابه وللكورة والبلستيشن وتقول ولدي مايحب يجلس عند الرجاجيل ( فضحني كن ماعندي عيال ) والله لو إني بمكانهم جاني خوف وفوبيا مرضيه من مقابل الرجاجيل وبستحي وماني متكلّم وبصير خبل ورخمة بعد << نسيت إني بنت مشوها لي :moptop:.. أنا لاطبيت بموضوع على طول أتقمّص الشخصية وكأنه أنا :icon_mrgr المهم يابوي تتذكر يوم إني بالمتوسط وأقولك بروح وياك لفلان وعلان وتقولي بلا بزارين وبين قوسين ( وراعين آخر زمن انطق وبرواية إجلس عند أهلك ) .. هذا أنتم جلساتكم فيها رجاجيل عليهم الكلام ولامن جاكم المراهق يرتجف وهو يصب القهوة فضحتونا أجيالنا صارت متحضرة بزيادة عن اللازم .. أنا عندي نماذج حيّه ببيتنا أخوي عزّام بالثانوي ومن هو بالإبتدائي أبوي ياخذه وياه لمجالس الرجاجيل ويسافر معاه وتعالوا شوفوه الحين وربي أنا استحي منه وهو أصغر مني بسم الله عليه تفكيره وأسلوبه رجال بجد البارح واحد من جماعتنا جايه ولد وماسماه على أبوه سماه اسم مايع ويوم درى قال : أفا والله مافيه خير يتعدّى اسم أبوه ويسمى اسامي مايعه لا والله مو رجال صح مت ضحك عليه صار أسلوبه مثل الشياب يعرف السلوم والنقيده بس أعجبني .. وبالمقابل : عندي أخوي ثاني تقدرون تقولون بنيه والسبب أبوي كمان صار يعتمد على عزام ومهيّت عبود وصل 16 سنة وشوفوه يلعب مع البزارين وتفكيره بس لعب وإذا ناداه أبوي يصب قهوة وإلا شيء يقول استحي ماني جالس عند الرجاجيل بالعافية يلبس ثوب وشماغ مثل الأوادم يدربي راسه ويعطيهم خده ويقضب الباب وكأنه مسوي الدنيا كلها طلع رخمة وخبل بس ماعليه وأنا بنت أبوي وراه وراه لحد ماتتعدّل عوجته وريتكم فيه جلست مع أبوي ليلة كاملة أشكي له الحال وإن عبود صار بزر ويعاندني على أتفه الأسباب وحتى كريماتي يستخدمها كنه بنيه مو عدله يايُبه وأنت خليته حرام عليك إلا متى بيكون كذا متى نعتمد عليه وقال : خلاص من الإسبوع الجاي مايسافر وياي إلا عبود وياويله سفرات أبوي كلها كرف وقهاوي من الفجر ورجاجيل وذبايح صح فيه طباخ بس مايلحق القهاوي على العيال والله إنه شايل هم وكل يوم يقول تكفون مابي أروح وأنا أقول اهجد وإذا سافرت اتصل علي أعلمك كيف تسوي القهوة ماعندنا عيال مدلعين لازم تتعود على الشقاء وخشونة العيش << تراي أحب أعاندهم بس هذي مصلحتهم والحق ماينسكت عنه .. وتصبحون على ألف خير .. |
||||||||||||||||||||||||||||
07 Aug 2009, 05:22 AM | [ 78 ] | ||||||||
مؤسس شبكة الشدادين
|
ما شاء الله تبارك الله عليك يا ترف بالعة نص روادي الإذاعات العربية يا كثر هرجك وفي رواية أخرى بربرتك ...!!! مواضيع جميلة طرحت هنا وآراء متعددة استفدنا منها شدني كلام أخوي وافي عن الحرمة اللي تاركة بناتها في مركز تجاري وذالفة مدري وين طاسة؟!!! ما أظنها صاحية والله لا يبلانا بس ...!! موضوع مساعدة الزوج لزوجته سبق وتحدثت عنه من وجهة نظري الشخصية أما موضوع الخادمات المستقدمات من الشمال الشرقي ومن دول الاتحاد السوفييتي المفكك فأمرها خطير جداً وعواقبها وخيمة والقصيبي ما هو جايبها للبر حتى يشوف الفساد انتشر فحسبه الله ونعم الوكيل..!! ولا يفوتني أرحب بسعادة سفيرة المستقبل بنت زايد والله يحييها معنا في الديوانية وننتطر تواصلها معنا بكل جديد ومفيد بيع أعضاء الأطفال والاتجار بها واستغلالهم بالحرام مصيبة لم تكن تعرفها هذه الديار والمسئولين عن هذا يغطون في سبات عميق بداية من وزارة العمل والعمال والجوازات ومكافحة التسول وغيرها من الإدارات الفاسدة النائمة ... حسبنا الله ونعم الوكيل أما مشكلة عزوف المراهقين عن حضور مجالس الرياجيل فأنا أوافق الترف في كل ما قالته فعلاً التربية تبدأ من الأب وهو المسئول أولاً وأخيراً عن مصاحبة ولده وأخذه معه لمجالس الرجال وتعويده على الجلوس معهم والاستفادة منهم حتى يصبح رجلاً يعتمد عليه.. باختصار شديد ( ولدك إذا ما ربيته ربّاه الشارع ودشير الشوارع ) والله يصبحكم كلكم بالخير في هذا اليوم الفضيل والشكر لكم كلكم على تواصلكم في هذه الديوانية الطيبة حفظكم الله ورعاكم من كل سوء باء سين ميم ألف ، لام لام هاء = يا من إليه توسلي ودعائي يا من إذا قد قلت كن كــان = الذي أردـته مـــن الأشـياء يا رافع السبع الطباق وباسط = أرضا ومحيي نبتها بالماء ومجري الأنسام بل تحصيها = وارزاقها من سائر الأنحاء إغفر ذنوبي إذا ضويت البرزخ = إلى جاء نكير ومنكر الإمراء وخاتم الرسل الكرام نبينا = وقـبـلـتـي الــكـعـبة الغراء وإخـواني الإسـلام والفرقـان لي = مـؤنـس إذا ضـويـت الـثـراء مالي سوى عفوك وحسن الظن بك = فـلا تـخـيـب يـا إلـهـي رجائي برحمتك يا مولاي وسعت كل شيء = ما اقدر لقسط العدل جار خطاء من كان لا يرجوك إلا محسن = فمن للمسيء مؤنس من الوحشاء ماله سوى بابك بحق الشفع = لأمته من لفحة لظى الحمراء صلى عليه الله ما شمس بدت = وما إكتست البدر المنير ضياء والآل والصحب الكرام الكمل = أهل الوفاء والرتبة العلياء لي قاموا الحنيف وباعوا = أرواحهم بالجنة الخضراء حتى محوا دين الضلال وبادوا = أهل السيوف القطع البتراء ثم قال بو صالح تزعل تزعل مرقدي = وعين من لا به نكد وسناء ما مثل يوم السبت قد عدا علي = وليلة الأحد عابسة ظلماء بخمس في القعدة وعام الواحد = زائد على العشرين والآلاء ثلالة عشر قرن بعد الهجرة = بيتت فيها سامر الشهباء جالس ومتوقف قليل الحركة = ما سعدت يسرى على اليمناء من بعد ما فارقت ثمرة مهجتي = هم وأربعة عزموا على المسراء صبرت نفسي والفؤاد مهذب = ولعاد مدت للمسير خطاء وقفت فوق البنط مثل الحائر = وتوجه البابور إلى المجراء لو بحت ما عندي وما قاسيته = منه تذوب الصخرة الصماء عبد الجلالة حاس حسه وانقلب = رشنة وعندي هذب السوداء ما جت عيونه بالدموع وعبرته = هزته وإهتزت لها أعضاء حس الفراق أثقلة وعندي مثله = لكن أنا كاتمه بالإخفاء ودعته الرب الرحيم الحافظ لي = ما يضيع كاشف الضراء الله يبغهم ويجمع شملنا = ونعود من هذا المكان الناء وبعد : يا العاني بخطي نول = في مركب الجرمن مع البدراء على إثناء عشر يوم با بيدي لك = من بعد رأس القارة الحمراء وأنزل على بندر منيع ادواره = محمي حمته العصبة الحرشاء لا تلتهي وأنسد على مندوبه = بالشد تسرح تهبد البيداء تركض في الجيلان على مثلوثة = تسبق ظليم الجو والرمداء ووطها في صير بعد المغرب = ولا تهملها في المرعاء نسم عليها التالية واتنسم = وسرها في العطفة العوجاء ولا تخالف خلقها بالورد لا =غبة الماطر من الأنواء على طلوع الفجر با يبدي لك = كم من منيع محكم المبناء في حد روضان ليوث عوابس = كم من ولد قاسي مع الوحناء ترمي قعوضة با تجد فيها الدواء = لأهل الوفاء والسم للأعداء واقصد إلى من له مقام ورتبة = وارثة من الأجداد والآباء سلم على ميم المقام العالي = على الزحل هو الجدي والجوزاء إلى تطالت الأعناق قده المنتهى = وإن اشكلت يعزم على الفتواء مولى الرياسة والسياسة والكرم = والنقص والإبرام للدعواء فيه الكرم والجود واكرم الوفود = إذا ضووا وهجنهم الخصماء وللخصوم قبع الخشوم بغالي = زين الرسوم والروم والحجناء يستصغر الأمر العظيم بصره به = يندر في ساعة الهيجاء بعد السلام التام له واصحابه = إقصد بخطي والبيوت أبنائي سلم عليهم عد ما شوقي لهم = با للغه للحذاق والخسراء وقل صالح يوم سرتوا سبعة = روحت كأنا سير في غدراء قد كنت ما بالي ولا أتكلف بشيء = وعادنا في شبتي وصباء قبل الكهولة والتجارب سال = لما إستحالت عندي الصهباء كله من الستين لي جاوزتها = ركت فؤادي وأضعفت بقوائي ياصلح حتى البيوت إتقلبت = وتعكس الخاطر مع مضواء إعهد عرب فيها إذا ناديتهم = كل يلبي يجيب ندائي الله يبلغهم ويحصل برهم = وتأتي الأخبار بالبشراء وعادنا أوصيكم بتقوى ربكم = كل ما فرض بالغه بالأداء تقوى الإله الواحد الفرد الصمد = تفوز في الدنيا وفي الأخراء أيضا وفي صدق الحديث وقله = تعدل لسانك لا تكن هذراء والصمت مثل التبر مضروب = المثل إذا الكلام الفضة البيضاء ومل إلى شور اللبيب العاقل = حازم وعارف بالأمور أدراء قد وقايس واستشر من ينفع شوره= وخل الفعل بعد الراء والصبر ميزان العقول محقق = كل من صبر يظفر في العقباء والختم صلى الله على أبي القاسم = جد الحسن ما غردت ورقاء |
||||||||
|
|||||||||
07 Aug 2009, 05:29 AM | [ 79 ] | ||||||||
|
يا هلابك يا هلابك يالسلطان ترف صبي قهوة ^_^ شوق شداد قومي هاتي القدوع ,,, يالله مير حي المدير العام ,, وصح إلسان الشاعر على القصيدة الي راح أقراها بعد ما أشبع نوم ^_^ |
||||||||
07 Aug 2009, 05:42 AM | [ 80 ] | ||||||||
مؤسس شبكة الشدادين
|
وهذه القصيدة قد جمعت واحتوت صفات الرجولة ولا زلنا نتغنى بها في كل وقت وحين فرحم الله شاعرها بركات الشريف يا مرقب بالصبح نطيت راقيك= ما واحد قبلي خبرته تعلاك
وليت ياذا الدهر ما كثر بلاويك= الله يزودنا السلامة من اتلاك ياللي على العربان عمت شكاويك =وليت يا دهر الشقا ول مقواك واليوم هالكانون غادن شبابيك= تلعب به الارياح من كل شباك يامالك اسمع جابتي يوم اوصيك= واعرف ترى يابوك بامرك وانهاك وصية من والد طامع فيك= تسبق على الساقه السانه العلياك اوصيك بالتقوى عساء الله يهديك= الها وتدركها بتوفيق مولاك الله بحق اجدادك العز يعطيك =مرضاته مع ما تمنا من امناك احفظ دبشك اللي عن الناس مغنيك= اللي الى بان الخلل فيك يرفاك وعرف ترى مكة والاها ابناخيك= لو تطلبه خمسة ملاليم ما عطاك اجعل دروب المرجلة من معانيك =واحذر تميل عن درجها بمرقاك لا تنسدح عنها وتبغيني اعطيك =جميع ما يكفيك ما حاصل ذاك ادب ولدك ان كان تبغيه يشفيك=واستسعفه من بعد مرباه يا لاك اما سمج وستسمجك عند شانيك= ويغر من فعله صديقك وشرواك والا بعد جهله تراه ياذيك= لو زعلت امه لا تخليه يالاك واحذر تضيع كل منهو ذخر فيك= معروفه لا تنساه واوفه بعرفاك ترا الصنايع بين الاجواد تشريك =اليا طمعت بغرسها لا تعداك واحذر سرور بغبة البحر يرميك= ولا عنده املس من تشكيك وبكاك واوف الرجال حقوقها قبل تعنيك =والا تعتمد بالقول والحق يقفاك وهرج النميمة والقفا لا يجي فيك =واياك عرض الغافل اياي واياك تبدي حديث للملا فيه تشكيك= وتهيم عند الناس بالكذب وشراك واليا نويت احذر تعلم بطاريك= كم واحد تبغي منه عرف وغواك واحذر شماتة صاحب لك مصافيك =اليا جرالك جاري قال لولاك ولا تحسب ان الله قطوع يخليك= ولا تفرح ان الله على الخلق بداك الضيف قدم له حين يلفيك= مما تنوله يا فتى الجود يمناك اكرم اقباله فانها من شواديك =وابذل له المجهود ما دام يعناك احذر تلقي الضيف مقرن علابيك= خله محب لك صديق اذا جاك واوصيك زلات الصديق ان عثا فيك= ما دام يغطاها الشعر فاحتمل ذاك راعه ولو ما شفت انه يراعيك= عساك تكسر نيته عن معاداك واحذر عدوك لو ظهر بي يصافيك= خلك نبيه وراقبه وين ما جاك لا تامنه واطلب من الله ينجيك =ويكفيك ربك شر ذولا وذولاك شفني انا يا بوك ابامرك وأنهيك= عند التعرض بين الاثنين حذراك اذا حضرت إطلابة مع شرابيك =اسع لهم بالصلح واللاش يفداك ابذل لهم بالطيب ربك ينجيك =والا تجضع الميزان مع ذا ولا ذاك اما الشهادة فادها ان ادعو فيك= بين عمود الدين لا عميت ارياك بالك تماشي واحد لك يرديك= طالع بني جنسك وفكر بممشاك رابع اصيل في زمانك بشاكيك= لا شاف خملاتك عن الناس غطاك واحذرك عن طرد المقفي حذاريك =عليك بالمقبل وترك اللي تعداك ثم العن الشيطان لياه يغويك =ترى ان تبعته للشرا بيك وداك واوصيك لا تشكي علينا بلاويك =انت السبب أخذك اعيونك بيمناك واعرف ترى ما قد وطا الفعر واطيك= ولانت اعز من الجماعة هذولاك المسك يا راسي عن الذل واخطيك =واحذر تكلم يا لساني وحذراك والطف بجارك وقم دون عانيك= وافطن لما يعنيك عن ربعة اخواك ياذيب وان جتك الغنم في مفاليك= فاكمن لين ان الرعايا تعداك امنول يا ذيب تفرس باياديك =واليوم جا ذيب عن الفرس عداك يا ذيب عاهدني وعاهدك مرميك =مرميك انا يا ذيب لو زان مرماك والنفس خالف رايها قبل ترميك= ترى لها الشيطان يرمي بالإهلاك ومن بعد ذا الا تصحب النذل يعديك =وعن صحبة الانذاك حاشاك حاشاك ترى العشير النذل يخلف طواريك =وانا ارجي انك ما تجي دون اباك والهقوه انك ما تجي دون اهاليك= ولا ظن عود الورد يثمر بتنباك والحر مثلك يستحي يصحب الديك =وان صاحبه عاعا معاعات الادياك لا تسمع قول الطرف يوم يلفيك =بالكذب يقضي حاجته كل ما جاك من نم لك نم بك ما فيه تشكيك= ويلاه قد ازرا رفيقك وأزراك عندك حكا فينا وعندي حكى فيك =واصبحت كارهنا وحنا كرهناك ماخطاك ما صابك ولو كان راميك= وللي يصيبك لو تتقيت ما خطاك مير استمع مني عسى الله يهديك= النصح يا مالك لك االله مولاك عندي مظنه ما تمثلتها فيك =واطلب لك التوفيق من عند مولاك |
||||||||
الذين يشاهدون محتوى الموضوع الآن : 8 ( الأعضاء 0 والزوار 8) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
۞ زفرات العاشقين ۞ | عيد الشدادي | مرافئ البوح | 19 | 21 Sep 2007 11:03 AM |
۞۞ تقـول لـي لبيـه واقـول لـك سـَم ۞۞ | بدوي فاهم | بحور القوافي | 28 | 11 Aug 2006 11:20 AM |
۞۞قصيدتي في صديقي ابو زلف۞۞ | بدوي فاهم | بحور القوافي | 26 | 18 Mar 2006 01:36 AM |
|