انا ولد حر وخوالي ذيابة

يامرحبا باهل الوفاوالذرابه= اللي لفو في حفله ارجال اذيــــــــاب
يامرحبابـلــــــلي لفامرحبابه= ترحيتن تــــــنساق مع بن وطياب
بيمين شــدادي على العز جابه= وعدا على كــــــل الملا فوق مرقاب
مافوقه الا ربه اللي التجابه= مافوقه الا منزل الحــــــــــــــق بكتاب
افعالنا مع غيرنا ماتـــــــــشابه=يومنها بسيوف قطعن للارقاب
يومنها غزو وذبح مع انهابه=ننطح اجموع ولاحسبنا لها حساب
نارد على الموت الحمر مانهابه=الموت عد وجاك للعد شراب
يومن اعدانا هايبه من شرابه=حنا نسوق الروح يمه ولا نهاب
اللي نوينا جيته واذهابه=يمسي عشا لذيب وصبح غدا عقاب
وللي نجا منا مجود صوابه=يموت وهو من فعلنا فيه منصاب
تلقا لنا فعلن مع كل لابه=لاجا نهارن فيه للحق طلاب
قومن لنا بين القبايل مهابه=جمعن تهاب امواجهه كل الاجناب
اهل كرم اهل وفا مع نجابه=اصدورنا امفتحه قبل الابواب
اليا لفانا الضيف اهلا هلابه=يامرحبا مليار مليار ترحاب
على الشحم ومقابل اهل الذرابه=وسوالفن يطرب لها كل عجاب
وعلوم عودن جايبن في شبابه=الطيب والناموس وللنعم كساب
وحوله شباب كلهم له عصابه=اللي يدث النار واللي لها شاب
واللي يسوق ادلال واللي لفابه=العود في يمناه ولفه على اشناب
والجار فحمانا عزيز جنابه=كنه ابن عم وكنه من اقراب
وترا الخوي والله ماينعطابه=نسوق من دون الخوي حتى الارقاب
يالابتي مامثلكم اي لابه=افخر بكم لاصرت في وسط الاجناب
ربعي هل الطالات وهذا جوابه=ربعي هل الطالات ومن قالها صاب
انا ولد حر وخوالي ذيابه=الاد حجري كلها احرار وذياب
انا حضرت ابعرس ربع وقرابه=ربعن جمايلهم علي مالها احساب
عيال عود جعل مضاعف ثوابه=ابعالي الفردوس يارب ينثاب
الشعر حده مثل حد الحرابه=مبغاه كان اليا حضر ماقفي غاب
بعض البشر لامن قرا اللي لفابه=ودك اتصنه فوق راسه ابمشعاب
حتى يساوي الارض ويا ثيابه=ويقفل على باقي قصيده ابدولاب
عقب صبين مايشرف جنابه=اليا حضر بين القرايب والاغراب
وختامها مبروك ويامرحابه=اللي حضر ذا الليل في حفله اقراب

سعــــد الروقـــــــي

انـــــا ولــــــد حــــــر وخـــوالـــي ذيـــابـــه=الاد حــجــري كـلــهــا احـــــرار وذيـــــاب
انـــا حـضــرت ابـعــرس ربــــع وقــرابــه=ربعـن جمايلهـم علـي مالهـا احـسـاب
عـيـال عـــود جـعــل مـضـاعـف ثـوابــه=ابـعــالــي الــفـــردوس يـــــارب يـنــثــاب
الـشـعــر حــــده مــثـــل حـــــد الـحــرابــه=مبغـاه كـان اليـا حضـر ماقفـي غــاب
بعـض البشـر لامــن قــرا الـلـي لفـابـه=ودك اتصـنـه فــوق راســـه ابمـشـعـاب
حــتــى يــســاوي الارض ويــــا ثـيــابــه=ويقـفـل عـلـى بـاقـي قصـيـده ابــدولاب

والله وسبعة انعاااااام يابو هملالالالان

صح لسانك وبيض الله وجهك

تقبل تحياتي

الغربي

ماعليك زود يابوعبيد ونعم حالك والله يعطيك العافيه على التعديل يالذيب

كفو ياسعد كفو

وصح لسانك ملايين انا اشهد انك وافي

اهلا فيك اخي سعد الروقي
وصح لسانك ملايين

ماعليـــــــــــــــــك زود يا رعــــــــــــــــــــــــــــد وصح بدنك

الـــلــــه يــبـــقــيــك اخي ياسر وصح بدنك

وآآآآآآآآو القصيده مرررره روعه
مع أني مالي في الشعر بس شدتني
صح لسانك
الله يعطيك العافيه

طبعي الوفـــــــــا صـــــــح بـــــــدنــــــك
والــــلــــــــــــــــه يعـــــافيــــــــــــــــــــك

يا مرحبا تراحيب المطر بشاعرنا
سعد الروقي
كفو والله يا الذيب ولا هنت
والله يحييك وصح لسانك ملايين