النواشف والكوكب الانساني

الملف الشخصي للكاتب · توقيع : قلب الذيب

بسم الله الرحمن الرحيم
طابت جميع اوقاتكم ،،،
كل شي غالي جمله صرنا نسمعها كثير
وبالفعل كل شي غالي واليوم اطرح لكم هذه المتواضعه
املي ان تحوز على رضاكم
^
^
^
^

راحت يدي من عضة النيباني=الجور ما يرضا به اي انساني
اعاني والعالم تعاني مثلي=والى متى حنا يا ناس نعناني
طارت بنا الدنيا ولا وقعنا=ولا قدرنا ننفض الجنحاني
حاجاتنا ما عاد نلحق حاجه=في كل يوم اتزيد ف الميزاني
الحق ما تلحق والله ما تلحقها=وان قلت ويش الحل قال افلاني
باب الطواري في حدوث الطاري=والمشكله تتشابه البيباني
متنا ضما والعد جمه راهي=يعني على الما موتة الضمياني
شي ٍ ما يوصف لوبغيت اوصف=يا اسعافنا قم شغل الوناني
غلا المعيشه مع كساد الحاله=اقرب ما يشبه لدغة الثعباني
تجار خافو من خلقكم فينا=والله ما نطلب شي بالمجاني
تربحوا باللي يقول المنطق=لا تصلخونا باسم شيٍ ثاني
انتم بخير وبعضكم ما يدري=ان بعضنا يمسي وهو جوعاني
حتى النواشف والله ما نقدرها=اللي من اول عيشة الفقراني
تتعذرون السوق برا غالي=طيب لماذا ما غلا الدخاني
ولو فرضنا قد يكون اسبابه=النفط بس النفط في بلداني
واللي هنا مصنوع سعره غالي=اين المبرر والبطن ملياني
العالم الله انها مقصوده=شيٍ تبونه ياهل الدكاني
اما انكم تبغون نهلك جمله=او اننا نجلو من الاوطاني
الاوله فالموت بيد الباري=والثانيه ماهيب ف الحسباني
لكن عندي راي اشوفه طيب=شوفوا لنا كوكب من الجيراني
انعيش فيه ورحمة الله حيه=ما الله مخلينا عظيم الشاني
ابشرط ما ينزل به اية تاجر=ونطلق عليه الكوكب الانساني

وســــــــــــــــــــــــــــــــــــــــــــــــ ـــــــــــــــــــــــــــــلامتكم