آخر 10 مشاركات |
مختارات | قال تعالى : { يَوْمَ تَشَقَّقُ الْأَرْضُ عَنْهُمْ سِرَاعاً ذَلِكَ حَشْرٌ عَلَيْنَا يَسِيرٌ } |
مواضيع ننصح بقراءتها |
|
||||||||||||||||||
طبخ الذبيحة
نبدا معاكم بسم الله اول شيء لازم يكون عندك قدر يسع ذبيحتك انا قدري كان صغير شوي على الذبيحه وغلبني في التقليب كل شوي عان تستوي الذبيحه مضبوط .. تعبينه مويه الى ثلثين القدر او اقل شوي لا تكثرين المويه عشان ما تطلع المرق كثير ويكون سامج ركبي المويه على النار وخليها لين تغلي في هالوقت تكوني نظفتي الذبيحه وشلتي منها اي زوائد شحم او دم او اي شيء غريب ,,وحاولتي تعملي ثقبين او ثلاثه بكل فخذ من الجهه الداخليه للفخذ يعني ما يكون واضح عشان يستوي زين .. ونضفي الراس والكرشة والامعاء وحاولي تلفينها على الكرشه [ كانت ايديني محيوسه من التنظيف ولا قدرت اصور هالخطوات] بعد ما يغلي الماء سقطي الذبيحه واذا كانت مفطحه خليها على بطنها عشان يطلع شكلها زين وما تكون ملتويه او ظهرها مسطح شيلي الزفر بعد ما يطلع واذا نظفتي الذبيحه زين من الدم ما راح يطلع زفر كثير بعد مرور نص ساعه ضيفي الملح [ الافضل تستخدمي الخشن لقيته بالدانوب يجنن ابيض مثل القطن ولا فيه شوائب ] حاولي انك تقلبي الذبيحه يعني مو تخلينها على جنب واحد ,,كل بعد ثلث ساعه اقلبي على جهه انا بهذلني عشان القدر طلع صغير قدري الكبير نسيته بالبيت القديم .. لين ما تحسين خلاص لمن تضغطي على فخذ الذبيحه ما يطلع دم شيلي الذبيحه وراح تحتاجين الى خطاف او مخطاف مدري وش يتسمى بالضبط لكن عباره عن حديده طويله طرفها معكوف تستخدم لشيل الذبايح وتحطيها بصينية الفرن وتطلعي شوي من المرق عشان نضيف عليه خلطة التحمير .. انا في وقتها كنت عامله مع الذبيحه لحم حاشي واحد من الضيوف كان حالف ما نسوي الا لحم حاشي وسوينا له طلبه عشان كذا ما كثرت اللحم اكتفيت بالمفطح .. قبل هالوقت نكون غاسلين الرز زين وناقعينه بحبات مستكه مطحونه وماء زهر انتبهي مو تكثرين ماء الزهر انا استخدمت مقدار نص فنجال قهوه لمقدار 7 علب شوربه من الارز [ هذا المقدار يكفي صحن واحد ] الرز كان انديا جيت نصفي المرق في قدر الرز ونضيف عليه ورق الغار والليمون والهيل والبشام والقرنفلوالفلفل الاخضر والشيبه والقرفه ونحاول نشيل شوي من الدهن اللي يطلع من الذبيحه لانه يكون كثير مره وما نبغى الرز يكون غرقان دهن نصفي الرز من المويه ونضيفه للمرق ونضبط الملح ونخليه يغلي الين يبدأ يبان الرز بعد كذا نرش على وجهه الفلفل الاسود والكمون والكركم ونقصر النار عليه مره ونخليه لين يكمل استواء نقلي مكسرات صنوبر وكاجو وزبيب نرجع للذبيحه ونحط على المرق ثوم بودره وكاري وصفار وفلفل اسودوشوي دهن وصويا صوص ونحركها زين وندهن بها الذبيحه من جميع الجهات بعد كذا ندخلها الفرن وتكون في اسفل رف بالفرن ونخليها تتحمر وطبعا راح يتحمر الجزء الاعلى اول عشان كذا اول ما يحمر نغطيه بقصدير ونخلي باقي الذبيحه تتحمر زين عشان ما يحترق بعد كذا ناخذ من الرز ما يكفي الخلطه على الوجه ونحط عليها المكسرات والصفار واي بهارات تحبينها بعد ما نغرف الرز نوزعها على اطراف الصحن ونكون مقطعين بقدونس خشن وسالقين مكرونه بعد ما نحط الراس وفوقه الذبيحه نوزع البقدونس والمكرونه وهذا شكل الرز من قريب منقول
|
19 Sep 2015, 06:50 AM | [ 2 ] | ||||||||
مراقب عام
|
رد: طبخ الذبيحه
ضياء موضوع مهم لمن ﻻتعرف تطبخ وياليت الكثير يطبخ في بيته يطعم ذبيحته ويشرب من مرقتها ويتعب عندها ويرد اللي يبيه منها ﻷن الطباخين يحطون الصغيرة مع الكبيرة ويصير الطعم سامج أما البيت فطبخه ألذ واطيب . وحسب ماقرات يثقب لها باﻷفخاذ او الفطحة اثناء الطبخ هذا فقط للكبيرة في السن اما الصغير ﻻتحتاج فقط تقلب بالقدر وحسب سعته. وفقتي في موضوعك ضياء. |
||||||||
|
|||||||||
19 Sep 2015, 04:53 PM | [ 3 ] | |||||||
<img border=
|
رد: طبخ الذبيحه
الله يعطيك الف عافيه طرح متميز سلمت،, |
|||||||
|
||||||||
19 Sep 2015, 06:24 PM | [ 4 ] | ||||||||
مؤسس شبكة الشدادين
|
رد: طبخ الذبيحة
تسلمين والله يا ضياء القمر موضوع جميلة وأكثر من رائع عن كيفية طبخ الذبيحة وفقك الله وألف شكر لك |
||||||||
|
|||||||||
21 Sep 2015, 08:21 AM | [ 5 ] | ||||||||
عضوة متميزة
|
رد: طبخ الذبيحة
ضيااء
الله يعطيك العآفيـه , وسلمت يدآك على النقـل , شكراً لك من القلب على هذآ العطاء , لقلبك السعآده والفـرح |
||||||||
|
|||||||||
22 Sep 2015, 04:12 PM | [ 6 ] | ||||||||
|
رد: طبخ الذبيحة
شاكرة لكم جدا هذا المرور الذي عطر متصفحي وأسعد به دائما |
||||||||
23 Sep 2015, 08:47 AM | [ 7 ] | ||||||||
|
رد: طبخ الذبيحة
لاهنتِ قمري
على إيراد الطريقة كل الشكر والتقدير |
||||||||
|
|||||||||
23 Sep 2015, 10:13 AM | [ 8 ] | ||||||||
مراقب عام
|
رد: طبخ الذبيحة
كل الشكر لك ضياء وجبه جميله ومميز بااختيارتك غلاي |
||||||||
|
|||||||||
27 Sep 2015, 10:32 AM | [ 9 ] | ||||||||||||||||||||||||||||||
|
رد: طبخ الذبيحة
|
||||||||||||||||||||||||||||||
27 Sep 2015, 10:33 AM | [ 10 ] | ||||||||||||||||||||||||||||
|
رد: طبخ الذبيحة
|
||||||||||||||||||||||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|