مدلعة يوم أهلها دلعوها

تبخترت في مشيها و الحـلا زاد = مدلّعـه يـوم أهلهـا دلّعـوهـا

المبسم الوردي معَ خشمها الحـاد = وغمّـازة الخدّيـن مـا جمّلوهـا

هي جمّلت كل الملامح بالأمجـاد = مجد الغَنَج مجد الدلع وإنشدوهـا

كنّ النواظر تشتكـي قلّـة رقـاد = وكنّ الهدب يشكي هموم أسهروها

وكنّ الخصر يشكي لنا قلّة الـزاد = مع إنّ أهلها كل حاجـه شَرُوهـا

في صوتها حسّ الطرب دوم يزداد = كل المسامع تنطـرب لإسمعوهـا

حتى نَفَسهـا لإبتـدت بالتنهّـاد = كنّـه يقـول لهمّهـا جنّبـوهـا

كل البنات بجنبها باقـي أجسـاد = تذبحهم الغِيـره لِيَـا صادفوهـا

في راسها طيش وحكايات وعناد = ما همّها لـو العـرب هاجروهـا

تسوي الحاجه متى ما العقـل راد = وإن عارضوها تشتكي عند ابوها

يفزّ كنّه في حروبـات و جهـاد = يزعّـل العـالـم إذا زعّلـوهـا

بحضورها حتى العزا يصبح أعياد = تضحك لها كل الوجيه إن لقوهـا

ياليتها مشهـد مسلسـل وينعـاد = وامتّع عيوني متى ما إعرضوهـا

اليوم شوفتها علاجات و ضمـاد = بكـره بأقـول آكلتهـا كلّبُـوهـا


المعذرة ماأعرف القصيدة لأي شاعر

ما شاء الله روعه
...الى الامام ...

اختيار من شخصك الكريم
تشكر عليه

قصيده رووعه

تسلم يديك على الإختيار الراقي

اختيارمميزوراقي
مشكورأخوي ولاهنت

كالعادة اختيار راقي ومميز

شكرا ولا تكفيك أخي صقار


تحياااااتي

إختيار رائع
لاهنت أخوي صقار
تحيااتي...

كلماتها جميلة
شكرا لك أخووي
.................................

الله يعافيك ويبارك فيك
تميز في الإختيار ..
مشكور يا أخوي ..

,’

صقار عتيبة يبدع الاختيارالأجمل

سلمت يمناك أخي