ليش البنت بنت أبوها والولد ولد أمه..؟؟

السلام عليكم ورحمة الله وبركاته ...

في البداية ..

خلينا نكسب حسنات شويا ...

" بسم الله والحمد لله ولا إله إلا الله والله أكبر "

" سبحان الله وبحمده ... سبحان الله العظيم "

" لا إله إلا أنت سبحانك أنك كنت من الظالمين "

خلصنا ...

برافوووووو

نبدأ بسم الله

موضوع عجبني ونقلته من منتدى أخر

طبعا الكتاب مبين من عنوانه
انا ملاحظه شغله كله يقولون البنت بنت ابوها والولد ولد امه ؟ ليش ؟
يعني الولد اي وقت يبي فلوس يروح حق امه علطول تعطيه
والبنت عاد دلوعة ابوها كل الي تبيه تأخذه منه
علاقة الأم ببناتها تكون مشحونه أكثر من علاقتها بأولادها
والأب يحاسب أولاده أكثر مما يحاسب بناته
البنت ممكن تأخذ إلا تبغاه من أبوها بكلمتين حلوه
والولد ياكل عقل أمه بكلمتين حلوه بعد
سبحانه الله كذا يصير ميل للجنسين
ابي رايكم بالموضوع وردوكم الحلوه
الأسئله

* شباب *
ليش دايما يقولون الولد ولد امه ؟؟؟
وانت لمن تبي شغله تطلبه من امك والا ابوك ؟؟؟
تحس منو اقرب منك امك والا ابوك ؟؟؟

* بنات *
ليش دايما يقولون البنت بنت ابوها ؟؟؟
وانتي لمن تبي شغله تطلبينها من امج والا ابوج ؟؟؟
منو تحسين اقرب منج امج والا ابووج ؟؟؟

,’
* بنات *
ليش دايما يقولون البنت بنت ابوها ؟؟؟
معرف ..بس احس خلاص اتعودنا على دي الكلمة

وانتي لمن تبي شغله تطلبينها من امج والا ابوج ؟؟؟

على حسب الشي اللي ابغاه يمكن اطلب من الأم أو من الأب .,
منو تحسين اقرب منج امج والا ابووج ؟؟
كلهم اصحابي وعلاقتي معاهم ولله الحمد كويسه.,بس في نفس الوقت احس انو الاب هو الاقرب ليا ..ولتفكيري ..,وربي يخلي امي كمان:moptop:

شكراً مزاجية ع الموضوع ..,

دمتِ بخير

,’

موضوع رااائع ووقعي

اقتباس:
يعني الولد اي وقت يبي فلوس يروح حق امه علطول تعطيه

يمكن لأن الامهات قلووووووبهم رقيقة على الاولاد
وفي بالها أنه هو سندها بالدنيا وأن البنت مصيرها لرجلها
<<<تفكير بعض الامهات
اقتباس:
والبنت عاد دلوعة ابوها كل الي تبيه تأخذه منه
علاقة الأم ببناتها تكون مشحونه أكثر من علاقتها بأولادها
والأب يحاسب أولاده أكثر مما يحاسب بناته
البنت ممكن تأخذ إلا تبغاه من أبوها بكلمتين حلوه
والولد ياكل عقل أمه بكلمتين حلوه بعد

لان البنت بطلعها حنونه مع أبوها وأمها ومطيعه لهم
يعني البنت لو عصبت وزعلتهم ترجع وترضيهم على طول
عكس الولد يمكن يرضيهم بس بعد مايزعلهم بفتره
لا علاقة الام ببناتها مو مشحونه <<<وجهة نظري


اقتباس:
* بنات *
ليش دايما يقولون البنت بنت ابوها ؟؟؟
وانتي لمن تبي شغله تطلبينها من امج والا ابوج ؟؟؟
منو تحسين اقرب منج امج والا ابووج ؟؟؟</i>



أنا بنت أبوي وأمي
أنا اطلب منهم كلهم
بس الأقرب لي أمي
يعني مُستحيل أسوّي شيء بدونها
مُستحيل أروح لمكان ماما ماتروحه معي
يمكن عشاني أنا بنتها الكبيره
فتعلقي فيها بشكل مو طبيعي
حتى لمارحت اقلع سني مارحت إلا وهي معي
ودخلت معي عند الدكتوره
مع أن اختي كانت معي
حتى أقولها والله ياماما إذا تزوجت بتروحين معي
واخواتي دائماً يقولنا لـ أمي بنتك شمعه بس :moptop:
جعل يومي قبل يومها

يسلمو حبايبي ع مروركم العطر
اضـاء صفحتي
ودي لكم

يا شينك مير ^_^

ياالله حي المزاجيه ومزاجك في الموضوع ميه ميه

بس كيف جبتيها ولد أمه وبنت أبوها ^_^

يا خيتي كلهم عيال ظهر وبطن واحد يعني مافي تفرقه ..

وأنا ماشفت كذا أبد وإن شاء الله ما أشوف,,

يسلموووووووووو عالموضوع

كلهم عينين في راس انا بصراحه اميل لبابا اكثر ما احبه اشوفه زعلان او اي شي من هالقبيل يمكن لأن بابا كان معاي لما كنت ادرس بالخارج

ماما امووووووووووت فيها وعلاقتي بها كأم واخت وصديقه وما بيني انا وهي اسرار

بس المثل هذا دارج ان البنت بنت ابوها والولد ولد امه

ثانكس عالموضوع اعجبني كثيييييييييييييييير

دمتي بود

يسلمو ع المرور العطر
لاخلا ولا عدم

ياهلا بمزاجية وكل سنه وانتي طيبة وعيدك مبارك ان شاء الله

رائيي بالموضوع :

أولا : دائما الأب يشوف في بنته أنها ضعيّفة وغلابنه ويحب ينّور طريقها و يساعدها الين مايزوجها

لأنه يحس انه البنت دئما ما تنجح وتدرس أكثر ما تنحبس بالبيت عكس الرجل فادائما البنت تحن لأبيها .

ثانيا : الأم تحن لولدها لعدة أسباب منها

غالبا أباءهتنا يقسون علينا لأن يبغونا جيل يعتمد على نفسه لا على فلوس أبوه أو خدماته

والأم تقول دائما أنه الولد اعتمادها بعد الله في ولدها في كل الأمور اذا توفق بدنياه خاصة اذا كانوا باريين

فا ممكن تكوت القاعده أو المثل صحيح أو أنا رأئيي غير صحيح

فاشكرا أخت مزاجية على موضوعك الرائع ويعطيك ألف عافية

^
^
هلا أخوي وأنت بصحه وسلامه
الف شكر ع المرور والتفاعل الخطير
لاخلا ولاعدم

والله ما أدري يا مزاجية
بس اللي أنا أشوفه واللي أحس به
إنهم كلهم عندي بمكانة واحدة
ومثل عيوني في رأسي
عسى الله يحفظهم لي ولا يحرمني منهم
ومشكورة يا صاحبة النقاش الفريد