عيون الحارثية

اسعد الله أوقاتكم....جديد أنشاء الله يروق لكم..

سولفي لي ياعيون الحارثيه=عن غلا عن حب عن شوق وأماني
وبلغي( شيخه) ترى الاشواق "حيه"=لو أبا أنسى داعي الذكرى دعاني
مايموت الشوق واغصانه نديه=ولايموت اسمٍ يهذري به لساني
يشهد الله كل ماتطري عليه=تسرح افكاري وأعيش بجو ثاني
سامح الله وجهها ميته وحيه=وسامح الله قلب أطيعه ويعصاني
كثر مازادت على الكيه بكيه=كثر مغليها على قاصي وداني
كثر ماتتلى الخطيه بالخطيه=كثر ما اعذرها وتحظنها المحاني
عشمتني لين قلت الحب هيه=وضيعتني لين ضعيني مكاني
أتاثر من هديل الراعبيه=كلما غنت "زماني يازماني"
والهوى ملعون ابوه وحي حيه=لو أنكس هامتي زلزل كياني
يافقير الحب أنا نفسي غنيه=والغلا في خافقي رمز ومعاني
كم هنوفٍ قبلت ظاهر يديه=وخطبت ودي ورغبت في حناني
وأتقافا في غرور وعنجهيه=ماتهز اركان ثقلي وأتزاني
الا (شيخه) جيتها كلي هديه=والهوى مابين وردي وارجواني
بدوي راهن على حب بدويه=ومن رداة الحظ ماكسب الرهاني
لين صفى لاشداد ولامطيه=عودت عشر الهوى تسع وثماني
وين قيس وفين ليلى العامريه؟=يالحبيب اللي شريته ماشراني
أحسب أنك في هجير الصيف فيه=وأحسب أنك قبل مانغرق مواني
ياحسايف يامزون العقربيه=يوم هلت حب واشواق وتفاني
سقت فنجال الغلا من شاذليه=وأنكسر في يدك والخوف أعتراني
لاحت الفرقا وأنا عندي وصيه=اسمعيها كان لك قلب وأذاني
أحفظي حق المرابيط القويه=ولك شكري ولك ودي وأمتناني

سعود

ياهلالالالالا ومرحبتين

يابوطارق والحمد لله على السلامه

وصح لسانك مليار ياشاعرنا قصيده لو اقراها

100مره مامليتها والله انك رمز الجزاله يابو عبدالعزيز

تسلم وفي انظار جديدك

قصيدة جزلة يابو طارق

صح لسانك ...

صعود صح لسانك
وبيض الله وجهك

سـولـفــي لـي يــاعـيـون الـحـــارثـيــه= عن غلا عن حب عن شوق وأماني
وبلغي( شيخه) ترى الاشواق "حيه"= لــو أبـا أنـسـى داعي الذكرى دعاني
مايموت الـشــوق واغـصــانــه نــديه= ولايـمـوت اسـمٍ يــهــذري به لساني
يــشــهــد الــلــه كــل مـاتـطـري عليه= تسرح افـكـاري وأعـيـش بـجو ثاني



اخي الفاضل سعود
صح لسانك وبيض الله وجهك
على هذه القصيدة الرائعة
المتميزة في ابياتها ومعناها
والقصيدة الجزلة دليل على جزالة قايلها
والجميل يبقى دائماً جميل وفقك الله
وتقبل تحياتي

		المشاركة الأصلية بواسطة : صالح بن هميجان اقتباس
	ياهلالالالالا ومرحبتين يابوطارق والحمد لله على السلامه وصح لسانك مليار ياشاعرنا قصيده لو اقراها 100مره مامليتها والله انك رمز الجزاله يابو عبدالعزيز تسلم وفي انظار جديدك

أبن هميجان..الله يسلمك ويحييك..

وصحت ابدانك..والجزاله بعض ماعندك

وبلغي( شيخه) ترى الاشواق "حيه"=لو أبا أنسى داعي الذكرى دعانـي
مايموت الشـوق واغصانـه نديـه=ولايموت اسمٍ يهذري بـه لسانـي

الله الله يا راعي عيون الحارثية

يا هلا والله بشاعرنا الكبير أبو عبدالعزيز

حيّك وحي ما جيت به والحمد لله على السلامة

بيض الله وجهك وقصيدتك تستحق التميز فعلاً

		المشاركة الأصلية بواسطة : اقتباس
	أحسب أنك في هجير الصيف فيـه وأحسب أنك قبل مانغرق موانـي ياحسايـف يامـزون العقربـيـه يوم هلت حب واشـواق وتفانـي

صح لسانك ولاهنت

تسلم اخوي على القصيده الجزله

الله يخليك

إحترامي

الله الله

كلمات رائعه بحق

إبداع لاحدود له

كعادة شاعرنا سعود

لا غير الأبداع

يافقير الحب أنـا نفسـي غنيـه=والغلا في خافقـي رمـز ومعانـي
كم هنوفٍ قبلـت ظاهـر يديـه=وخطبت ودي ورغبت في حنانـي
وأتقافـا فـي غـرور وعنجهيـه=ماتهـز اركـان ثقلـي وأتزانـي

الله الله على الابداع

يسلم راسك ياسعود

قصيدة قمة من اولها إلى اخرها

سعود صح لسانك مليون مليون

كل المحبه والتقدير