۞ ديوانية الشدادين ۞

أخاف يا أبو عبدالله أنك مو متأكد انه يتهرب منك ويمكن أنك ظالمه , هل انت فتحت معه حوار حول هذا الموضوع , لأن في بعض الاحيان الواحد منا يظن أن فلان من الناس تغير عليه مع أنه ماتغير ولا شيء ولكن حصلت له ظروف خاصة جدا أثرت عليه وخلته ملتهي ومنشغل فيها وقطعته بشكل مؤقت عن ربعه اللي يعزهم وهذه قد حصلت معي كنت اظن ان واحد من ربعي قطعني فجأة بدون سبب مع أنه كان متواصل معي بشكل يومي وقامت الهواجيس تأخذ معي وتعطي , لا يكون زعلته وأنا مادري أو أخطيت عليه بدون قصد ولكن انتظرت وانتظرت وخوينا على وضعه منقطع عني فترة وبعدين قلت في نفسي خلني اقطع الشك باليقين وكلمته واكتشفت اني على غلط واني في وادي وخوي في وادي ثاني , كانت عنده ظروف خاصة جدا بأهله وضحها لي بالتفصيل وتعذر مني عن الانقطاع وأنا كذلك تعذرت له عن شكوكي فيه , بس قال لي كلمة خذته حكمة منه وهي ان صحبتنا وخوتنا خوة رجال قامت على ساس خوة أحترام وتقدير ومعزة والوقفة مع بعضنا في الرخا والشدايد ماهي خوة مصالح بسرعة تنتهي بعد ماتنقضي المصلحة ويكثرها هالايام والله يبعدنا عنها . علشان كذا بادر يا أبو عبدالله بمصراحته وانت ماراح تخسر اذا كان خويك عليه الكلام وان غير كذا مالك في مطارد المقفي خله يروح مع غيره بالعكس استفدت تجربة جديدة في الحياة .

يا هلا والله بأخوي وولد عمي أبو سيف
والله يحييك في منتداك ونتمنى أن نشاهدك هنا باستمرار
ولا تنقطع عند الديوانية
تراني كلفت شاهر يطبع لنا دفتر حضور وغياب وتعرفون أبو نايف
ما عنده لا لف ولا دوران في الأمور الجدية
يعيش أبو نايف


هلا بك يا أبو مهند وهلا برجعتك لنا يا الأمير
والله يحييك من جديد وخلك معنا أولاً بأول لأن المواضيع تتغيير في اليوم
مرتين أو ثلاث
ما شاء الله تبارك الله

الأفكار واجد والسوالف أكثر والموهبة توها طلعت ههههههههههه
لا هنت يا بعدي ولا هان غاليك وعطنا علوم أبو حسين اليوم
كيف صحته وكيف أحواله؟
إن شاء الله إنه بخير وصحة دائمة يا رب

يا هلا بك يا بعدي يا أبو حماد
لا والله ما ظلمته ولا ادعيت عليه بشيء ما هو فيه
لكن تغيره واضح وطبعه معي مختلف عن أول
وصده ما فيه أي شك أبداً

لكن على قولة أبو سيف

من راح من كيفه وكيفه موديه
خلّه على كيفه وكيفه يجي به

خلك بالقرب يا ذيبان
ترى الديوانية متجددة أول بأول
والله يحييكم وعشاكم الليلة عن أخوكم وولد عمكم وافي
وكلفني بالنيابة عنه أعزمكم كلكم

أن كان على كلامك ياأبو عبدالله قله دربك خضر والله يستر عليك وهذا حال الدنيا نواجه فيها أشكال وأنماط مخلتفة عن شخصيات البشر فمنهم الطيب الودود الحبوب لين الجانب ,ومنهم العصبي اللي ماينقرب ,ومنهم الحقود والحسود اللي دايم نقاد بمناسبة وبدون مناسبة مو نقد بناء وايجابي بالعكس نقد سلبي وهدام ,ومنهم البارد اللي فاصل الاسلاك (الأفياش) كلها بدون حرارة , ومنهم مطفي الانوار ومضلل الدرايش ,ومنهم الخبل أو الأمعة اللي يسمع لفلان وفلان بدون مايحلل ويفكر هل هالكلام صحيح والا لا ..... الخ . بالنسبة لعزيمتك ياأبو عبدالله مقبولة انت والوافي أخوان تقومون بالواجب بس أهم شي نبغى هريفي نجدي لحمه زبد مو من غنمكم ياأهل الحجاز (الحريٌات) لحمها تقول لستك كفر الله يديم النعمة وكثر الجريش والقرصان هاه أبو عبدالله لأوصيك الحر مايحتاج وصاة .

أنا مع ابو عبدالله


كان لي خوي والله يشهد أنه من أعز الناس عندي ولازال

من ايام الدراسه وحنا سواء

المهم بعد لثانويه افترقنا

انا انقبلت في جامعة البترول والمعادن بالظهران و خويي ما حالفه الحظ وسجل بالعسكريه و معه واسطه وتعين بالرياض

جيتي للرياض قليله بحكم نظام جامعتي الأمريكي الي يحلل وقتك تحليل

ولا جيت للرياض الا الأشغال تستنى وما معي غير الخميس أقدر اخلصها

وما القى فرصه ان ازور احد والله يشهد اني احضر كل العزايم الي اقدر احضره

بس وقت مامعي تخيل يوم تبي توزعه على كم واحد من الناس وعلى اشغالك وعلى اهلك

صعب لأبعد الحدود كنت منحرج من الناس البعاد يقلون عني مغرور ومتكبر لأنه مايعرفون كثير عن ظروفي

لكن المصيبه جت من خويي ذا جلس يقول لي

انت علشان مستقبلك كبير صرت تتخلص من الصحبه القديمه اشكالي الي بيفشلونك مستقبلا

وربي كم مره وضحت له انه على عيني وراسي وافخر فيه و اعلن للعالم انه خويي و ملازمني من صغري لو اصير وزير البترول

المهم مرت الايام و الظن في خويي يكبر

كان يقول عازمك اليوم يدق الخميس اقول انا ما نزلت للرياض وفعلا وقتها ما اكون نازل

يدق الخميس الي بعده يقول تعال تعش عندي اقوله وربي اني مرتبط بعشاءء يكون لعماني و لخوالي

وهو متلاحق معه و كل فتره اجيه واتقهوى عنده ساعه ساعتين واتوكل على الله


الين جا يوم خطبته ارسل لي رساله وقال حياك الله على خطبتي

يشهد الله اني فرحت له لكن نظام جامعتنا كان بادي الاختبارات النهائيه قبل كل الجامعات


وكان بنفس اليوم حق خطبته عندي اختبار الساعه 7:30 اختبار نهائي

قلت له وربي العظييييييييم ما اقدر احضر وربي لو اكون مجلوط بذيك الليله ما يقبلون عذري غير بعد المعنه

جاي الحين تقولي قلهم ابحضر خطبة صديقي جامعة ابوي الله يرحم والدينك اطلع اعذار من مخباي

قال لا جيت تراني بزعل

قلت له والله اعذرني يابو فلان انا مره رجال مرتبط بختباري وماني جاي

قال سلام وصلك العلم وصكر بوجهي


انا صكيت وارسلت له تهنئيه بالجوال و شرحت له من جديد الوضع

دخلت الاختبار 7 ونص و طلعت 10 وربع

اول ما فتحت جوالي لأني كنت قافله حصلت رساله

مكتوب فيها

خلاص يا مدير بعتنا ما تحضر زواج عسكر


ارسلت له خاطره ونزلتها بالمنتدى هنا

وكتبت له العسكر الي تحكي عنهم

هم ابوي وعيال عمي ونص جماعتي

يعني مستحيل اني اتبراء منهم

وبعدين وش فيها العسكري وانت مستحقرها ليش دخلتها


ارسل لي

انا ماعاد بحرجك معي ولا عاد ذاكر انك كنت خويي

قلت له

المثل المشهور

لحيه ما تقبل العذر ما تستاهله


يعني كلام ابو عبدالله صحيح

ناس تبيع صداقاتها لأسباب و من دون اسباب

الله يخلينا و يخليلكم كل احبابكم غواليكم ولا يحرمكم منهم

أرد المشاركه بنقظة ابو عبد الله

الحياة كذا والي مايعذر خويه وش الفايدة منه
تعرف اموري واسراري وتقريبا كل شي عني ولا تعذر
واحيان يمكن يشك فيك والشك قاتل والشيطان حريص ويبتعد عنك ويظلمك ويظلم نفسه
لكن الواحد يسوى الي يرضي ربه ويوصل ربعه مهما كان
لي حكايه مع واحد من الربع كذا انا وهو اخويا واصحاب لكن جاء من نم عندة علي وانا علي نيتي اجي واسلم وازورة واقوم معه بالمواجيب والحق وبعدين تبين له ان الي وصل له الكلام كذاب وجاني واعتذر مني وقلت له انا ماني من الناس الي يسمع في خويه ولاني من الي يصدق شي ماشافته عينه
مار الله يهديك ولاعاد تعودها اذا وصلك كلام تعال وتأكد منه والله لقول الي اعرف

الصاحب الي ما وصلت محبته لا تخسره ...


ولكن أبتعد عنه وأنت مبتسم ولا تتذكر مساوئه بل تذكر لو دقيقة فرح معه ..


شكرا لكم ولهذه الديوانيه الرائعه ولي عوده ومتابعه ,,

دمتم بود ,,

,,,

بسم الله الرحمن الرحيم
والله شي يحزن الحضور المتأخر ويحزنني أيضاً
هذه (العزله الكتابية) مرض مكتشفه جديد ههههه
وهذا المرض أصاب الأقلام الكبيرة التي لها بصمتها الخاصة
نرجع لحوار الحديث ما هو حوار الرجال اللي ضيعه
وسمع بحوار بين الرئيس الليبي والمغربي في الرادي وزعل يفكره حواره
مواضيع طرحت تستحق التعليق على كل واحدٍ منها على حدى
ولكن سنلتزم بقانون الموضوع وهو الحوار في آخر موضوع
وبما أن موضوع الأخ أبو عبدالله عن الصحبة (حازمة الخشوم )
فأنا أتواقف مع الأخ سطام عندما يكون عزيز على نفسي هذا الصاحب
فستكون البداية مني والبحث عن الحل لأنها من شيم الرجولة
ولكن يمكن أن يكون هنالك أمور لا أحد يدري عنها ولكن يجب أن نأخذ الأتجاه الطيب
ونسأل لجميع الأصحاب دوام الصحبة الطيبة وزوال كل الحواجز بينهم (أنتهى النص )


إذا سمحتوا لي بموضوع بصراحة الأيام هذه عامل لي لخبطة
وبعطيكم السالفة وأبي آرائكم حولها السالفة وما فيها
إخوكم في الله البرنس السنة الماضية السنة الماضيةسافر خارج المملكة
قولوا مبروك هههههه
لا بس سافرت خارج المملكة ولله الحمد سفرية رائعه وإستانست فيها
ورجعت قولوا عندنا خبر وإلا كان ما كتبت ههههه
بس بصراحة السنة هذه جاني إحساس غرررريب جاني بلا على السفر
رغم إني ما طلعت إلا مره واحدة وأشوف الكثير من السعوديين سنوياً ما يصدقون
إن الصيفية تجي إلا وحجز وخارج المملكة أبي أعرف واللي محيرني
هل السفر عادة ؟؟؟
هل السفر موضة ؟؟؟؟
هل السفر سياحة كما نسمع ؟؟؟؟؟
هل وهل وهل أبي نتناقش في موضوع السفر خارج المملكة مو داخل المملكة
وأبشركم تراني مسافر مسافر الله لايعوق بشر حتى لو تناقشون ضده هههه
أتمنى أن تكون هذه الديوانية ذات صدى خاص في قلوبنا
وأن تكون متنفس لنا في قضاينا الخاصة
وترى عندي ملفات نجلس عليها سنة نتناقش بس كله بوقته حلو

فاصلة بيضاء ::
الموضوع طرح لنقاش قضاينا العامة لم يطرح لقضية شخصٍ بعينه

مسائكم مشع بالأنوار ومفعم بالأفراح ..

في مساء هذا اليوم شفت لافي جديد على عايلتنا ..

صرت خاله للمرة الثانية وصار فيه نظام جديد في المستشفيات

مدري أنا قديمة أو جديدة بحكم إنه من زمان ماصار عندنا مواليد ..

بعد الإختطاف الشنيع اللي يصير بالهبل في المستشفيات من الحضانة

صاروا مايدخلون أحد على المواليد تبي تشوف النونو من ورى شباك

زجاج كأنك زاير واحد مسجون بدال الحديد قزاز بجد ضحكت اليوم لين قلت بس

يعني تاخذ رقم ويزفون لك النونو ومعه كم ممرضة وتعطيك كم ابتسامة وكلاس ماما

إنت فيه شوف كويس أنا فيه رجع لقزازة ...

قبل أسبوعين انخطفت بنت باللفة من مستشفى قوى الأمن بالرياض وحده من قرايبي

كان عندها موعد وتقول جالسين باستراحة الحريم قدام الصيدلية ومعانا حرمة وياها بنت

تمشي وبنت باللفة نزلت بنتها اللي باللفة على طاولة بنفس الإستراحة وطلعت للصيدلية

بتصرف علاجها وبترجع تقول الصيدلية قدامنا مو بعيدة وبنتها اللي تمشي تطلع وترجع وكانوا

حريم كثارين متواجدات بنفس الإستراحة تقول : دخلت حرمة وأخذت النونو اللي على الطاولة

تقول ماعطيناها بال على إنها أم البنت رجعت وأخذت بنتها شويات إلا البنت الصغيرة دخلت وماشافت

أختها راحت لأمها جت الحرمة وانهبلت مالقت بنتها انخطفت بخلال ربع ساعة أو أقل تقول جلست

تصارخ وانجنت راحت قريبتي وبلغت الأمن وسكروا المنافذ كلها من الساعة عشرة الصباح لحد

سبع المغرب وماطلعوا أي أحد وفتشوا كل المستشفى ومالقوا لها أثر بجد حالات تغفل عنها الأم

ومايجي ببالها إن في هالزمن ناس مريضة بايعه دينها وتتصيّد الأطفال الأبرياء لأغراض دنيئة

وووبس دامي مشحونة بهالمواضيع قلت أسولف بها معكم ببداية دخولي ونعرّج على سوالفكم

وقضاياكم المطروحة ..

***

		المشاركة الأصلية بواسطة : اقتباس
	الصحبة اللي ما يقدرها راعيها معي ويبيعها بأبخس الأثمان ...!!! يوم أكون مع أحد طيب وكريم وما أقصر معه ولا بشيء وتدوم صحبتنا فترة وأتفاجأ بذلك الشخص يصد عني أو يتهرب مني أو يهجرني

أسمح لي ياأبو عبدالله آخذ المايك و أقول :

من لايقدر خوتي ويش ابي فيه
فرقاه عن عيني غناه وغنيمه

والصاحب الكفو السنافي ابديه
ولايضيع فيه الطيب الله يديمه

اقدر الطيّب واحشمه واخاويه
ولا التفت لهل الردا والنميمه

وشرواي راع المصلحه ما يدانيه
واللي مثل شرواه يبقى حميمه


ولا كل ماكنه على الناس اببديه
في وقت مابيض النوايا سليمه


ولو كل خاطر مجبر أني اداريه
ابلشت فكري بالعقول السقيمه...

***
من لايقدر خوتك لا تخاويـــــــه
خله ترى فرقاه تسوى وجوده

***
هـ الأبيات هذي هي ديدني مع من يرخص

طيبتي أو ووقفتي أو يتنكر لأيام مصاحبتنا

لأن من تخلت عني بدون سبب أو سمعت حكي

بالباطل عني ومشت وياه الله يسمّح دروبها

وماتستاهل إني أتحسّف على رداها لأن الطيب

مايقدّره إلا الطيبين وإذا صارت ماهي كفو

ماتلزمني ..

هلا برنسوووو ^_^

علومك عساك بخير ..


والله أني أبغا أسافر ..

تقولي له ؟

أقولك أبي أشوف ديار جديده ومناظر جميلة وناس ثقافتها وطباعها غيرنا

نوسع دائرة التثقيف والإداراك ..

إحنا هنا تقول في ( شبك ) مانعرف شيء وأخاف بعدين أظطر لسفرية خارج المملكه

ثم أصير مثل ( حمود ومحيميد ) يوم وصلوا الرياض ^_^

وانا احسدك يا برنس على السفره وراح ( أنق ) عليها حتى تسفرني معك هههه


والسفر والتعرف على الناس والأماكن من طموحاتي ومن المحببه لي ,,


ترف داخله سباق أنتي ^_^

لي عودة لهروجتس