صَباح النوُر وَالتَغريِد وَالتَقديِر (توُيتّر الشُعراءْ)

يوم جميل

بعطاء اقلامكم

وسكب نزف حبركم على ثنايا الاوراق

.

يا جميلة قصر ابوك اللي من كبار المباني=ما رحمني سوره المليان حرّاس وحصانه
ودي اقطع دربك المحفوف بأقراب وعواني=بس من يعطي لطيحة عنتر العبسي ضمانه؟
الشجاع يموت من فرط الشجاعة والتفاني=والذهين يضيع بعض أحيان من زود الذهانة !

# محمد السكران

شفت الحيا كيف ضام البوح
و بـ البوح كلن و معرفته
ما كان غيره علي مسموح
وأشر لك القلب ما شفته ،

#سليمان المانع ،،

.

أظلم أكثر وشد حيلك معاي =زيدني جرح زيدني أكثر هموم
لاتحاتي . . صرت متعّود تراي =نام ظالم و أنا . . بنام مظلوم

# قوُس !

.

مايلوي ذراع الصبر غير الأقدار = أو دعوةٍ نامت يمّتن السحابة
شيٍ نبيه و يمضي العُمر ماصار =و شيٍ يصير وماحسبنا حسابه

لشاعرتها : ن !

‏في زمانٍ كنه البـرد شبيت القصيد
قلت أبدفى و الليالي تموت ببردها

في طريقٍ كنه الموت و لحالي وحيد
قلت أبا أحيا و المنايا تبوح بسدها ،


#مساعد الرشيدي
رحمة الله عليه ،،

ياأهل الفتاوي ~ والشعر والكتابه
‏لا تبخلون ان كان لي !! عندكم حل

‏الخافق : اللي يشتكي من : غيابه
‏موت المحبه ) في ضميره ولا الذل

‏واللي تجدد في ~ خفوقي صوابه
‏ضيّق رحابة خاطري و الصدر مل

‏سوالي < اللي مالقى له > إجابه ؟
‏وشلون ينسى من فقد بالهوى خل
‏âپ§â€«#سلمان_الذيابي‬âپ©

ياشرق ليتك ما تعجلت بـ النور
ليت الزمن مادار و الطير ما طار
ليت الظلام اللي تغشى على الدور
ماشق جلبابه من الغبن و أنهار ،

لـ شاعرها : #خالد سعود الكبير ،،

.



جعل القبور اللي بها أقراب و أحباب
. . . . . . . . . . . تنهل من الفردوس صافي الزلالي !


لـ / البندري !