روحة السوق

يا ليتنــــي عن روحـة السوق خايـرت = ويا ليتــها هـي نفســها خايرتــها
ويا ليتنــي في موقفـــي مــا تسمــرت = وهي رجلها راحـت ولا سمرتهــا
ويا ليتنــي مع سجــة العــقل فكـــرت = فكــــرت في تفكيـــرةٍ فكرتهـــــا
بأسبابــــها غيب عليـــه وغامــــرت = وما أحلى مغامرةٍ معي غامرتهـــا
دخلــــــت انا في جو ثانـــي وقــــررت = أبدأ وهي نظراتـــــها قررتــــها
ما أقدر أقول اني على الوضع سيطرت = ويفرض عليه خصرها سيطرتها
وإليا نظـــرت بخــرسٍ وساع غتـــرت = ترخـي عليـــها شيلـةٍ غترتــــها
وإليا انفعـــلت وفي كلامـــي تأخـــرت = تضحك وكلمتـــها علـيّ اخرتـــها
وإليا رجعـــت وعدت علـــمي وكررت = كلماتــــــها وبلعثمــــة كررتـــــها
وأهيم إذا قالت علامـــك تغيـــرت= وليا انتبـــهت الأسئلة غيرتــــها
وليا انتهـــيت وقـــلت للبـــاب سكــــرت = تفتح مواضــــيعٍ معي سكرتـــــها
وليا اعتزيت وكم يمناي شمـــرت = بالابتسامة هقوتـــي شمرتـــها
يا ليتنــــي للـــي مضـــى ما تذكـــرت = لسنــين من عمـري وهي ذكرتـها

صح لســـــــــانك واحساسك ولاهنت اخوي هلجوس


تقبل مروري


ليمون

صح بدنك يا الغالي ولا هنت على المرور (( هاجوس ))

ياسلام ياسلام ياسلام

غيبة طويلة ورجوع قوي لشاعر مختلف ..

أبدعت هنا كل الابداع .. قصيدة تصور موقف

عابر يستوقف الزمن .. وحوار شاعر مع أدواته الشعرية ،،

ومعنى وقافية وجرس وتناغم لفظي بديع ..

صح لسانك مدد مدد ...

جدد الاعجاب ولاتقاطعنا ..

يا هلا والله يا أبو عناد

والله يحييك بعد طول الغياب

بهذه الرائعة حضرت

وبهذه الذكرى تكلمت

وهنا توقفنا وهنا تأملنا

وهنا نقول :

صح لسانك ولا هنت

صـــــــــــــــــــــــح لسانك يابو عنـــــــاد 0000 قصيده رائعه من شاعر متمكن 000 بس انتبه من رواحت السوق خخخخخخخخخ وتقبل مروري اخووووك (( الراسي))

سعود سليمان الحارثي

لا هنت يا الغالي على المرور الأكثر من رائع وهذا ليس بغريب عليك يا ابو عبد العزيز لا هنت

.......................................

السلطان

مؤسس هذا الصرح العريق لا يسعني سواء شكرك على هذا المرور الرائع اخووي واعدك
بـ تلبية طلبك ولا هنت

........................................

الراسي

ارحب ارحب ارحب يا مال العافيه هلابك منور الصفحه يا الغالي وش فيك لخبطت في الأملاء هو السوق السبب ...؟؟!

صـــــــــــــــــــــــح لــــســـــانــــك
يـــابـــــو عـــنـــــــاد
قــــصـــيــــده رائـــعـــه