قصيدة تنبئكم بــ تواصلي ...

.
.
.
.
.

يا رب أنا من دون فزعتك لا شيْ=يا رب فرّج لي كثير الهمومي
يا رب وأنت الخالق الرازق الحيْ=مالي سِواك تعينني يالرحومي
تصفقني الدنيا بهاذي وهاذيْ=وحظي ثلاث سنين عيّا يقومي
تطويني الأحلام في واقعي طيْ=وأعيش عن بعض الطموح امحرومي
تعبت في مسراي من حاجةٍ فيْ=وقلّت خُطا رجلي ، وطاحت عزومي
أزريت أعيش بواقعٍ ممتلئ غيْ=ومن القهر بغيت أشقق هدومي
أوضاع تكويني من أهوالها كيْ=وأنا معاشي ما يقضّي لزومي
أسرح ورى الأرزاق مع فجًة الضيْ=ومن قبلها عين الشقي ما تنومي
وما دام سِلم أجدادنا والعرب هيْ=في ذمتي مأترك قديم السلومي
كلٍ خذا حقه وأنا باقيٍ ليْ=شيٍ عليه طيور فكري تحومي
إن كان عمري طال في حالتي ذيْ=موتي بــ(عز) ، ولا حياة الهمومي

.
.
.
.
فواز البلاهدي الحارثي



.،,.

والله مبدع يافواز صح لسانك على هالابداع كتبت وابدعت نظمت واجزلت

اعجابي

موتي بعز ولا حياة الهمومي ..

+1

أنا معك أنطق هذا الشطر ..

يا مرحبا يا فواز وحياك الله وبياك .. قصيدة رائعة جداً من قلب مؤمن وصادق وشامخ ..

صح إلسانك مدد بلا عدد

بيض الله وجهك وصح لسانك ملايين
على هذا الابداع وهذا التواصل الرائع
بهذه القصيدة المتميزة
والله يجعلك على القوة

فواز البلاهدي

لاعدمنا هذا الحرف وهذهِ الشاعريه العظيمه


الف شُكرا ً سلمَ اللسان والبنان