ناصر الفراعنه " أين أوباما "..؟!

عن معمر كل ما قالـه ملكنـا فـي مصـر= أكدتـه احـداث بنغـازي لكـل المسلميـن
ما فعل حسني مبارك من خرابٍ فـي شهـر= حضرة العاهـل معمّـر نفّـذه فـي ليلتيـن
أين أوباما؟ وحطوا تحـت هالجملـه سطـر= انتقد حسني وعن عورة معمر غـض عيـن
ليش ينقد ذا وعن ذا ما تقـل عنـده خبـر= ايه هذا هو سؤالي ؟ وافهـوا يـا فاهميـن
نقد ذا والصمت عن ذا مسألـة فيهـا نظـر= مالها تفسير عندي غير حاجـة مـن ثنيـن
حسب منطقهم بخاطبهـم نفـر يسـأل نفـر= قرب الساحر لتحرير الحسن رأس الحسيـن
في الامر شيء غير واضح صدقوني يا بشـر= مزقوا ثوب الجهالة واقـروا التاريـخ زيـن
وهي إن أكثر زعامات الـدول هـذي صـور= خص هاللي ينعتون اسلوب بوش بالمشيـن
مثلـوا لشعوبهـم دور المسيـح المنتـظـر= اتقنوا دور البطولـه فـي عيـون العالميـن
مثل بشـار الأسـد واحمـد نجـاد وجعفـر= والأخ القائد معمـر غيـر باقـي المرجفيـن
بل أشك إن كلّ ما يلقون فـي كـلْ مؤتمـر= في انتقاد سياسة امريكا على طول السنيـن
جاء بأمرٍ من مريكا نفسهـا! وامحـق أمـر= لا تقول شلون ؟ هذي فلسفة تبغـى فطيـن
اسمها(وش لون تضمن أن وضعـك مستقـر= مع أهالـي كـل أرض تغتصبهـا باليديـن)
من أجل تقريـب فكرتهـا لكـم بالمختصـر= باعتبر نفسي أنـا المحتـل وانتـم خانعيـن
من أجل أن لا تروا من قبضتي يومـاً مفـر= أو يجي منكـم عليكـم قائـدٌ شهـم أميـن
ثم أفاجى فيه يدعوكـم إلـى الثـورة فجـر= ثم ألقى نفسي مـع الوقـت بـرا الجنتيـن
اصنع القائـد أنـا واصـوره مغـوار حـر= امركم بإيديـه وامـره فـي يـدي الاثنتيـن
كل ما ذليـت منكـم قلـت لـه للخلـف در= رح أمام جموع شعبك سبنـي فـي كلمتيـن
وبكذا اضمن ما يجيني من جهتكـم أي شـر= لاني ارضيت الغرور اللي بكم يـا ساذجيـ
لا يزال اخذ اليهودي هضبة الجـولان سـر= ما عرفنا موقعه في جملـة الإعـراب ويـن
ودي اسأل بس كيف احتلت الهضبه عصـر= كيف ما ثارت ولا طلقه واهلهـا حاضريـن
أيش؟ قال ادعم فلسطين انثبـر بـس انثبـر=ما دعمت آهلك حتى تدعـم آهالـي جنيـن
يـا لأجسـادٍ تهـاوت كهشيـم المحتضـر= بشر القاتل بالقتـل ولـو مـن بعـد حيـن
هندسة زرع الفتن بيـن القبائـل يـا غجـر= انكشف جلبابها عن وجـه شيطـانٍ لعيـن
دنت الساعـة يـا عمّـار وانشـق القمـر= البـرا مـردود والعربـون زيـن العابديـن
زمرةٍ ترقص على حمر الجثث رقصـة نـور= زمرةٍ من طاح منهـم فـي لعنـة الوالديـن
ها همُ قـد أصبحـوا أعجـاز نخـلٍ منقعـر= شعلة التغييـر توقدهـا جبـاه المخلصيـن
يا شعوبٍ أنشـزت مثـل الجـراد المنتشـر= نشوة التغيير قـد تعمـي عقـول الجاهليـن
أربعة أشيـاء لا يمكـن ولـو حـج البقـر= أن أصدقها وتكذيبي بها جـاء عـن يقيـن
أربعة أشياء لي في وضعهـا وجهـة نظـر= لإن بعض الظن زين إن كان بعض الظن شين
لا تصـدق إن إيـرانٍ وحفـنـة يـزدجـر= في خلاف مع مريكـا لـو تلاقـوا فرقتيـن
ولا تصدق إن حـزب الـلات عبّـاد الحجـر= في خلاف مع بني صهيون والخافي بـيبيـن
لا تصدق إن معمّـر غيرهـم والحـق مـر=صورة ما تختلف عـن هالثنيـن السابقيـن
وما على صهيون من بشار بن حافظ خطـر= اطقع شوي واسألوا سكنى حماة الصامديـن
لوّ منهم خوف راحوا روحـة المـلا عمـر= حركوا حلف الشمال الاطلسي فـي لحظتيـن
الهرم ماسون وصل المستوى الثالث عشـر= والعرب في قمقم الجهـل المركـب قابعيـن
هيكـلٍ فرسانـه الرهبـان شيطانـه حضـر= مسرحية خطها (آشـر) ونفذهـا (كوهيـن)
رؤيتي كوّنتها بسمـي وانـا شاعـر مضـر= من بعد كم عام في تحليـل واقعنـا الحزيـن
يمكـر الأعـداء فـي تفتييـت أمتنـا مكـر=ويمكـر اللهُ بهـم واللهُ خـيـر الماكـريـن

صح لساآآآآآآآآآن ناصر الفراعنه



وتسلم يدينك يامعزوفه ع النقل الجمييييييييييل



تحياتي لك

		المشاركة الأصلية بواسطة : بحر القوافي اقتباس
	صح لساآآآآآآآآآن ناصر الفراعنه وتسلم يدينك يامعزوفه ع النقل الجمييييييييييل تحياتي لك

هلا بك اخوي بحر القوافي اسعدني
تواجدك
كل الشكر واكثر

صح لسان ابوفارس

وقصيده جزله من راس جزل

الله يعطيك العافيه على الطرح وماقصرتي

شاعر كبير ومتميز
ويستحق المتابعة والاهتمام
ألف شكر لك يا معزوفة
وصح لسان الشاعر ناصر الفراعنة

صح الله لسان الشاعر ناصر الفراعنه
ولاهنتي يا معزوفه ابداااااااع
هذي القصيده اقدر اسميها كشف الستار<<< هذا رأيي
وننتظر جديدك يا معزوفه

صح لسان شاعرها

وسلمت يد ناقلها

صح السان شاعرها وسلمت يد
نقلها يعطيك العافيه يامعزوفة

صح لسان ناصر الفراعنه
ولاهنتي على النقل يا معزووفه
><
تحياتي

آعجبتني حيييييل ..
وصح لسان الشاعر .. وسلمت أنآملك غاليتي ..

مميزة ورآئعة دآئما حتى في إنتقائتكـ ..