فكي لثام الصمت

شقي لثام الصمت خلي شفة الكلمة تبين=وشدي جناح السالفة وارقي بنا فوق السحاب
فكي غموضك سولفي واروي عطش عين ٍ لعين=لا تذبحين بداخلي شوق اللقاء عقب الغياب
يوم التقت عيني بعينك طالبك لا ترمشين=نويت أغوص البحر الأسود واكشف أسرار العذاب
ودي أكون المبتعث خلف الهدب والحاجبين=ادرس معالم رغبتك .. وارفض نظام (الانتساب)
يمكن بقلبك شي يمكنك بعد تتعذبين=إلى متى نسكت وكلن في نظر عينه عتاب
احكي وقولي واسمعك.. وان قلت لا.. لازم تسمعين=لاصرت قدامك ســؤال .. كوني معي كل الجواب
فيني سؤال ٍ عالق ٍ بالفكر محبوس وسجين=وش فرق ؟ وش وجه الشبه؟ بين السحابة والضباب
ياهوووووووه ضيعت القرارأنتي وهم ولا يقين ؟=يا بنت أنا وش صابني ـ " حبي خطأ وإلا صواب "
تعبت وسكوتك غدا لغز ٍ توارثه السنين=كل ما انفتح بالحل باب " بالحل ينصك ألف باب "
ياللي بقلبي لك نهر لو من حنانه تشربين=ما تشبعين من السوالف .. والثريا ما تغاب
ملكتي أسباب السعادة خوذي القلب الحزين=وارميه باحظانك عسى عمر الندامة للذهاب
فكي لثام الصمت والخافي بحيل الله يبين=لا تسكتين العمر يمضي والثمن زهرة شباب

عسى عمر الندامه لذهاب \\\\\\\ احساس راقي ومفهوم ارقى والي الامام ياغالي

صح لسانكــ أخوي عايــ 2006 ـــد

قصيده رائعه وجميله

عايد...قصيدة ممتازه ..لاهنت يالذيب

صح لسانك أخوي عايد

وبيض الله وجهك يا شاعرنا القادم بقوة

إبداع النظم زتطويع الحرف

ننتظر جديدك فلا تتأخر علينا

		المشاركة الأصلية بواسطة : اقتباس
	ملكتي أسبـاب السعـادة خـوذي القلـب الحزيـن=وارميه باحظانـك عسـى عمـر الندامـة للذهـاب فكـي لثـام الصمـت والخافـي بحيـل الله يبيـن=لا تسكتين العمر يمضـي والثمـن زهـرة شبـاب

الله يسلمك عايد ..
..

صح لسانك ولاهنت ياعايد مبدع دايم

صح لسانكــ أخوي عايــ 2006 ـــد

قصيده رائعه وجميله

يـوم التقـت عينـي بعينـك طالبـك لا ترمشيـن=
ودي أكـون المبتعـث خلـف الهـدب والحاجبيـن=

صح لسانك اخوي عايد
واعادك الله الينا بالقصايد والاشعار
قصيده رائعه لان فيها وصف
وانا من اللي يحبون الوصف والخيال في الشعر

السلام عليكم

قصيدة لثام الصمت تم وضعها في هذا المنتدى من قبل الاخ عايد ولم ينوه انها منقول
وجميع الردود على هذه القصيدة اتت على انها له ؟؟؟؟؟


لو انه كتب انها منقول لعذرته بل لشكرته !!

اسألوا الشاعر الحميدي الحربي لمن هذه القصيدة ومتى نشرها في جريدة الجزيره

اسألوا الشاعر راشد بن جعيثن لمن هذه القصيدة ومتى نشرت في مجلة اليمامة

او على الاقل ابحثوا عنها في اليوتيوب .


https://youtu.be/bLvtIaGKhz8


فقط احببت التنويه

حمود بن عيسى التميمي