اقول خدمة ولا هي سالفة خدمة

قصيدة للشاعر / ناصر الفراعنة اتمنى ان تنال اعجابكم

أدم الحشا يا عشيـر الغانميـن ادمـه =وصبي علي الشقا يا راويـه صبـي
لا شفت انا زين غيرك قلت : يا قدمه =ولا شفت زينك صرخت وقلت يا ربي
في ذمتي مـا تنـوخ نزوتـي كدمـه =لو كان مِن دل سلمى ما حرش ضبي
يا شبه وضحا مع البـدوان منعدمـه =في دربها مخلب العشاق يلعـب بـي
اقول : خدمه؟. ولا هي سالفة خدمـه =هِبي علـي وان تغيّـر نوّهـم هَبـي
بيت الشرف لوّ ما تلبـس ولا هِدمَـه =بأسود شعرها عريّ الجسـم متغبّـي
أشكالها في قصـور الملـك منعدمـه =إلا الذي في عدن حطـه لنـا ربـي
منها بروحي جيوش البيـن مرتدمـه =وفي القلب منها الهموم تطوف وتلبّـي
بي صدمةٍ فيك الا يا كبرهـا صدمـه =منها معاد اقـدر اسـرّب ولا اسبّـي
بيـوت الا بيـوت العـزّ منهـدمـه =لو في حسن دورها تلّ الهـوى لبـي
لو دونها السـود مرتدمـه ومحتدمـه =الله جعل بين ايـادي مكرهـا طبـي
ما عاد عنهـا نحانـي واحـدٍ فدمـه =لا ارضى بسبّه ولا هوراضيٍ سبّـي
لو نفسه من السوايـا السـود منّدمـه =هو واللي اغووه ما جوا في وسط عبي
يا قوم لو كان فيه مـن الوفـا أدمـه =يقصر عن مجاكر الاجواد في خبّـي

بيض الله وجهك يا أبو عايض على هذا النقل الطيب

للشاعر الكبير ناصر الفراعنة

والذي لا زال يثار حول شعره الكثير من الجدل

بين مؤيد ومعارض لطريقته التي يقول بها الشعر

تسلم يديك يا أبو عايض

وأتمنى يكون تواجدك أقوى وأكثر

مشكور على النقل الروعه

دمت بود

مشكور اخوي على النقل وصح

لسان الشاعر

اختيار مميز جداً

ابو عبدالله وجهك ابيض ومشكور على حضورك

بسمة شكراً على الحضور الجميل

تحياتي

اخى عبدالله الشدادي اشكرك على تواصلك الدائم

دمت في احسن حال