قلبي ترى ماهوب جلسات شله

اتمنى ان ترتقي لذئقتكم
.
.

البارحه يوم العرب مستريحين=اعقد شريط الياس وارجع واحله
سهران طول الليل بين الشياطين=والفكر لامن زاغ يرجع محله
شلت المصايب واحتملت الملايين=وسكت لين الوضع جاء فيه خله
ماني قصير يد طبعي حمر عين=ساطي وعرش الغطرسه مستحله
ربعي بني حجري رجال شجيعين=عدوهم عايش بغبن ومذله
ربعٍ حشام وفي المواقيف قاسين=وصلوا طريقٍ محدٍ قد وصله
لكن بكب العلم واستد بامرين=بقول شي ماحصل فيه زله
اهموم قلبي صايراتٍ ملايين=والقلب تالي الوقت جاء فيه غله
حتى الحبيب اللي سكن داخل العين=واخذ الغلا والحب ياناس كله
قام يتحداني بكلمه وحرفين=وسيف المعاند قدم وجهي يسله
بنتٍ لفتني بعد ماراح ثنتين=ثم ملكت قلبي بدقه وجله
من بعد ماسميتها قمه الزين=وثبت علمي لجلها بالادله
حطت وسط قلبي سهوم وسكاكين=وراحت وقرن الراس قدمي تفله
تضحك وتتمخطر وانا بين نارين=واللي حصلي محد قبلي حصل له
لكن يابنت الرجال العزيزين=دربك تدلينه ودربي بدله
ان كان قصدك في قليبي تسلين=قلبي ترى ماهوب جلسات شله
وان كان قصدك تحرقين الشرايين=فا ابشرك طبعي على كل مله
قلبي صدوق ولا يجي يمه الشين=وافي مع اللي قال انا صرت خله
كم مرهٍ حنا مع الخط سارين=كله لجل ذيك الرموش المظله
اتعبت نفسي والعرب مستريحين=اعقد شريط الياس وارجع واحله
والحين انا بعطيك علم وبراهين=من بعد ماصار الك في القلب حله
ان كان جيتي والله انك تمونين=وكان رحتي عيد دربه يدله

.
.
تحياتي للجميع

اخوكم الغربي .. عيد الشدادي

ما زلنا ننتظر يالغربي فلا تطيل علينا

صح لسانك يالغربي تقبل مروري
تحياتي ,,,

		المشاركة الأصلية بواسطة : البرنس اقتباس
	ما زلنا ننتظر يالغربي فلا تطيل علينا

مشكور على مرورك

المميز يالبرنس

تحياتي لك الغربي

صح لسانك على هالرااائعه

كل الود

		المشاركة الأصلية بواسطة : أبن مهرس 911 اقتباس
	صح لسانك يالغربي تقبل مروري تحياتي ,,,

صح بدنك

ولاهنت على مرورك

تحياتي لك الغربي

لا هنت يا الغربي وصح لسانك

شاعر كبير ومبدع وتستاهل كل خير

صح إلسانك يابعدي

وبيض الله وجهك

صح لسانك يا ابن حجري

ولا هنت

اخوي الغربي

لاهنت وبيض الله وجهك