قصيدة الأسبوع (1)

السلام عليكم ورحمة الله وبركاتة

ابداع الشعراء يزخر كالمطر
وابداع شعراء منتدانا لا ينتهي عند حد

ففي كل اسبوع سيتم اختيار قصيده من اجمل القصايد في 7 أيام

تحفيز لروية قصائد متنوعه في شتى اغراض الشعر

وآيضآ لحصول اجمل تنافس

هذي القصيدة اختيرت اجمل القصايد لهذا الأسبوع

حسب روؤية مشرفين الأقسام الشعبية

(1)

قصيدة الشاعر سعد الروقي اطهر وطن

http://www.shdadeen.com/vbq/showthread.php?t=42837

[flash=http://up.shdadeen2.com/upimg/shdadeen12577035941.swf]WIDTH=500 HEIGHT=300[/flash]

جينا نتفاخر فيك يادار الإيمان=يامنبع التوحيد ومهد الرساله
بأرضك خلق رب السما أشرف إنسان=وأنزل عليه الوحي بإحدى جباله
أنزل عليه إقرأ تبارك ولقمان=كلام رب الكون جل جلاله
نزَل عليه الحق كلَه بقرآن=دلَه طريق الخير زال الظلاله
يادارنا بأرضك رفع أول أذان=الله أكبر ولا إله بداله
رب الخلايق كلها عالي الشان=سبحان رب الكون مبدع جماله
يادارنا منك طلع خير الاديان=دينٍ رضاه الله يمحى الجهاله
بأرضك نمى الإسلام يادارنا وبان=أنار كل الكون والظلم زاله
ومنك سمع صوتٍ يدوي بالأذان=يقول حجُوا لربكم يوم قاله
وفيك بيت الله شاهد للأعيان=قبله لمن أسلم يحظَه إقباله
والمصطفى له مسجدٍ بأطهر أوطان=مسجد رسول الله شوفه إدلاله
هذا البلد للحق عنوان عنوان=مكه وطيبه هي بلاد العداله
مرت عليه دهور وعصور وأزمان=شامخ بفضل الله دوم إيحماله
وأراد رب الكون يظهر كحيلان=عبدالعزيز اللي وفا يوم جاله
خلى القبايل كلها ربع وإخوان=شرق وجنوب المملكة مع شماله
يالله إنك تدخله خلَد إجنان=جعله مع محمد وصحبه وآله
ومن بعده عياله حكَام شجعان=كلٍ عطت يمناه بحكمٍ مضاله
سعود وفيصل مجدٍ يبقى بالأذهان=وخالد كسب للخير وفهد الدَخاله
إزبنوه شعبٍ كامل صغار وأعيان=وفتح لهم داره وكسب الجماله
رجَع لهم قصرٍ يسمى بدسمان=وفالهم بالفعل راعِ الشكاله
ياما دفع من دونهم ذرب الايمان=عشر إسنواتٍ يدفعه من حلاله
لو جيبت أفعاله بتوزن بميزان=مافيه ميزانٍ في هالكون شاله
نهار موته صابنا هم وأحزان=كلٍ بكى هالفهد كلٍ دعاله
وأطهر وطن ذا اليوم قاده بليهان=خادم بيوت الله قال إوَفاله
خلى الحرم واسع مساحات ميدان=خلاه ياسع كل حاجٍ لفاله
حرٍ وفي لأمته دوم سهران=مافيه همٍ زاد إلاَ وزاله
ياما بذل لإصلاح اوضاع لبنان=وفصايلٍ بالقدس زاد إقتتاله
ولشعب دجله قال خلوكم أعوان=هذا أخوك ولايجوز إغتياله
ياما تبرع بإسمنا دوم بأطنان=حب الوفا والخير أعظم خصاله
يجود لعياله في كل بلدان=هذا تبرع له وهذا عطاله
مافيه مثله حاكمٍ وين ماكان=اُقسم قسم بالله انه لحاله
هذا ملكنا الحر مافيه نقصان=كامل مكمل زايدٍ في كماله
هذا ملكنا الحر هتَان هتَان=مثل السحاب اللي كثير إنهماله
مثل السيول الجاريه وسط وديان=نشرب قراحٍ صافيٍ من زلاله
هذا ملكنا الحر لاهان لاهان=الله يعزه في طريقٍ مشاله
هذا ملكنا الحر شيهان شيهان=ابون لكل الشعب وحنا إعياله
قولوا لعدوا العود خسران خسران=ماهوب ويَا الخير لامن نواله
عدوا ابو متعب يبشَر باللأكفان=يبشَر بمن يدفنه بالهياله
ولاينَسي سلطان سلطان سلطان=ولي عهد المملكة طاب فاله
محبوب بين الشعب ويجيك برهان=سمَوه راعِ الخير راعِ الشكاله
حكَامنا آل إسعود بالعون فرسان=مامثلهم بالكون ياطا إرماله
حب الوطن بقلوبنا ماله اثمان=أٌقسم برب البيت مابه مثاله
نفدي الوطن بأرواحنا وكل ماكان=كلٍ يسوق الروح قدَام ماله
ناقف جميع ولاحسبنا لعدوان=نحمي سماه ونحتميها جباله
أطهر وطن ونقولها بفم مليان=أطهر وطن بالكون حتَى زواله
بلسان كل الشعب سطَرت قيفان=في حب دار المصطفى والأصاله

صح لسانك يا سعد الروقي
قصيد جزل وتستحق ممكلتنا


قصيدة الأسبوع
خطوة سباقة ومتميزة
وفيها تحفيز كبير لشعراء منتدانا


عساكم على القوة يا أخواني


عندي إقتراح بسيط
وهو أن مشرفي القسم يختارون لنا 3 قصائد أو أكثر
ويكون التصويت عليها من قِبل الأعضاء

تحيتي

رعد

اشكرك على أختيار القصيده ورفعها لنا والله مكان عندي خلفيه عن هذا الموضوع ولم

أعلم هي تؤخذ من البدع او النقل وتشكر على جدك وأجتهادك وفقك الله

صح لسانك ياسعد الروقي
وبيّض الله وجهك وعسى عمرك طويل
فكرة رآئعة يارعد
وسلمت يمناك ولا عدمناك
دمت بخير ,,,

فكرة جميلة ورائعة منك أخوي رعد وتبعث على التنافس

الشريف وإثراء القسم الشعبي ويستاهل شاعرنا لهذا

الأسبوع بقصيدته الوطنية الرائعة ..

وعساكم على القوة ..

خطوه موفقه

والقصيده تستحق وصح لسان شاعرها

ولاهنت يارعد على الموضوع

فكرة رائعة وتحفز الشعراء للتألق والتميز ومشكور يارعد.
وصح لسان سعد الروقي على هذه القصيدة الشامخة
والوطن يستحق

حياك الله يا مشرفنا رعد الجبوب
ويا هلا بك معنا من جديد بهذه الفكرة الطيبة
ويستاهل شاعرنا أبو سلطان كل علمٍ غانم
وإن شاء الله نشوف هذا الموضوع يتجدد كل أسبوع

ماشاء الله فكرة حلوة وجديد في جديد

الشعر قمة على القمة ماشاء الله
مدري ليه خنقتني العبرة وانا اقراااه

الله لا يغير علينا في وطنا وحكامنا وأهل الوطن

........
يعطيك ألف عافية شاعر الأسبوع والمشرفين

صح لسان شاعرها..



موضوع جميل يا رعد الحبوب..





دمت