قصيده في الأبل للشاعر بسيس ابن حديد

قلبي اليا دقت عليه الهواجيس=مر مع العالم ومر لحاله
والنجر ماعاد اسمعه والمحاميس=واشوف بعض الناس بيع دلاله
خلا العوض ثلاجة مالها قيس=حاله على اهل الكيف ياوي حاله
هذا زمان بذ ابن علي وبسيس=رما بهم بين الرشا والمحاله
رما بهم واخذ عليهم مراويس=وش هالزمان اللي سريع ارتحاله
تكفى ياخو تركي بعيد المراميس=محماس ابن سودان عطه الرساله
وقله كفاه الله شر النواحيس=وتراه عني نايب بالوكاله
البل عطايا الله طوال النسانيس=حليبها احلى من حليب البقاله
خلف اليا جن والشمايل معابيس=محلا حليب الخلفه ام الشماله
لاجن يبن امراحهن مشاميس=تبا المراح وحظ منهي حلاله
لاشافها الغافل تعوذ من ابليس=ازمالة ياحيها من زماله
حليبها ماهو حليب القراطيس=ماله طعم مثل الشعير النخاله
نعمه وسميته حليب الدنافيس=يكفيك شرابه اليا شفت حاله
هذا لبن علبه وهذا لبن كيس=ولازل تاريخه نطل في الزباله
ادعو لبو فواز بالرحمه وانا ماراح ابخل عليكم بقصايده المفيده ولكم تحياتي واحترامي

صح لسان الشاعر الكبير بسيس بن حديد

رحمة الله عليه

وبيض الله وجهك على النقل المميز

السلام عليكم ورحمة الله وبركاته


ما أحلاها من عطايا


الله يرحم الشاعر عرف عن أيش يقصد

وتسلم اخوي على نقلها

صح للسان الشاعر شكرا لك

أنتقائك القصيدة الجزلة

تحياتي لك

بيض الله وجهك أخوي الغالي
ولا هنت على التواصل معنا بكل جديد
لشاعرنا أبو فواز الله يرحمه
ونتمنى لك التوفيق والسداد

أنحش جيتك

الله عليك يالذئب والله أنك جزل وتحب الجزاله

قصيده عصماء يرجى أن ترسل لجميع القنوات المهتمه بالموروث

الشعبي وصح لسان الشاعر بسيس الله يرحمه

وشكراً لك الله يكثر من أمثالك في جزر قيا وقبيله الشدادين خاصه

وبني الحارث عامه أنت قائد وهيمنت بتلك القصايد زادك

الله قوه في الجسم والعقل. أرق التحايا من شخصي لشخصكم الغالي

مشكووووووووووووور بيض الله وجهك يالذيب والله ماقصرت
قصائد تنقش بالذهب
ارق واعذب التحايا
من
طلال الشدادي

كل واحد فيكم علق على القصيده يستاهل حبة خشم
هذا اندل على شي فهو يدل على ذوقكم الرفيع تحياتي لكم

رحمة الله على الشاعر الكبير
بسيس بن حديد
ابو فواز
شاعر ولا يحتاج له اشاده
انحش جيتك
شكراً على جهودك الرائعه لنقل قصائد هذا الشاعر العلم لهذا المنتدى
العريق وتقبل فائق تحياتي وتقديري

ابيااات .. ومعااااني
في قمة الروووعـَة

صح اللسان الشاعر
وسلمت يمينك
دام هذا الحضور الرااقي