ّّالـفـكـسار ... !!!

صباح الخير صباحا ومساء الخير من بعد الظهر

قصيدة مع ان كتابتي لها قديمه من ايام سوبر استار ومحمد الخلاوي لكن طلبها الأخ ( سهم المنايا ) مع اني ماعرفته بس ان شاءالله بنعرفه ومانقدر نرفض له طلب خاف عنده علوم غيرها

اعدكم بالجديد في اقرب وقت واعتذر عن الغياب . واتمنى تعجبكم القصيدة لو اني بطول عليكم

القصيدة موجهه للاخ العزيز الامير / نايف بن برجس بن عصّاي العتيبي

بسب موقف اخوي مشرف من الأخ نايف معي و حاول ( 2 نفر ) يقطعون علاقتنا يمكن حسد وعز الله ان رفيق نايف محسود

رجل ونعم مثلكم وشرواكم . لكن الحمدلله .

ياراكب اللي لا سرى كنه الداب=جيبٍ جديد وللمسافات طاوي
عليه وسم الشرق حلقه ومشعاب=فكسار لا من قيل فيد وغناوي
وصفه متاهه للموصف ومنشاب=هو وش يقول اللي للأوصاف راوي
من دونه الإدراك والفكر مرتاب=يغويك لو ما انت بعن الدرب غاوي
تقول صدامه شنابات حبّاب=وتقول لمباته عيون النداوي
وتقول شبكه رشرشٍ بالذهب ذاب=وتقول تمثاله من العاج راوي
حتى إشاراته تقل غمزة اهداب=سميره التوفيق والرمش كاوي
ما كن وجهه غير ذيبٍ بمرقاب=يقنب بصوته في دجى الليل عاوي
له هيبة الشايب وله نِظْرة الشاب=ما يسكن الا الشوف واقصى العراوي
وليا اشتغل كنه يغني للأحباب=ماني على فرقاك يا شوق ناوي
وليا فتحت الباب من ريح الأطياب=مخزن مكاسر عود هندي وجاوي
مراتبه والسقف وأرضه والأبواب=والقير والشاشات عالم فضاوي
وإن دق بوري ماهو إبّيبٍ وباب=كنه يجر الصوت عيسى الحساوي
يوقعك في فخ الهواجس والأعجاب=منوه ومن دونه جميع المناوي
وليا برك بين المواتر له إحساب=يطغى حضوره مال غيره جداوي
كنه إبعيرٍ زوره إتقول محراب=إمن الظهر للمنكبين إمتساوي
يدني بعيد الدار لديار الأصحاب=وليا سرى والليل ممسي وضاوي
طلقة إكلاشنكوف من نوع شبّاب=كنه إشهاب في السماء له سناوي
كنه على القاع العتش غرو لعّّاب=قام إيتهيزع للطرب والغناوي
من قال عادي قلت كذاب كذاب=لاوالله الا من كبار البلاوي
لو إن الأمر امري لصدّر به إخطاب=مرسوم ومصدّق من أهل الفتاوي
يحرم على اهل الشرت والجنز والكاب=واللي ( ما يْحْضِِر) شاهدين وزكاوي
يسري به المندوب مكفي الأتعاب=لا سجو اصحاب السهر في القهاوي
ناسٍ جداها سوبر إستار وش جاب=وفستار أكاديمي ترشّح خلاوي
براد شاهي وشيشه وشذب غيّاب =في مجلسٍ ما يرّّث الا المساوي
قم يا نديبي وصّل العلم بكتاب=لا خابت إضنون الرجا في السعاوي
ملفاك اخو ساره ذرى عكف الأشناب=نايف ولد برجس رفيق العلاوي
معرّبٍ من روس عربين الأنساب=اهل الوفا والطيب زبن الجلاوي
عز الرفيق وستر تلعات الأرقاب=لاصار في الأحوال ملوي ولاوي
وإن هب من همي على حالي إهباب=عقب الولي مالي بغيره عزاوي
راسِِِ يروس الروس ويحل الأصعاب=لا كذبت بندق قصير الحراوي
إمحشم الظيفان عن طقة الباب=دسم الصحن يمنى الكريم السخاوي
وقله يا إبن برجس ترى الراس لو شاب=ما شاب حبي لك ولا له نهاوي
يا كم نصيتك عقب ما ضاقت إرحاب=موتي وراي وقِدمي ازرق سماوي
وغمرتني إبما لذ من جودك وطاب = وأقفيت من شطحة إهجوسي سلاوي
يا صاحبي لا جوك بالهرج الأعراب=وقالوا يقول إمكبرين الدعاوي
دع بينك وما بينهم ستر وإحجاب=وإرفع مقامي يا بعيد الهقاوي
يا مسندي هز البلد صوت الإرهاب=وانت الذي في صاحبه ما يراوي
إرفع لي البيرق على عالي إهضاب=وبشّر إحجاجك بالسعد والرضاوي
وتم الكلام وكل شئٍ له اسباب=يا سيّد الموقف وفصل الدعاوي

وسلامتك

اخوكم بدوي

عساك سالم وغانم
وصح لسانك يابن العم
جزلة ولا يجيبها ألا جزل شرواك أنت ومن يسمع

مشكور وانا اخوك
على تلبيت طلبي وان دل هذا على طيب اصلك

والقصيده سمعته من السانك مره

ويوم دريت انك معنا في المنتدى

ذكرة القصيده

تحياتي لك

كنه على القـاع العتـش غـرو لعّّـاب
قـام إيتهيـزع للـطـرب والغـنـاوي



صح لسانك يا ابدوي فاهم



عزالله انها جزله بمعنى الكلمة



دمت و دام تألقك و













لك مووودتي

صح لسانك قصيده
رائعه اشكرك عليها

ياراكب اللي لا سرى كنه الداب=جيبٍ جديد وللمسافات طاوي
عليه وسم الشرق حلقه ومشعاب=فكسار لا من قيل فيد وغناوي
وصفه متاهه للموصف ومنشاب=هو وش يقول اللي للأوصاف راوي
من دونه الإدراك والفكر مرتاب=يغويك لو ما انت بعن الدرب غاوي
تقول صدامه شنابات حبّاب=وتقول لمباته عيون النداوي
وتقول شبكه رشرشٍ بالذهب ذاب=وتقول تمثاله من العاج راوي
حتى إشاراته تقل غمزة اهداب=سميره التوفيق والرمش كاوي
ما كن وجهه غير ذيبٍ بمرقاب=يقنب بصوته في دجى الليل عاوي
له هيبة الشايب وله نِظْرة الشاب=ما يسكن الا الشوف واقصى العراوي
وليا اشتغل كنه يغني للأحباب=ماني على فرقاك يا شوق ناوي
وليا فتحت الباب من ريح الأطياب=مخزن مكاسر عود هندي وجاوي
مراتبه والسقف وأرضه والأبواب=والقير والشاشات عالم فضاوي
وإن دق بوري ماهو إبّيبٍ وباب=كنه يجر الصوت عيسى الحساوي
يوقعك في فخ الهواجس والأعجاب=منوه ومن دونه جميع المناوي
وليا برك بين المواتر له إحساب=يطغى حضوره مال غيره جداوي
كنه إبعيرٍ زوره إتقول محراب=إمن الظهر للمنكبين إمتساوي
يدني بعيد الدار لديار الأصحاب=وليا سرى والليل ممسي وضاوي
طلقة إكلاشنكوف من نوع شبّاب=كنه إشهاب في السماء له سناوي
كنه على القاع العتش غرو لعّّاب=قام إيتهيزع للطرب والغناوي
من قال عادي قلت كذاب كذاب=لاوالله الا من كبار البلاوي
لو إن الأمر امري لصدّر به إخطاب=مرسوم ومصدّق من أهل الفتاوي
يحرم على اهل الشرت والجنز والكاب=واللي ( ما يْحْضِِر) شاهدين وزكاوي
يسري به المندوب مكفي الأتعاب=لا سجو اصحاب السهر في القهاوي
ناسٍ جداها سوبر إستار وش جاب=وفستار أكاديمي ترشّح خلاوي
براد شاهي وشيشه وشذب غيّاب =في مجلسٍ ما يرّّث الا المساوي
قم يا نديبي وصّل العلم بكتاب=لا خابت إضنون الرجا في السعاوي
ملفاك اخو ساره ذرى عكف الأشناب=نايف ولد برجس رفيق العلاوي
معرّبٍ من روس عربين الأنساب=اهل الوفا والطيب زبن الجلاوي
عز الرفيق وستر تلعات الأرقاب=لاصار في الأحوال ملوي ولاوي
وإن هب من همي على حالي إهباب=عقب الولي مالي بغيره عزاوي
راسِِِ يروس الروس ويحل الأصعاب=لا كذبت بندق قصير الحراوي
إمحشم الظيفان عن طقة الباب=دسم الصحن يمنى الكريم السخاوي
وقله يا إبن برجس ترى الراس لو شاب=ما شاب حبي لك ولا له نهاوي
يا كم نصيتك عقب ما ضاقت إرحاب=موتي وراي وقِدمي ازرق سماوي
وغمرتني إبما لذ من جودك وطاب = وأقفيت من شطحة إهجوسي سلاوي
يا صاحبي لا جوك بالهرج الأعراب=وقالوا يقول إمكبرين الدعاوي
دع بينك وما بينهم ستر وإحجاب=وإرفع مقامي يا بعيد الهقاوي
يا مسندي هز البلد صوت الإرهاب=وانت الذي في صاحبه ما يراوي
إرفع لي البيرق على عالي إهضاب=وبشّر إحجاجك بالسعد والرضاوي
وتم الكلام وكل شئٍ له اسباب=يا سيّد الموقف وفصل الدعاوي

بأختصار شديد
والله أنها من أروع
القصائد..
ياسلام ياسلام ..
وش اقتبس منها وش أخلي
معلقه... وكفى !!
طيب ليه محفيها عن هالمده؟؟
المهم صح لسانك ملياررر

صح لسانك وبيض الله وجهك
مدري وش اقول لكن انت شاعر فذ قصيدك دائما محبوك
القصيده قمه في الابداع
تقبل تحياتي ،،،،

بيض الله وجهك يا أبو فيصل على هذه القصيدة

في الفي إكس آر وعز الله أنه موتر ورجال على قولة واحد من الشيبان

أحسنت الوصف بشكل جميل جداً ولائق بشاعر كبير مثلك

وننتظر إن شاء الله قصيدة جديدة في جيب البي إم

ماشاء الله تبارك الله

صح لسانك ياسلطان وبيض الله وجهك قصيدة

جزله من راس جزل

لاهنت يالذيب

		المشاركة الأصلية بواسطة : ابن مهرس اقتباس
	عساك سالم وغانم وصح لسانك يابن العم جزلة ولا يجيبها ألا جزل شرواك أنت ومن يسمع

وانت سالم وغانم يا بن مهرس

شرفتني الله يشرف مقدارك