31 Jul 2012, 08:04 PM | [ 11 ] | ||||||||
شاعر
|
رد: مداهيل الحرف
ارحب يابن مهرس مملكة عامرة بجمال حرفك وجزالته وعساها شاهده لك ليس عليك متابع بلا شك تحيتي لك |
||||||||
|
|||||||||
31 Jul 2012, 08:06 PM | [ 12 ] | |||||||||||||||||||||||||||
شاعر
|
رد: مداهيل الحرف
ومتابعة اللي مثلك وشرواك تشرفني طال عمرك وشكراً على المرور |
|||||||||||||||||||||||||||
31 Jul 2012, 08:08 PM | [ 13 ] | |||||||||||||||||||||||||||
شاعر
|
رد: مداهيل الحرف
وتشرفني متابعتك يابن العم والله لا يهينك |
|||||||||||||||||||||||||||
31 Jul 2012, 08:13 PM | [ 14 ] | |||||||
شاعر
|
رد: مداهيل الحرف
يا عزتي للي تولع بالأجناب= ياعنك ما في حب الأجناب خيره
يا قلب ما تقنع ترى خاطري طاب= عرضتني عوج الدروب العسيره أنا من اعراب ٍ وخلي من اعراب=غريب وابغى لي غريب ٍ بديره عزالله اني طحت في حبل الانشاب= ولا لي على الأجناب درب وبصيره لا عاني ٍ يلزم ولا جيرة أطناب= وش ولع القلب الشقي في منيره وإن جيت ارود صويحبي ضاف الاهداب= صاروا بني عمه لعيني نحيره يا قلب لا تجهل وكب التعذاب=مالك ومال امبيحات السريره ولا في هوى الاجناب ياكود الاتعاب= وأنا تعبت ولا حصل لي بريره |
|||||||
التعديل الأخير تم بواسطة خيال الشدادين ; 04 Aug 2012 الساعة 04:37 AM
|
||||||||
31 Jul 2012, 08:16 PM | [ 15 ] | |||||||
شاعر
|
رد: مداهيل الحرف
أنا كنت احسب إن الهوى تسليه ومزوح= واثاريه سم ٍ يذبح الرجل ويعوقه
يخلي الرزين يخف ويشكي خلاج الروح=ولا يذبح العاشق سوى بعد معشوقه |
|||||||
التعديل الأخير تم بواسطة خيال الشدادين ; 04 Aug 2012 الساعة 01:10 PM
|
||||||||
31 Jul 2012, 08:19 PM | [ 16 ] | |||||||
شاعر
|
رد: مداهيل الحرف
البندق اللي في المرامي ما تصيب=ياعنك يا نقالها ماله عقل
مثل الذي قام ايتعزوى بالقريب= لكن ظنه في قريبه ما حصل أحسن له يلاحي الذيابه بالقنيب= لا صار ماله لا شداد ولا جمل واللي يبا من طافي النيران طيب=والله ليبطي جرح قلبه ما اندمل |
|||||||
التعديل الأخير تم بواسطة خيال الشدادين ; 04 Aug 2012 الساعة 01:11 PM
|
||||||||
31 Jul 2012, 08:25 PM | [ 17 ] | |||||||
شاعر
|
رد: مداهيل الحرف
أنا يوم أسج الرجل وابدي الرجوم اعصير= بلاي الهموم اللي بصدري يلجني
تفرق همومي لا بديت الحجاء يا منير= وقعدت اتسلا بالتماثيل واغني وأنا لا نشدني واحد ٍ قلت حالي بخير= وأنا والله إن هموم الأيام يبرني لكني على ضيم الدهر مثل ضلع النير= صبور ٍ وضعف النفس ماهوب لي فني وأنا ارجي ولي العرش ما قد رجيت الغير=عزيز الجلال وفيه ما يختلف ظني والا يالله إني طالبك يا مقل الطير= تغفر الذنوب اللي عليه وأعف عني ومن هول ميقاف الحشر جيرني يا مجير= وفي جنة الفردوس يالله تدخلني |
|||||||
التعديل الأخير تم بواسطة خيال الشدادين ; 04 Aug 2012 الساعة 01:13 PM
|
||||||||
31 Jul 2012, 08:35 PM | [ 18 ] | |||||||
شاعر
|
رد: مداهيل الحرف
أنا يا هلي والله ما عادني ببخير =ولا جيت ابا اصبر زايد الصبر ما اطيقه
حداني الزمان وعزر الوقت بي تعزير =وعزي لقلب ٍ يابسات ٍ معاليقه ولا لي جدا غير ابدي الرجم وقت عصير =وألاحي حمام الورق وألعب طواريقه تحدتني الأيام واسرف بي التفكير=وأكن الحزن واخفيه داخل صناديقه ولا ناموا السالين كني بحامي الكير =واسامر نجوم ٍ في السماء دايم امويقه ويا تل قلبي تل دلو ٍ من اقصى البير = يتله غلام ٍ مونس ٍ بالصدر ضيقه على صاحب ٍ حبه بوسط العروق ايسير = أبو لبة ٍ مثل القمر في تباريقه والا يا حلي اللي ليا اوحى الحساس ايذير =عنود المها اللي راتع ٍ في زماليقه احبه ومن حبه غدا لآهله تقدير = ومن اجله حشمنا كل نجد ومخاليقه اباه ويباني مار جاء في الوصل تكدير = وكل ٍ حصل له ظرف عن خله ايعيقه سقى الله وقت ٍ فات يوم الأمور بخير =قبل لا يغربلنا الزمان وتعاويقه بعيد ٍ عن العذال والكذب والتزوير = زمان ٍ مضى لأهل الهوى فيه تشويقه لكن الرجاء باقي مدام الطيور اتطير =وعسى الله يجمع كل عاشق بعشيّقه |
|||||||
التعديل الأخير تم بواسطة خيال الشدادين ; 04 Aug 2012 الساعة 01:15 PM
|
||||||||
31 Jul 2012, 08:42 PM | [ 19 ] | |||||||
شاعر
|
رد: مداهيل الحرف
أنا ما ذبحني غير يوم العشي مريت = مداهيل حي ٍ بالمودة مصافيني
وياليتني ما جيت مدهالهم ياليت = تذكرت وقت ٍ فات واسترسلت عيني لقيت الديار اخلي ومن شوفها انضريت =ماغير الحمام يجر فيها التلاحيني سقى الله زمان ٍ يوم ألاقيه لامن جيت =وانادي على خلي وخلي يناديني لكن الليالي شتت شملنا تشتيت = تنحا وأنا عنه تنحت بي اسنيني وانا يعلم الله ما نسيته ولا سجيت =وعليه الغرام وزايد الشوق طاويني ولامن ذكرت الترف ضاف الهدب ونيت =ونين الطريح اللي ضرب له برمحيني تكالت عليه الخيل ولا فاده التصويت = وخلوه ربعه في نحور المغليني وأنا لا سمعت احد ٍ يطرّي الغضي فزيت = احبه واحب اللي يطريّه بالزيني غرامه برى حالي وجرّعني الحلتيت = ومن سبته شفت العناء والتغابيني ولامن غفت عين المخاليق ما غفيت =تقول الملايل تلتهب في حجر عيني حداني الزمن عن صاحب ٍ في هواه ارهيت = ولا لي رفيق ٍ في زماني يشكويني |
|||||||
التعديل الأخير تم بواسطة خيال الشدادين ; 04 Aug 2012 الساعة 01:16 PM
|
||||||||
31 Jul 2012, 08:47 PM | [ 20 ] | |||||||
شاعر
|
رد: مداهيل الحرف
الا وا عذابي منك يا شمعة الحيين=وراك اتغلا يا بعد كل حيّاني
أنا احسبك وافي يوم حنا معك وافين= واثاريك يا سيد الغنادير خوّاني |
|||||||
التعديل الأخير تم بواسطة خيال الشدادين ; 04 Aug 2012 الساعة 01:17 PM
|
||||||||