( كامل بدر ) ردية بين طايل المستحيل وبعيد المدى

ردية بين طايل المستحيل وبعيد المدى

كامل بدر والبرد والبر والسيل = تزيح هم اللي همومه كتمها
يطرب ويسعد من شكى مايل الميل = لاضاق من جور السنين وعدمها

والخامسه شوف الرموش المضاليل = لاوافقت لك ساعت(ن) في تممها
والسادسه لاصدر(ن) المقابيل = اللي علي قلبي تعلو(ن) قممها
والسابعه سبع الخلا له تعاليل = يقنب ولا حاه الصدى في صممها
والثامنه والتاسعه دون تقليل = والعاشره غفل(ن)ولاحد(ن) وسمها
يالحارثي ارفع لنا بالتكاميل = والنار لاشبت عرِف من شعمها
اخر جديد المشعبي بالتماثيل = وش مهرت(ن) تسرج ولاحدن لزمها ؟

رد بعيد المدى

ياطالب(ن) جل الخبر بالتفاصيل = من ناس عادتها تبرهن شيمها
الطيب مايصعب على صامل الحيل = يوم الرديه همها من وهمها
ولاطراة العمر عند المشاكيل = اهل النباا اللي ماينكس علمها
سج القدم لاطاح وبل الهماليل = في خايع مادوجت به غنمها
وحر المراحب في قبول الرياجيل = والدله اللي ماتوخر ولمها
سوات من قايس لها البن والهيل = وبزعفرانه والعويدي حكمها
قدوعها مقدم عذوق الشماشيل = لاقام قطاف الغروس وصرمها
ومقناا ام خمس اللي ينومس ليا قيل = يتوق دامن الحزام يخدمها
ومرقاي ومجلاسي بروس المهاييل = لا اشتات فكري للهجوس وزهمها
وعقد(ن) من اللولو اللونه تلو ليل = لو لاح لك ماعاش لك من نظمها
ياالمشعبي جيتك برد التماثيل = بشفوفنا ومرادنا نختتمها

وسلامتكم جميع

صح لسانك

على هذه الابيات الرائعه

وتقبل مروري

تحياتي

كفو والله
وعساكم على القوة
وصحت ألسنتكم جميع

والله يحييكم

صح لسان الشاعران
ونشكرك على النقل ياطايل المستحيل
وكل عام وأنتم بخير


أهل الحرقاء

صحت السنتكم
وتسلم يمناك عى نقل الردية لنا

صحة الالسنه وتعافت الابدنه
ابدعتو بالردية
لاهنتو
ونتمنى نقراء لك المزيد من ابداعاتك ياطايل المستحيل
تحيتي لكما